Павлов Александр Иванович

Рувикиын эмӧсь мукӧд йӧз йылысь статьяяс, кодъяслӧн овыс Павлов.

Павлов Александр Иванович
Чужан лун	1914-ӧд вося вӧльгым тӧлысь 7-ӧд лун(1914-11-07)
Чужанін	Коробицыно[d], Ногинск сикт овмӧдчӧмин[d], Сямженский район[d] либӧ Кадников уезд[d], Вӧлӧгда губерния, Россияса империя
Кулан лун	1982-ӧд вося ӧшым тӧлысь 27-ӧд лун(1982-12-27) (68 арӧс)
Куланін	Ярославль, РСФСР, Сӧветскӧй Социалистическӧй Республикаяслӧн Союз
Ошканпасъяс да премияяс

Павлов Александр Иванович (1914-ӧд вося вӧльгым тӧлысь 7-ӧд лун, Коробицыно^[d], Ногинск сикт овмӧдчӧмин^[d] или Кадников уезд^[d], Вӧлӧгда губерния — 1982-ӧд вося ӧшым тӧлысь 27-ӧд лун, Ярославль) — Комиысь Слава ордена тыр кавалер (1944, 1945, 1946).

Олантуй

Александр Павлов чужис Вӧлӧгда обласьтысь Сямжа районса Коробицыно грездын 1914 вося вӧльгым тӧлысь 7-ӧд лунӧ кресьтянин семьяын. Роч. Помаліс начальнӧй школа, уджаліс колхозын. 1936—1938 воясын служитіс Гӧрд Армияын. 1938 восянь уджаліс Пытшкӧсса делӧяс министерствоын. Мӧдысь Гӧрд Армияӧ босьтӧма 1941 вося ӧшым тӧлысьӧ Емдін районса военкоматӧн.

Айму вӧсна Ыджыд тыш кадӧ

Тышкасис 1942 вося косму тӧлыссянь.

Миномётнӧй расчётса командир сержант Павлов аслас расчёткӧд бӧрыньтіс 1944 вося вӧльгым тӧлысь 23-26 лунъясӧ «Безымянные домики» хуторбердса Курсиши сикт районын прӧтивниклысь 8 контратака да миномёт биӧн бырӧдіс прӧтивниклысь 40 гӧгӧр салдатӧс. 207-ӧд стрелкӧвӧй дивизиялӧн 1944 вося ӧшым тӧлысь 13-ӧд лунся приказӧн сійӧс наградитӧмаӧсь 3-ӧд степеня Слава орденӧн.

1945 вося рака тӧлысь 11-ӧд лунӧ Павлов аслас расчётӧн Балтика саридз дорын Гофф местечкоын мукӧд расчётъяскӧд ӧтвылысь бӧрыньтіс противниклысь 7 контратака, жугӧдіс 2 пулемёт, личнӧй оружиеысь бырӧдіс противниклысь 11 салдатӧс. 1945 вося ода-кора тӧлысь 3-ӧд лунся 3-ӧд ударнӧй армиялӧн приказӧн сійӧс наградитӧма 2-ӧд степеня Слава орденӧн.

1945 вося ода-кора тӧлысь 1-2 лунъясӧ Берлинса уличвывса косьясын старшина Павлов аслас расчётӧн пӧдтіс 4 пулемёт да бырӧдіс прӧтивниклысь 10 гӧгӧр салдатӧс. СССР-са Медвылыс Сӧвет Президиумлӧн 1946 во ода-кора тӧлысь 16-ӧд лунся Индӧдӧн вӧлі наградитӧма медводдза степеня Слава орденӧн.

Айму вӧсна Ыджыд тыш бӧрын

Война бӧрын А.И. Павлов водзӧ служитіс Пытшкӧсса делӧяс министерствоын. 1946 вося тӧвшӧр тӧлыссянь 1968 вося моз тӧлысьӧдз оліс Коми Республикаысь Княжпогост районса Ропча посёлокын, а сэсся Ярославль карын. Куліс 1982 вося ӧшым тӧлысь 27-ӧд лунӧ.

Наградаяс

• III тшупӧда Слава орден (№ 238957) (1944.12.13);
• II тшупӧда Слава орден (№ 23687) 1945.05.03);
• I тшупӧда Слава орден (№ 911) (1946.05.15);
• Гӧрд Кодзувлӧн орден;
• «Тышын заслугаясысь» медаль;
• «Берлин босьтӧмысь» медаль
• «1941—1945 воясся Айму вӧсна Ыджыд тышын Германия вермӧмысь» медаль.

Пасйӧдъяс