Петыр да Феврония лун
| Петыр да Феврония лун | |
|---|---|
 Вежа Петыр да Февронья. Муромса Спасо-Преображенскӧй манастырын фреска. | |
| Сикас | Христианскӧй |
| Мӧд ногӧн | Феврония Русальница |
| Пасйӧны | асыввыв славяна |
| Кадпас | лӧддза-номъя тӧлысь 25-ӧд лун (сора тӧлысь 8-ӧд лун) |
| Традицияяс | купайтчисны повтӧг нин, чайтісны, мый ваувсаяс мунӧны нин берег доръясысь ва пыдіинӧ да унмовсьӧны |
| Йитчӧма | Иван лун бӧрся лун |
 Медиафайлы на РУВИКИ.Медиа | |
Петыр да Феврония лун — вежа Петырӧс да Февронияӧс казьтылан лун [1], а сідзжӧ Феврония Низибийскаяӧс казьтылӧм[2] Роч православнӧй вичкоын. Пасйӧны лӧддза-номъя тӧлысь 25 лунӧ (сора тӧлысь 8 лунӧ).
Асыввыв славяналӧн йӧзкостса календарын - медводдза ытшкан лун. Лыддьыссис, мый тайӧ лунӧ медбӧръя русалкаяс мунӧны берегъяс вылысь джуджыд ваӧ, та вӧсна купайтчыны позьӧ вӧлі нин повтӧг[3].
2008 восянь Рочмуын пасйӧны Петыр да Феврония лункӧд йитӧм Гозъялы да муслунлы сиӧм лун[4].
Гажлӧн история
Князь Петыр йылысь летописнӧй источникъясын оз казьтывсьы. Ӧткымын туялысьяс ӧткодялӧны Петырӧс да Февронияӧс летописьяс серти тӧдса муромскӧй князь Давид Юрьевичкӧд да сылӧн гӧтыркӧд. Князь Давид веськӧдліс Муромын 1205 восянь 1228 воӧдз да пыртчигӧн примитіс Петыр ним, сылӧн гӧтыр йылысь пӧшти нинӧм абу тӧдса.
Вежаясӧс канонизируйтӧма Роч православнӧй вичкоӧн 1547 воын. Канонизация бӧрын регыд вӧлі лӧсьӧдӧма тӧдса «Петыр да Феврония Муромсаяс йылысь повесть». Туялысьяслӧн видзӧдлас серти, повестьын ӧтувтӧма кык йӧзкостса поэтическӧй сюжет: биа змей йылысь волшебнӧй мойд да мудрӧй ныв йылысь мойд[5]. Устно-поэтическӧй народнӧй традициякӧд йитчӧма и шӧр героиня Феврониялӧн образыс. "Пётр да Феврония Муромскийяс йылысь повесть" жанр оз лӧсяв ни историческӧй повестьлы, ни агиографическӧй повестьлы. [6][7].
Вичкоын вежаясӧс нимӧдан лунӧн лоӧ юлианскӧй календар серти лӧддза-номъя 25-ӧд лун, григорианскӧй серти сора тӧлысь 8-ӧд лун[8].
Летописьясын индӧма, мый князь Давидлӧн (Петырлӧн) да княгинялӧн кувсьӧмыс да найӧс гуалӧмыс усьӧмаӧсь Югыд вежон вылӧ (1228 вося апрель) да та вӧсна сувтӧ юалӧм, оз-ӧ лӧсявны кулӧм кад да вичкоӧн пыдди пуктӧм кадпас. Вежаясӧс канонизируйтан вичкоса практика висьталӧ вежаясӧс казьтылан кык кадпас йылысь - налӧн кулӧм лун да налысь вежа мощисӧ вуджӧдан лун. Такӧд йитӧдын туялысьяс чайтӧны, мый лӧддза-номъя 25-ӧд лункӧд йитчӧма вежа князьлӧн да княгинялӧн мощияссӧ важмӧм Борисоглебскӧй кафедральнӧй соборысь выльысь стрӧитӧм Богородица Рӧштво соборӧ вуджӧдӧм. Сійӧ XV нэмын нин вӧлі (выльмӧдӧма XVI нэмын) Муромын Воеводскӧй гӧра вылын, кӧні мощияссӧ видзисны сӧветскӧй власть пуксьытӧдз [9]. Собор вӧлі жугӧдӧма 1930-ӧд вояс помын.
Сыкӧд йитӧдын, мый Петырӧс да Февронияӧс казьтылан луныс усьӧ Петырлӧн видз вылӧ, кор оз позь вӧчны гӧтрасян таинствосӧ, Роч Православнӧй вичколӧн Вежа Синод 2012 вося ӧшым тӧлысь 25-ӧд лунӧ индіс мӧд праздник 1992 воын мощияс вуджӧдӧм вӧсна. Гажсӧ нуӧдӧны кӧч тӧлысь 6-ӧд (19) лунлы паныда вӧскресенньӧӧ[10].
Асыввыв славяналӧн
- Мӧд нимъяс
рочӧн Пётр и Феврония, Феврония Русальница[11], Февронии-русальницы[12]; беларус Фяўроння, Пятро, Давыд, Ефрасіння[13]; украина Петра і Февронії.
- Традицияяс
Муромса князь Петыр да сылӧн Феврония гӧтыр дорӧ гозъя шыӧдчӧны семьяын шуд йылысь кевмысьӧмӧн[14].
Чайтлісны, мый тайӧ луныс вӧлі шудаӧн радейтчӧмлы да гӧтрасьӧмлы[15], и Иван войся ворсӧмъяс бӧрын артмисны суженӧй гозъяяс[16]. Йӧзкостса эскӧм серти, тайӧ лунӧ артмӧны шуда гӧтрасьӧмъяс[17].
Медводдза ытшкӧм. Кӧлдунъяслӧн, кӧинъяслӧн, кӧлдунъяслӧн, олысяяслӧн, ваувсаяслӧн да быдсяма немортлӧн проказа лун. Чайтлісны, мый тайӧ лунӧ кӧлдунъяс пычкӧны тирлич-турунлысь сок [12]. Тирличысь ведьмаяс пычкӧны соксӧ да вӧдитчӧны сійӧн асланыс смилитӧмын, торйӧн нин властьяс скӧрлунлы паныд[18]. Тайӧ лунсяньыс купайтчисны нин повтӧг, сы вӧсна мый лыддьыссьыліс, мый тайӧ лунӧ медбӧръя русалкаяс мунӧны берегъяс вылысь ва пыдіинӧ да унмовсьӧны. Тайӧ лунсӧ сідзжӧ лыддьылісны и мувывса да вӧрса турунъяслӧн тырвыйӧ кисьмӧм лунӧн, кодъяс тайӧ кадӧ дзоридзалӧны став мичлуннас. Ставыс, мый быдмӧ му вылын - "Иван лун кежлӧ тыр сокӧн" [19].
Гозъялы да муслунлы сиӧм лун
2005 воын Волгоградын вӧлі вынсьӧдӧма и нуӧдӧма сора тӧлысь 8-ӧд лунӧ «Вежа Петыр да Феврония Муромсаяслӧн лун. Радейтчысьяслӧн рочмуса лун». Котыртысьяснас лоисны «Открытый мир» да «Мы творим этот мир» ӧтйӧза котыръяс.
2006 вося сора тӧлысь 8-ӧд лунӧ «Мы творим этот мир» ӧтйӧза котыр нуӧдіс Волгоградын «Радейтчысьяслӧн рочмуса лун» гаж, кытчӧ пырӧдчис и Муромысь воӧм водзмӧстчысь котыр. На отсӧгӧн гажыслы лоис сетӧма ӧнія статуссӧ.
2006 воын карса власьтъяслӧн водзмӧстчӧмӧн Муромса олысьяс чукӧртісны 15-20 сюрс кырымпас «Гозъякостса муслунлы да семьяын шудлы сиӧм ставрочмувывса лун (благовернӧй князьяс Пётр да Феврония Муромскӧйясӧс казьтылӧм могысь)» шыӧдчӧм улӧ, кӧні корисны вынсьӧдны сора тӧлысь 8-ӧд лунсӧ став Россияса гажӧн, кодӧс сиӧма семьялӧн нравственнӧй да духовнӧй донаторъяслы.[20].
Ставроссияса гажыс, кодӧс нимтісны «Гозъялы да муслунлы сиӧм лун», медводдзаысь муніс 2008 вося сора тӧлысь 8-ӧд лунӧ. Сійӧс котыртіс Социально-культурнӧй водзмӧстчӧмъяслӧн фонд, мыйӧн юрнуӧдӧ Светлана Медведева, Россияса коймӧд президент Дмитрий Медведевлӧн гӧтырыс[20].
Гажыс вынсьӧдӧма 2022 во лӧддза-номъя тӧлысь 28-ӧд лунся Президентлӧн индӧдӧн[21].
Пасйӧдъяс
- ↑ Святые Пётр и Феврония — покровители семьи и брака. Шыӧдчан кадпас: 24 лӧддза-номъя тӧлысь 2016. Архивируйтӧма 1 сора тӧлысь 2016.
- ↑ Преподобномученица Феврония дева. День памяти: 25 июня. Шыӧдчан кадпас: 20 урасьӧм тӧлысь 2018. Архивируйтӧма 21 урасьӧм тӧлысь 2018.
- ↑ Коринфский, 1901, с. 314.
- ↑ О Петре и Февронии Муромских. «Культура.РФ».
- ↑ Царь Пётр и хитрая жена.
- ↑ Кусков, 1977, с. 152.
- ↑ Фокеев, 2002, с. 19.
- ↑ День Петра и Февронии: как отметить и чего нельзя делать в светлый праздник. Вечерняя Москва (7 урасьӧм тӧлысь 2019).
- ↑ Никита (Добронравов), 2008, с. 2—5.
- ↑ Журналы заседания Священного Синода от 25-26 декабря 2012 года Архивса копия 20 рака тӧлысь 2019 Wayback Machine ресурсын. Патриархия.ru.
- ↑ Народная культура Сибири, 1998, с. 96.
- ↑ 1 2 Юдина, 2000, с. 309.
- ↑ Васілевіч, 1992, с. 578.
- ↑ Котович, 2010, с. 198.
- ↑ Некрылова, 2007, с. 330.
- ↑ Терещенко, 1848, с. 83.
- ↑ Котович, 2010, с. 200.
- ↑ Терещенко, 1848, с. 89.
- ↑ Коринфский, 1901, с. 312.
- ↑ 1 2 День семьи, любви и верности. Досье. ТАСС (7 сора тӧлысь 2015). Шыӧдчан кадпас: 5 сора тӧлысь 2017. Архивируйтӧма 12 косму тӧлысь 2021.
- ↑ Указ Президента Российской Федерации от 28.06.2022 № 411 «О Дне семьи, любви и верности»
Литература
- Васілевіч Ул. А. Беларускі народны каляндар (be) // Паэзія беларускага земляробчага календара. Склад. Ліс А. С.. — 1992. — С. 554—612. Архивировано 11 ода-кора тӧлысь 2012 года.
- Грушко Е. А. Энциклопедия русских примет. — М.: ЭКСМО-Пресс, 2000. — 432 с. — ISBN 5-04-004217-5.
- Купать : Купала // Толковый словарь живого великорусского языка : в 4 т. / авт.-сост. В. И. Даль. — 2-е изд. — СПб. : Типография М. О. Вольфа, 1880—1882. — Т. 2. — С. 223.
- Золотые правила народной культуры / О. В. Котович, И. И. Крук. — Адукацыя i выхаванне, 2010. — 592 с. — 3000 экз. — ISBN 978-985-471-335-9.
- Коринфский А. А. Народная Русь : Круглый год сказаний, поверий, обычаев и пословиц русского народа. — М.: Издание книгопродавца М. В. Клюкина, 1901.
- Кусков В. В. История древнерусской литературы. — М.: Высшая школа, 1977. — 246 с. Архивса копия 18 лӧддза-номъя тӧлысь 2010 Wayback Machine ресурсын
- Народная культура Сибири: Мат-лы VII науч.-практ. семинара Сибирского регион. вузовского центра по фольклору / Редкол.: Т. Г. Леонова (отв. ред.) и др. — Омск: Изд-во Омского гос. пед. ун-та, 1998. — 239 с. — ISBN 5-8268-0269-3.
- Некрылова А. Ф. Круглый год. — М.: Правда, 1991. — 496 с. — ISBN 5-253-00598-6.
- Некрылова А. Ф. Русский традиционный календарь: на каждый день и для каждого дома. — СПб.: Азбука-классика, 2007. — 765 с. — ISBN 5352021408.
- Никита (Добронравов). Житие свв. князей Петра и Февронии в общем контексте истории г. Мурома. // Троицкие листки. — Муром, 2008. — № 29. — С. 2—5.
- Терещенко А. В. 5. Простонародные обряды // Быт русского народа: забавы, игры, хороводы. — СПб.: Тип. воен.-уч. заведений, 1848. — 181 с.
- Терещенко А. В. Быт русского народа: забавы, игры, хороводы. — М.: Русская книга, 1999.
- Фокеев А. Л. Этнографическое направление в русском литературном процессе XIX века: истоки, тенденции, типология. — М.: Народный учитель, 2002. — 216 с.
- Юдина Н. А. Энциклопедия русских обычаев. — М.: Рипол Классик, 2000. — 510 с. — ISBN 5-9533-0500-1.
- «Царь Пётр и хитрая жена». Русская народная сказка. Русская старина (сайт сказок).
Ыстӧгъяс
- Сайт о Петре и Февронии (petr-fevronia.ru)
- Повесть о Петре и Февронии Муромских Оригинальный текст в современной орфографии (ppf.asf.ru)
- «Царь Пётр и хитрая жена». Русская народная сказка. (starina-rus.ru)
- Загадки святой Февронии Муромской (pravoslavie.ru)
- Подборка проповедей о семье и браке с молебна святым Петру и Февронии Муромским (club-pif.ru).