Провинция

Провинция^[1] (латин provincia) — мутас, тшӧкыда административнӧй, единица союз пытшкын (шуам, Ӧтувтчӧм провинцияяслӧн республика), канму либӧ канму пытшкын.

Юркарын абу олысь, губернияын, уездын, кар сайын олысьӧс тшӧкыда шуӧны Провинциал да Провинциалка ^[1].

Кыв этимология

Кывйыс артмӧма латин «provincia» кывйысь. Важ Римын тадзи шулісны Важ Римлӧн киподувса мутасъяс, кутшӧмъяс вӧліны Апеннин кӧдж сайын да кодъясӧн веськӧдлісны римса наместникъяс, мӧд ногӧн кӧ, суйӧрсайса мутасъяс, кодъясӧс босьтӧмаӧсь (оккупируйтӧмаӧсь) римляна, шуам, Африка^[2], Вылыс Германия да Улыс Германия.

«Provincia» кыв, вермас лоны, артмӧма pro- («нимсянь») да vincere («веськӧдлыны мыйӧнкӧ») латин кывъясысь. Татшӧм ногӧн, провинция вӧлі мутасӧн, мыйӧн римса магистрат веськӧдліс Важ Рим нимсянь. Римса империя вӧлі юкӧма провинцияяс вылӧ.

Ӧнія канмуясын да странаясын

Латин provincia кыв дінӧ матын кывъясӧн петкӧдлӧны Аргентинаын, Канадаын, Бельгияын, Испанияын, Индонезияын да ӧткымын мукӧд канмуын да странаын мутас юкӧдувъяс.

Уна канмуын да странаын провинция лоӧ относительнӧ ыджыд, оланпас пыртан власьт органъясӧ ассьыс представительяссӧ бӧръян канму мутас юкӧнӧн (кыдз уна англичан кывъя канмуын да странаын кытш). Мукӧдлаын - тӧдчана автономияа да вель ыджыд площадя канмупытшса единица, кодлӧн эмӧсь представительяс канмулӧн оланпас пыртан власьт органъясын. Францияын тайӧ мутас единица некутшӧм автономиятӧг, сідзкӧ, сійӧс вермӧ лӧсьӧдны либӧ бырӧдны шӧр власьт.

Сідз, провинция лоӧ канмуса шӧр власьтлӧн мутас юкӧдулӧн Бельгияын, Испанияын, Италияын да Филиппинъясын. Татшӧм канмуясын да странаясын, кыдзи Канада, Конго да Аргентина, сійӧ лоӧ тӧдчана автономияа бӧрйысян единицаӧн. Италияын да Чилиын провинция лоӧ регионлӧн административнӧй юкӧдулӧн, тайӧ канмуяслы да странаяслы медводдза тшупӧда административнӧй единицаӧн. Италияса провинцияяс сідзжӧ артмӧмаӧсь некымын административнӧй единицаысь, кодъяс шусьӧны коммунаӧн (коммуна либӧ община).

Великобританияын аскостса сёрниын провинцияясӧн шуӧны Ыджыд Лондонлысь любӧй кытш. Британскӧй империяын «провинция» ним Важ Рим моз вӧлі саридзсайса колонияяслӧн, шуам, Канада да Лунвыв Австралия.

Роч кывйын «провинция» кывйӧн сідзжӧ шуӧны любӧй канмулысь да страналысь медся ыджыд абу асшӧр административнӧй единицасӧ. Сідз, татшӧм провинцияясӧн лоӧны шэнь (Китай), мухафаза (Ирак, Сирия), усть (Иран), тьянгват (Таиланд), минтака (Саудса Аравия), зоб (Эритрея), то (КНДР, Лунвыв Корея) да уна мукӧд. Сэк жӧ эмӧсь торъялӧмъяс, шуам, Японияын провинцияяс (кен) традиция серти вуджӧдсьӧны "префектура" кывйӧн.

Пасйӧдъяс

↑ ¹ ² Провинция // Толковый словарь живого великорусского языка : в 4 т. / авт.-сост. В. И. Даль. — 2-е изд. — СПб. : Типография М. О. Вольфа, 1880—1882.
↑ Провинция // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.

Литература

• Провинция // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
• Провинция // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
• Провинция // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
• Провинция // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
• Провинция // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
• Провинция // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.

Ыстӧгъяс

• «Провинция»: опыт историографии.
• [mirslovarei.com/content_his/PROVINCIJA-43304.html Исторический словарь. Провинция.]

[автоссылка1-1] ¹ ² Провинция // Толковый словарь живого великорусского языка : в 4 т. / авт.-сост. В. И. Даль. — 2-е изд. — СПб. : Типография М. О. Вольфа, 1880—1882.

[2] Провинция // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.

[1]

[2]