Рабъясӧн вузасьӧмын да сійӧс бырӧдӧмын усьӧмаясӧс казьтылан войтыркостса лун
Рабъясӧн вузасьӧмын да сійӧс бырӧдӧмын усьӧмаясӧс казьтылан войтыркостса лун ( ООН-лӧн официал кывъяс вылын: англичан International Day for the Remembrance of the Slave Trade and Its Abolition, араб اليوم الدولي لذكرى الاتجار بالرقيق الأسود وإلغائه, испан Día Internacional del Recuerdo de la Trata de Esclavos y de su Abolición, китай 贩卖黑奴及其废除国际纪念日, француз la Journée internationale du souvenir de la traite négrière et de son abolition ) — моз тӧлысь 23-ӧд лун. Рабъясӧн вузасьӧмын да сійӧс бырӧдӧмын усьӧмаясӧс казьтылан войтыркостса лун вынсьӧдӧма ЮНЕСКО-лӧн Генеральнӧй конференциялӧн 29 С/40 резолюцияын. Шуӧмсӧ вӧлі примитӧма тайӧ организацияса Исполнительнӧй Сӧветлӧн 150-ӧд сессия вылын 8.2 резолюцияын вӧзйӧм серти.
ЮНЕСКО вӧзйӧ Ӧтувтчӧм Войтыръяслӧн Котырӧ (ООН-ӧ) став пырысь канмулы пырӧдчыны казьтылан мероприятиеясӧ.
Моз тӧлысь 23-ӧд лунсӧ вӧлі бӧрйӧма рабъяслӧн паськыда тӧдса кыпӧдчӧм вӧсна, мый ыпнитіс 1791 вося моз тӧлысь 23-ӧд лунлы паныда войӧ Санто-Доминго ді вылын.
Водзӧ вылӧ тайӧ лунсьыс кындзи Ӧтувтчӧм Войтыръяслӧн Котыр йӧзӧдіс рабствоын да рабъясӧн трансатлантическӧй вузасьӧмын усьӧмаясӧс казьтылан войтыркостса лун.