Ракетнӧй войска да артиллерия лун
| Ракетнӧй войска да артиллерия лун | |
|---|---|
 «Артиллерия — вӧйна ен!» СССР-са пошта марка (1945 во) | |
| Сідзжӧ | Артиллерия лун |
| Вынсьӧдӧма | 1944 воын |
| Пасйӧны |
 Беларусь Казахстан Россия Кыргызстан |
| Кадпас | вӧльгым тӧлысь 19-ӧд лун |
| Традицияяс | ӧтлаын служитысьяскӧд паныдасьлӧм |
| Йитчӧма | «Уран» операция заводитчӧмкӧд |
Ракетнӧй войска да артиллерия лун (рочӧн День ракетных войск и артиллерии) — казьтылан лун, водзджык пасйисны СССР-ын, а ӧні пасйӧны вӧльгым тӧлысь 19-ӧд лунӧ Россияын, Беларусьын[1], Казахстанын[2][3], Кыргызстанын[4] и Узбекистанын[5].
История
Артиллериялысь лун медводдзаысь вӧлі вынсьӧдӧма СССР-са Верховнӧй Сӧвет Президиумлӧн 1944 вося йирым тӧлысь 21-ӧд лунся Индӧдӧн[6]. Вӧльгым тӧлысь 19-ӧд лунсӧ вӧлі бӧрйӧма татшӧм помка вӧсна: 1942 вося вӧльгым тӧлысь 19-ӧд лунӧ СССР-са Гӧрд Армиялӧн Юго-Западнӧй да Донскӧй фронтъяслӧн ыджыд артиллерийскӧй подготовкасянь заводитчис «Уран» операция — Сталинградскӧй битва дырйи сӧветскӧй контрнаступление, Айму вӧсна Ыджыд тыш да став Мӧд мирӧвӧй война дырйи вуж выйӧныс вежсьӧм заводитчӧм. Тайӧ кадпассӧ вӧзйис Гӧрд Армияса артиллериялӧн Военнӧй сӧветӧ пырысь артиллерияса генерал-лейтенант И. С. Прочко. Вӧліны и мукӧд вӧзйӧмъяс, шуам, Артиллерия музейса начальник, полковник Я. Куске вӧзйис пасйыны урасьӧм тӧлысь 2-ӧд лунӧ — Сталинградскӧй битва помасян лунӧ[7].
СССР-са Верховнӧй Сӧвет Президиумлӧн 1964 вося вӧльгым тӧлысь 17-ӧд лунся Индӧд серти, Сӧветскӧй Армияса артиллерия войскалысь нимсӧ ракетнӧй войска да сухопутнӧй войскаса артиллерия ним вылӧ вежӧмкӧд йитӧдын, гажсӧ пасйисны кыдзи Ракетнӧй войска да артиллерия лун. Пасйӧны Россия Федерацияса Вооружённӧй Вынъяслӧн (Россияса ВС) став ракетнӧй да артиллерийскӧй часьтын. Быд во тайӧ лунӧ Москваын Александровскӧй садын нуӧдӧны кыпыд церемония, кор пуктӧны дзоридзьяс да венокъяс Тӧдтӧм салдатлӧн гу вылӧ да «Герой-кар Сталинград» казьтылан пас дорӧ[8]. Гаж водзвылын Россияса ракетнӧй войскаса да артиллерияса ветеранъяс да военачальникъяс пуктӧны дзоридзьяс да венокъяс Кремль стена дорын артиллерияса главнӧй маршалъяс Николай Вороновлӧн да Митрофан Неделинлӧн шой урнаяс дорӧ[9].
Пасйӧдъяс
- ↑ Поздравление министра обороны Республики Беларусь с Днём ракетных войск и артиллерии. www.vsr.mil.by (21 вӧльгым тӧлысь 2016). Шыӧдчан кадпас: 7 косму тӧлысь 2019. Архивируйтӧма оригинала 6 косму тӧлысь 2019 года.
- ↑ День ракетных войск и артиллерии. Шыӧдчан кадпас: 16 тӧвшӧр тӧлысь 2013. Архивируйтӧма 20 вӧльгым тӧлысь 2021.
- ↑ В Вооруженных Силах Казахстана отметили День ракетных войск и артиллерии. www.mod.gov.kz (21 вӧльгым тӧлысь 2016). Шыӧдчан кадпас: 7 косму тӧлысь 2019.
- ↑ Памятные даты. День артиллерии Кыргызской Республики. Шыӧдчан кадпас: 16 вӧльгым тӧлысь 2021. Архивируйтӧма 16 вӧльгым тӧлысь 2021.
- ↑ «19-Noyabr — O'zbekiston qurolli kuchlari artilleriyasi kuni». www.taqvim.uz (19 вӧльгым тӧлысь 2019). Шыӧдчан кадпас: 4 урасьӧм тӧлысь 2023.
- ↑ Закалённые громом, опалённые порохом... Ко Дню Ракетных войск и Артиллерии. Министерство обороны Российской Федерации. 74rvia.mil.ru (19 вӧльгым тӧлысь 2018). — Архивные документы Министерства обороны Российской Федерации. Шыӧдчан кадпас: 20 вӧльгым тӧлысь 2018. Архивируйтӧма 16 вӧльгым тӧлысь 2021.
- ↑ Крылов В. М. «Малочисленность пехоты вынуждала нас всю тяжесть прогрызания вражеской обороны возлагать на артиллерию…» Из истории учреждения Дня ракетных войск и артиллерии. // Военно-исторический журнал. — 2004. — № 11. — С.75-76.
- ↑ В Александровском саду состоялась торжественная церемония возложения цветов и венков к Могиле Неизвестного солдата и памятному знаку «Город-герой Сталинград» : Министерство обороны России… Шыӧдчан кадпас: 19 вӧльгым тӧлысь 2016. Архивируйтӧма 20 вӧльгым тӧлысь 2021.
- ↑ У Кремлёвской стены состоялось торжественное возложение венков к урнам с прахом главных маршалов артиллерии Николая Воронова и Митрофана Неделина : Министерство обороны России… Шыӧдчан кадпас: 19 вӧльгым тӧлысь 2016. Архивируйтӧма 20 вӧльгым тӧлысь 2021.