Раса боксянь дискриминация бырӧдӧм вӧсна тыш нуӧдан войтыркостса лун
Раса боксянь дискриминация бырӧдӧм вӧсна тыш нуӧдан войтыркостса лун ( ООН-лӧн официал кывъяс вылын: англичан International Day for the Elimination of Racial Discrimination, араб اليوم الدولي للقضاء على التمييز العنصري, испан Día Internacional de la Eliminación de la Discriminación Racial, китай 消除种族歧视国际日, рочӧн Международный день борьбы за ликвидацию расовой дискриминации, француз la Journée internationale pour l'élimination de la discrimination raciale ) — войтыркостса лун, пасйӧны быд во рака тӧлысь 21-ӧд лунӧ. Тайӧ войтыркостса лунсӧ йӧзӧдіс ООН-лӧн Генеральнӧй Ассамблея 1966 воын (2142 (XXI) №-а резолюция). Тайӧ кадпассӧ бӧрйӧма Лунвыв Африкаын трагическӧй лоӧмторъяс дырйи кулӧмаясӧс казьтылӧм могысь: тайӧ лунӧ 1960 воын апартеид режимлӧн африканечьясӧс быть паспортизируйтӧм йылысь оланпасъяслы паныд мирнӧй демонстрация дырйи полиция виис 69 мортӧс[1][к 1]. Буретш тайӧ лунӧ, 1981 вося рака тӧлысь 21-ӧд лунӧ, АӦШ-ын вӧлі официальнӧя пасйӧма Ку-клукс-кланӧ пырысьясӧн афроамериканечӧс линчуйтана медбӧръя суд.
2006 вося тайӧ лунлы сиӧм шыӧдчӧмын ООН-са генеральнӧй секретар висьталіс, мый раса боксянь дискриминациякӧд тыш нуӧдӧмын вермӧмыс йитчӧма прӧстӧй йӧзкӧд: кутшӧма найӧ кутасны сувтны терпитны позьтӧмторлы паныд, кутшӧма оз миритчыны быдлунъя олӧмас дискриминация актъяскӧд.
Темаяс
• 2021 во — «Томъяс расизмлы паныд»
• 2020 во — «Пыдди пуктӧм, справедливосьт да сӧвмӧм: Африкаын олысьяслы сиӧм войтыркостса дас восӧ видлалӧм»
• 2019 во — «Быдмысь националистическӧй популизмлы да вывті ыджыдалан идеологияяслы паныд сувтӧм да небзьӧдӧм»
• 2018 во — «Толерантносьт, инклюзивносьт, ӧтувъялун да унапӧлӧслун пыдди пуктӧм сӧвмӧдӧм»
• 2017 во — «Расизмӧ кутчысьӧм да лӧглун ӧзтӧм, тшӧтш и миграцияын»
• 2016 во — «Дурбанса декларациялӧн да Вӧчӧмъяс Уджтаслӧн вермӧмъяс да мытшӧдъяс — 15 во мысти»
• 2015 во — «Раса боксянь дискриминациякӧд тышын трагедияяслӧн тӧдчанлун»
• 2014 во — «Расизмкӧд да раса боксянь дискриминациякӧд тышын лидерлӧн роль»
• 2013 во — «Расизм и спорт»
• 2012 во — «Расизм и конфликт»
• 2011 во
• 2010 во — «Дисквалифицируйтны расизм»
• 2009 во —
• 2008 во —
• 2007 во — «Расизм и дискриминация — сӧвмӧмлы мытшӧд»
• 2006 во — «Дискриминациякӧд быдлунъя тыш»
Пасйӧдъяс
- Комментарийяс
- ↑ Такӧд йитӧдын ЮАР-ын рака тӧлысь 21-ӧд лунӧ пасйӧны Морт инӧдъяслысь лун, а унджык странаын сійӧс пасйӧны ӧшым тӧлысь 10-ӧд лунӧ.
- Ӧшмӧсъяс
- ↑ International Day for the Elimination of Racial Discrimination. Background (англ.). United Nations. Шыӧдчан кадпас: 9 вӧльгым тӧлысь 2021. Архивируйтӧма 9 вӧльгым тӧлысь 2021.
Ыстӧгъяс
• Материалы на сайте библиотеки ООН им. Д. Хаммаршельда
• Послание Генерального секретаря ООН в 2006-м году
• Послание Генерального секретаря ООН в 2007-м году
• 2010 год на сайте ООН