Россияса МВД-лӧн штабса юкӧдувъяс котыртан лун
Россияса МВД-лӧн штабса юкӧдувъяс котыртан лун (рочӧн День образования штабных подразделений МВД России) — Россияса МВД-лӧн штабъясын уджалысьяслӧн уджсикас гаж. Пасйӧны быд во, йирым тӧлысь 7-ӧд лунӧ.
История да пасйӧм
Тайӧ лунӧ, 1918 вося йирым тӧлысь 7-ӧд лунӧ, НКВД-лӧн Рабоче-крестьянскӧй милициялӧн медшӧр управление бердын вӧлі котыртӧма Инструкторскӧй да Информационнӧй юкӧнъяс. Неуна сёрӧнджык тайӧ юкӧнъяссӧ вӧлі ӧтувтӧма Инструкторско-инспекторскӧй юкӧнӧ, коді сэсся пырис сӧветскӧй Россияын 1919 во помын котыртӧм милиция Медшӧр управлениелӧн Инспекция составӧ. 1934 воын СССР-са пытшкӧсса делӧяс кузя народнӧй комиссариат котыртӧм бӧрын вӧлі котыртӧма и НКВД-лысь медшӧр инспекция, коді уджаліс 23 во да вӧлі бырӧдӧма 1957 воын. 1960-ӧд вояс помсянь 1980-ӧд вояс заводитчӧмӧдз штабса служба тӧдчымӧн вежсис: 1968-1969 воясӧ организационно-инспекторскӧй юкӧдувъяс вӧлі лӧсьӧдӧма быдлаын, а 1971-1972 воясӧ найӧс вӧлі пӧртӧма штабъясӧ. 1982 во помланьыс нин штабса юкӧдувъяс уджалісны пытшкӧсса делӧяслӧн став министерствоын да управлениеын[1].
Свердловск обласьтса ГУВД-лӧн штабса начальник милицияса генерал-майор Александр Первухин 2008 воын «Россия Федерацияса пытшкӧс делӧяс министерстволӧн штабса юкӧдувъяс котыртан лун» дырйи шуис:
Медводдза поколениеса штабнӧй сотрудникъяслӧн уджыс пуктіс подув службалӧн бура артмӧмлы, авторитет да пыдди пуктӧм шедӧдӧмлы.
Первухин пасйис штабъяслысь ӧнія уджсӧ и водзӧ вылӧ уджалан нырвизьяссӧ:
Штабъяс ӧні лоӧны ОВД-лӧн торйӧдны позьтӧм юкӧнӧн, шӧринӧн, кӧні детальнӧя туялӧны да анализируйтӧны нуӧдан уджсӧ да мӧвпалӧны став методъяс йылысь, мый отсӧгӧн уджсӧ кутасны нуӧдны водзӧ вылӧ[2].
Тайӧ луннас штаб юкӧдувъясын медбур уджалысьяслы сетӧны канму наградаяс.
Пасйӧдъяс
Видзӧдӧй тшӧтш
• Юристлӧн лун
• Милиция лун
• Уголовнӧй розыскын уджалысьяслӧн лун
• ОМОН лун
Ыстӧгъяс
• Штабные подразделения Свердловской области отметили профессиональный праздник (сайт МВД)