Россияын вӧрса пӧжаръяс (2025)

Босьтӧма Рувикиысь
Россияын вӧрса пӧжаръяс 2025 воын
Россияын вӧрса пӧжаръяс 2025 воын
Россияын вӧрса пӧжаръяс 2025 воын
Ин  Россия
Кадпас 2025 вося урасьӧм тӧлыссянь

Россияын вӧрса пӧжаръяс 2025 воын (рочӧн Лесные пожары в России в 2025 году) — Россияын 2025 вося тӧвшӧр тӧлыссянь ӧшым тӧлысьӧдз вӧр сотчӧм.

Прогноз

[вежны | Вежны кодировкаын]

Рослесхозлӧн юӧр серти, 2025 воын аномальнӧй поводдя вӧсна вӧрса пӧжаръяс вермасны заводитчыны мукӧддырся серти водзджык[1]. Шӧр федеральнӧй кытшлы этша лымъя тӧв вӧсна вӧлі тшӧктӧма дасьтысьны вӧрса пӧжаръяс кежлӧ рака тӧлысь шӧрын нин, а абу косму тӧлысь шӧрлань, кыдзи тайӧ пырджык вӧлі[2]. Сідзжӧ унаысь пӧжаръяс лоӧны морт вӧсна.

Алексей Ярошенко, вӧръяс серти эксперт да «Му инмӧ быдӧнлы» проектын эксперт, тӧдчӧдӧ:

2025 воын ыджыд пӧжаръяс вермасны лоны татшӧм медшӧр помкаяс вӧсна: водз тулыс, мый лоӧ Россияын вӧр зонаса унджык регионын, да зэв кос поводдя, мый лоас страналӧн рытыввыв юкӧнын. Лоас-ӧ косдыр збыльысь, зависитӧ сыысь, кутшӧм зэраӧн лоасны тулыс да гожӧм. Но ӧні нин позьӧ шуны, мый колян вося кос ар да этша лымъя тӧв вӧсна муын ваыс зэв этша[3].

2025 вося рака тӧлыссянь пӧжаръяс вермасны лоны матӧ 30 регионын Шӧр, Лунвыв, Волгаберд, Войвыв Кавказ федеральнӧй кытшъясын, а сідзжӧ Ылі Асыввылын. Вермасны ӧзйыны вӧръясыс и Брянск, Белгород, Москва, Воронеж обласьтъясын, Курск, Орёл да Смоленск обласьтса рытыввыв да шӧр юкӧнын[4].

Рака тӧлысь 14-ӧд лун вылӧ пӧжарысь видзчысян торъя режимсӧ вӧлі урчитӧма Россия Федерацияса куим субъектын: Калининград обласьтса став мутасын, Краснодар крайса кык муниципалитетын, Саридздор крайса 14 муниципалитетын.

Пӧжаръяс вермасны лоны нин Россия Федерацияса кӧкъямыс субъектын: Краснодар крайса став мутасын, Карачай-Черкесия, Кабарда-Балкария, Чечня Республикаясын, Белгород, Астрахань, Калининград обласьтъясса став мутасын, Саридздор крайса 18 муниципальнӧй юкӧнын[5].

Пӧжаръяс кусӧдӧмсӧ сьӧмӧн могмӧдӧм

[вежны | Вежны кодировкаын]

2025 воын вӧрса пӧжаръяскӧд тышкасьӧм вылӧ федеральнӧй сьӧмкудйысь регионъяслы урчитӧма матӧ 20 млрд шайт, мый унджык 2024 во серти[6].

Пӧжаръяс регионъясын

[вежны | Вежны кодировкаын]

Амур обласьт[вежны | Вежны кодировкаын]

2025 вося тулысын регион пасьтала пыртӧма пӧжарысь видзчысян торъя режим. Ода-кора тӧлысьын Амур обласьтса Свободненскӧй районын вӧрын ыпнитіс пӧжар, коді ӧдйӧ паськаліс ыджыд тӧв да кос поводдя вӧсна. Ода-кора тӧлысь 13-ӧд лунӧ биыс матыстчис «Восточный» космодром дорын Циолковскӧй кар дінӧ[7], ода-кора тӧлысь 14-ӧд лунӧ сійӧс локализуйтісны[8].

Байкалсайса край[вежны | Вежны кодировкаын]

Косму тӧлысь 7-ӧд лун кежлӧ регион пасьталаын вӧлі 32 пӧжар 57 сюрсысь унджык гектар вылын. Тунгокоченскӧй, Чернышевскӧй да Читинскӧй районъясын вӧлі пыртӧма ЧС режим[9].

Косму тӧлысь 17-ӧд лунӧ Рослесхоз юӧртіс, мый Байкалсайса крайын видлалӧны позянлун пыртны федеральнӧй тшупӧда ЧС режим. Косму тӧлысся лыдпасъяс серти, Байкалсайса край вылӧ воис 2025 во заводитчӧмсянь Россияын пасйӧм став вӧрса пӧжар площадьысь матӧ 60 %[10].

2025 вося косму тӧлысь 23-ӧд лунӧ пыртісны федеральнӧй тӧдчанлуна ЧС режим[11].

2025 вося ода-кора тӧлысь 13-ӧд лун кежлӧ Байкалсайса крайын вӧлі 45 вӧрса пӧжар 576 сюрсысь унджык гектар мутасын. Сӧмын Чита муниципальнӧй кытшын сотчис 31 сюрсысь унджык гектар. Россияса МЧС-ысь спасательясӧс вӧлі мӧдӧдӧма Сохондо, Яблоново да Тургутуй оланінъясӧ, сідзжӧ вӧрсӧ кусӧдісны Россияса МЧС-ысь Ил-76 самолётъясӧн[12].

Ода-кора тӧлысь 21-од лунӧ «Байкал» федеральнӧй трасса вӧлі тупкӧма вӧрын ыджыд пӧжар вӧсна. Биыс матыстчис дзик туй дорӧдз, та вӧсна вӧлі тупкӧма Улетовскӧй районын нёль километр автомашина туйяссӧ[13].

Саридздор край[вежны | Вежны кодировкаын]

Урасьӧм тӧлысь помын — рака тӧлысьын Саридздор крайын лоины уна пӧжар. Медшӧр ӧзъян помкаяснас лоисны этша лымъя кос тӧв да морт.

Ростов обласьт[вежны | Вежны кодировкаын]

Косму тӧлысь 2-ӧд лунӧ Батайск дорын Сола тыкӧд орччӧн заводитчис пӧжар, ӧзйис кос турун да юсьпӧлян. Вӧрса лэбачьяслӧн позъяс вермисны сотыны, а тшыныс воис Дон вылын Ростовӧдз[14].

Тюмень обласьт[вежны | Вежны кодировкаын]

Косму тӧлысь 1 лунсянь регионын пыртісны пӧжаръясысь видзчысян кадколаст. Тюмень карын вӧлі примитӧма торъя шуӧм, мый серти карса вӧръясӧ эз кутны лэдзны йӧзӧс пӧжарысь видзчысьӧм могысь[15].

Хабаровск край[вежны | Вежны кодировкаын]

Косму тӧлысь 10-ӧд лунӧ Россия Федерацияса экология да вӧр-ва озырлун министр Александр Козлов нуӧдіс заседание, кӧні сёрнитісны Хабаровск крайын пӧжаръяс йылысь. 2024 воын Хабаровск крайыс пырис Россияса вит регион лыдӧ, кӧні медъёна сотчисны вӧръяс, вӧр фондыс ичӧтмис 3,3 прӧчентысь унджык[16].

Хакасия[вежны | Вежны кодировкаын]

2025 вося косму тӧлысь 5-ӧд лунӧ республика мутасын ён тӧв вӧсна, мый ёсьмӧдіс регионын пӧжаръяссӧ, пыртӧма ЧС режим да пӧжарысь видзчысян торъя режим. Тайӧ лунӧ пасйӧма 43 ӧзйылӧм[17]. 2025 вося косму тӧлысь 6-ӧд лунӧ пасйӧма 60 пӧжар, бырӧдӧма 35 пӧжар, пӧжаръяслӧн ӧтувъя кузьтаыс лоис 80,6 км гӧгӧр[18][19]. Сотчӧмаӧсь олан керкаяс да стрӧйбаяс Абакан карын, Саяногорскын, Аскизскӧй, Бейскӧй, Орджоникидзевскӧй, Усть-Абаканскӧй, Алтайскӧй районъясын[20].

Косму тӧлысь 11-13 лунъясӧ вӧрса пӧжаръяс вӧліны кусӧдӧмаӧсь Хакасияса Таштып, Боград да Ширин районъясын[21].

Пӧжаръяс вӧлі пасйӧма косму тӧлысь 19-20 лунъясӧ республикаса ӧкмыс районын да карын, сы лыдын вӧлі пасйӧма видзӧдтӧг турун сотӧм вӧсна артмӧм пӧжаръяс[22][23].

Бурятия[вежны | Вежны кодировкаын]

2025 вося ода-кора тӧлысь 13-ӧд лунсянь Бурятияын вӧрса пӧжаръяс вӧсна пыртӧма регион тӧдчанлуна ЧС режим. Ода-кора тӧлысь 13-ӧд лунся асыв кежлӧ регионын вӧлі 22 вӧрса пӧжар Баунтовскӧй эвенкийскӧй да Еравнинскӧй районъясын. Сотчис вӧрыс 53 208 га ӧтувъя площадь вылын[24].

Коми Республика[вежны | Вежны кодировкаын]

2025 вося ода-кора тӧлысь 11-ӧд лунӧ Кулӧмдін районса Улыс Воч грездсянь 6,7 км сайын 16 час гӧгӧрын заводитіс сотчыны вӧр, 19 часын сійӧс вӧлі кусӧдӧма[25].

Коми Республикаын вӧрса пӧжаръяс йылысь быд лунся юӧрсӧ позьӧ лыддьыны Вӧр сотчӧмысь видзан Коми дінму шӧринса сайтысь.

Пасйӧдъяс

[вежны | Вежны кодировкаын]
  1. ↑ Лесные новости | Рослесхоз. rosleshoz.gov.ru (12 урасьӧм тӧлысь 2025). Шыӧдчан кадпас: 14 рака тӧлысь 2025.
  2. ↑ Рослесхоз ожидает лесные пожары в центре России в марте, Коммерсантъ (12 урасьӧм тӧлысь 2025). Шыӧдчан кадпас: 14 рака тӧлысь 2025.
  3. ↑ Худший пожарный прогноз за последние пять лет (амер. англ.). earthtouches.me (26 урасьӧм тӧлысь 2025). Шыӧдчан кадпас: 14 рака тӧлысь 2025.
  4. ↑ Из искры: лесные пожары могут начаться в 30 регионах уже в марте, Известия (21 урасьӧм тӧлысь 2025). Шыӧдчан кадпас: 14 рака тӧлысь 2025.
  5. ↑ Авиалесоохрана: О лесопожарной обстановке в России на 00:00 мск 14.03.2025 г. НАНС (14 рака тӧлысь 2025).
  6. ↑ Дмитрий Патрушев: Для борьбы с лесными пожарами в 2025 году регионы получат из федерального бюджета почти 20 млрд рублей - Арктикпост. arcticpost.ru (14 рака тӧлысь 2025). Шыӧдчан кадпас: 14 рака тӧлысь 2025.
  7. ↑ МЧС России. Telegram. Шыӧдчан кадпас: 13 ода-кора тӧлысь 2025.
  8. ↑ Пожар около космодрома Восточный локализовали, РБК (14 ода-кора тӧлысь 2025). Шыӧдчан кадпас: 14 ода-кора тӧлысь 2025.
  9. ↑ В Забайкалье горит 32 пожара, с утра их было на три больше, ЧИТА.ру (7 косму тӧлысь 2025). Шыӧдчан кадпас: 7 косму тӧлысь 2025.
  10. ↑ В Забайкалье из-за лесных пожаров могут ввести федеральный режим ЧС, Interfax.ru (17 косму тӧлысь 2025). Шыӧдчан кадпас: 17 косму тӧлысь 2025.
  11. ↑ В Забайкальском крае ввели федеральный режим ЧС из-за лесных пожаров, Реальное время (23 косму тӧлысь 2025). Шыӧдчан кадпас: 23 косму тӧлысь 2025.
  12. ↑ МЧС России. Telegram. Шыӧдчан кадпас: 13 ода-кора тӧлысь 2025.
  13. ↑ Российскую федеральную трассу перекрыли из-за пожара, Lenta.RU (21 ода-кора тӧлысь 2025). Шыӧдчан кадпас: 21 ода-кора тӧлысь 2025.
  14. ↑ «Апокалипсис рядом с нами»: зарево пожара возле Батайска видно за километры, RostovGazeta (2 косму тӧлысь 2025). Шыӧдчан кадпас: 3 косму тӧлысь 2025.
  15. ↑ Тюменцам запретят посещать городские леса. СПИСОК, Nash Gorod (26 рака тӧлысь 2025). Шыӧдчан кадпас: 26 рака тӧлысь 2025.
  16. ↑ К глобальным таежным пожарам готовятся в Хабаровском крае, Transsibinfo.com (10 косму тӧлысь 2025). Шыӧдчан кадпас: 10 косму тӧлысь 2025.
  17. ↑ В Хакасии из-за пожаров и сильного ветра объявили режим ЧС, Взгляд.ру. (5 косму тӧлысь 2025). Шыӧдчан кадпас: 23 ода-кора тӧлысь 2025.
  18. ↑ 60 пожаров, один пострадавший - огнеборцы Хакасии об итогах штормовой субботы, 19rusinfo.ru (6 косму тӧлысь 2025). Шыӧдчан кадпас: 23 ода-кора тӧлысь 2025.
  19. ↑ Специалисты МЧС ликвидировали более 30 ландшафтных пожаров в Хакасии, Известия (6 косму тӧлысь 2025). Шыӧдчан кадпас: 23 ода-кора тӧлысь 2025.
  20. ↑ Названы все территории Хакасии, где из-за ветра бушевали пожары, Газета Хакасия (6 косму тӧлысь 2025). Шыӧдчан кадпас: 23 ода-кора тӧлысь 2025.
  21. ↑ Леса в Хакасии горели из-за подростков и искр от тепловоза, Юг Сибири (14 косму тӧлысь 2025). Шыӧдчан кадпас: 23 ода-кора тӧлысь 2025.
  22. ↑ Масштабные пожары охватили Хакасию, Новая Хакасия.online (21 косму тӧлысь 2025). Шыӧдчан кадпас: 23 косму тӧлысь 2025.
  23. ↑ В Хакасии за день потушено шесть ландшафтных и техногенных пожаров, Новая Хакасия.online (19 косму тӧлысь 2025). Шыӧдчан кадпас: 23 ода-кора тӧлысь 2025.
  24. ↑ В Бурятии в связи с лесными пожарами объявили режим ЧС, TACC (13 ода-кора тӧлысь 2025). Шыӧдчан кадпас: 13 ода-кора тӧлысь 2025.
  25. ↑ В Коми первый лесной пожар произошел в Усть-Куломском районе. Комиинформ (11 ода-кора тӧлысь 2025). Шыӧдчан кадпас: 23 ода-кора тӧлысь 2025.

Ыстӧгъяс

[вежны | Вежны кодировкаын]
Босьтӧма "https://kv.ruwiki.ru/w/index.php?title=Россияын_вӧрса_пӧжаръяс_(2025)&oldid=358321"-ысь