Россияын медшӧр ставка

Босьтӧма Рувикиысь
Медшӧр ставка вежсьӧм
Лоӧ юкӧнӧн: Сьӧм-кредит политика
Ключевая ставка в России.jpg
Лун 2025 вося сора тӧлысь 25-ӧд лун
Ин Россияса Банк
Помка Инфляция стабилизируйтӧм да экономика сувтӧдӧм
Участвуйтысьяс Россияса Банклӧн директоръяслӧн Сӧвет
Бӧртас Медшӧр ставка ичӧтмӧдӧм
Воддза ставка 20%
Выль ставка 18% ↘
Ичӧтмӧм 2%
Сайт cbr.ru

Россияса Банклӧн медшӧр ставка (рочӧн Ключевая ставка Банка России) — Россия Федерацияса Шӧр банклӧн (Россияса Банклӧн) сьӧм да кредит политикаын медшӧр инструмент, мый тӧдчӧ экономикаын прӧчент ставкаяс вылӧ, инфляция вылӧ да национальнӧй валюта курс вылӧ — тайӧ прӧчент ставка, мый серти Россияса Банк сетӧ коммерческӧй банкъяслы кредитъяс да босьтӧ насянь депозитъяс. Россияын медшӧр ставкасӧ вӧлі пыртӧма 2013 воын. Таӧдз Россияса Банк вӧдитчис рефинансируйтан ставкаӧн кыдзи сьӧм да кредит политикаын медшӧр инструментӧн[1]. Россияса Банклӧн директоръяслӧн сӧвет индӧ медшӧр ставкалысь ыдждасӧ вонас кӧкъямысысь[2].

2025 вося лӧддза-номъя тӧлысь 6-ӧд лунӧ Россияса банк чинтіс медшӧр ставкасӧ вонас 20 %-ӧдз, мый лоис 2022 вося кӧч тӧлыссянь сьӧм да кредит политика медводдза небзьӧдӧмӧн[3]. 2025 вося сора тӧлысь 25-ӧд лунӧ Россияса банк нӧшта ӧтчыдысь чинтіс медшӧр ставкасӧ — вонас 18 %-ӧдз[4].

Медшӧр ставка серти Россияса Банклӧн операцияяс

Россияса банк  (рус.) (коми примитӧ медшӧр ставка ыджда йылысь помшуӧмъяс сьӧм да кредит политикалысь могсӧ тӧд вылын кутӧмӧн — видзны вогӧгӧрся инфляциясӧ 4 прӧчент гӧгӧр. Медым кутны донъяссӧ, Шӧр банк вермас чорзьӧдны либӧ небзьӧдны сьӧм да кредит политика. Банк секторлӧн ликвидносьт  (рус.) (коми тырмытӧмлун дырйи Шӧр банк паськӧдӧ рефинансируйтӧмсӧ да сетӧ банкъяслы ликвидносьт медшӧр ставка серти, мый ӧти вежон кежлӧ лоӧ Россияса Банклӧн РЕПО  (рус.) (коми аукционъяс вылын медся ичӧт прӧчент ставкаӧн. Сэк, кор банковскӧй секторын ликвидносьтыс абу тырмымӧн, Шӧр банк босьтӧ сылысь лишнӧй юкӧнсӧ да кыскӧ банкъяслысь депозитъяс медшӧр ставка серти, мый ӧткодь Россияса Банклӧн депозитнӧй аукционъяс вылын ӧти вежон кежлӧ медыджыд прӧчент ставкакӧд. Россияса банк аслас сьӧм да кредит политика инструментъяс отсӧгӧн веськӧдлӧ ӧти лунся прӧчент ставкаясӧн, мый серти банкъяс нуӧдӧны ӧта-мӧдныскӧд сьӧм рынок вылын операцияяс. РЕПО ставкаяс да депозитъяс вылӧ ставкаяс костын прӧчент торъялӧмын сьӧм рынокса ставкаяс кутӧмӧн Россияса банк зільӧ матыстны найӧс сьӧм овмӧс политикалысь нырвизьсӧ урчитысь медшӧр ставка ыджда дорӧ[5].

Медшӧр ставка серти Россияса Банклӧн шуӧм

Россияса Банклӧн директоръяслӧн сӧвет индӧ медшӧр ставкалысь ыдждасӧ вонас кӧкъямысысь. Помшуӧмъяссӧ примитӧны нёль «подув» чукӧртчылӧм вылын, кутшӧмъясӧс нуӧдӧны кварталын ӧтчыдысь, да нёль коластса чукӧртчылӧм вылын, кутшӧмъясӧс нуӧдӧны «подув» чукӧртчылӧмъяс костын. Быд чукӧртчылӧм бӧрын Россияса Банк йӧзӧдӧ медшӧр ставка йылысь пресс-релиз. «Подув» чукӧртчылӧмъяс бӧрын пресс-релиз кындзи йӧзӧдӧны «Сьӧм да кредит политика йылысь доклад», и Россияса Банкса Председатель выступайтӧ пресс-конференция вылын, висьталӧ примитӧм шуӧм йылысь да вочавидзӧ журналистъяслӧн юалӧмъяс вылӧ[6].

Медшӧр ставкалӧн бӧртасъяс

Банк секторса прӧчент ставкаяс вылӧ медшӧр ставкалысь тодчӧмсӧ гӧгӧрвоӧдӧны сьӧм-кредит политикалӧн сідз шусяна «прӧчент канал» пыр. Медшӧр ставка серти шуомъяс тӧдчӧны став банкса прӧдуктъяс вылӧ. Россияса Банклӧн операционнӧй могӧн лоӧ сьӧм рыноклысь ставкасӧ медшӧр ставка дорын кутӧм. Россияса банк ичӧтмӧдӧ RUONIA  (рус.) (коми ставка да медшӧр ставка костын спредсӧ (торъялӧмсӧ). 2013—2014 воясын инфляционнӧй таргетируйтӧм  (рус.) (коми вылӧ вуджтӧдз кӧ спредыс вӧлі 2 %, то вуджӧм бӧрын, 2019 во помлань, сійӧ чиніс 0,5 %-ӧдз. Спредлӧн чинӧмыс висьталӧ банк секторын ликвидносьтӧн веськӧдлӧмлӧн бурмӧм йылысь[7].

Медшӧр ставка вежсьӧмыс тӧдчӧ банкъяслӧн кредит да депозит ставкаяс вылӧ. Но сійӧ абу тырвыйӧ: корпоративнӧй кредитъяс сегментын ставка вылӧ вуджӧдсьӧ медшӧр ставка вежсьӧмлӧн 50-сянь 80 прӧчентӧдз, а розничнӧй кредитъяс да депозитъяс сегментын — 40 прӧчентысь оз унджык. Банкса прӧдуктъяс серти прӧчент ставкаяссӧ корректируйтӧмыс босьтӧ урчитӧм кад, сёрмӧмыс лоӧ кык-куим тӧлысьсянь ӧти воӧдз. Прӧчент каналлӧн эффектлӧн абу ӧткодьлуныс петкӧдчӧ оз сӧмын прӧдуктаяс серти, но и срокъяс серти. Кредит да депозит рынокса унджык сегментын дженьыд кадся ставкаяс вочавидзӧны медшӧр ставка вежсьӧм вылӧ ӧдйӧджык да ёнджыка дыр кадся дорысь. Кредит да депозит рыноклӧн шӧр сегментъяслы оз ӧтмоза реагируйтны медшӧр ставка серти шуӧмъяс вылӧ. Депозит ставкаяс медся ньӧжйӧ реагируйтӧны медшӧр ставка кыпӧдӧм вылӧ сы чинтӧм вылӧ дорысь, а кредит рынок вылын асимметрияыс лоӧ мӧдарӧ. Но медшӧр ставкалӧн прӧчент каналлӧн тырмытӧмлуныс да асимметрияыс оз петкӧдлы сылысь омӧль бӧртассӧ. Шӧр банклӧн прӧчент ставкалӧн татшӧм жӧ свойствояс эмӧсь и мукӧд экономикаын[8].

Россияса Банклӧн прӧчент политикаыс косвеннӧя тӧдчӧ макроэкономическӧй динамика вылӧ да экономическӧй агентъяслӧн виччысьӧмъяс вылӧ. Торйӧн кӧ, промышленнӧй производство индекслӧн медшӧр ставка виччысьтӧм содӧм вылӧ реакцияыс лоӧ омӧльӧн да тӧдчанаӧн. Бӧртасыс нюжалӧ дыр да кусӧ куим воӧн. Таысь кындзи, чинӧны инвестицияяслӧн збыль ыдждаыс, торйӧн вузалӧмлӧн, экспортлӧн да импортлӧн ыдждаыс, збыль удждонъяс да содӧ уджтӧмалӧмлӧн нормаыс. Экономикаын уна сикас уджын медшӧр ставкалӧн эффектыс абу ӧткодь. Экспорт вылӧ веськӧдӧм секторъяс оз видзӧдны Россияса Банклӧн медшӧр ставка вылӧ, сэк кор пытшкӧсса проциклическӧй экономика уджъяс, кыдзи стрӧитчӧм, мӧдарӧ, ёна зависитӧны медшӧр ставка вежсьӧмъясысь. Татшӧм жӧ бӧртасыс овлӧ медшӧр ставка чинтӧм дырйи. Прӧчент политика небзьӧдӧмыс ышӧдӧ бизнесӧс. Но медшӧр ставка вылӧ шуӧмъяслӧн тӧдчӧмыс абу зеркальнӧй: политика чорыдмӧдӧм вылӧ макроэкономическӧй динамикаыс регируйтӧ ёнджыка сійӧс небзьӧдӧм серти[9].

Нейтральнӧй медшӧр ставка

Быд Шӧр банклӧн прӧчент ставка кузя медшӧр юалӧмъясысь ӧтиӧн лоӧ сылӧн ӧтвесьталун. Ӧтвесьтаӧн шуӧны «естественнӧй» либӧ «нейтральнӧй» прӧчент ставкасӧ сьӧм да кредит политикалысь збыль петкӧдчӧмын, кор абу коласт лоны вермана да фактическӧй ВВП костын, а инфляцияыс лоӧ водзвыв урчитӧм ыджда дорын. Номинальнӧй нейтральнӧй ставка ӧткодь реальнӧй нейтральнӧй ставка да виччысяна инфляция ӧтувтӧмкӧд. Инфляция виччысьӧмъяс дырйи, кутшӧмъяс ӧткодьӧсь инфляциялӧн водзвыв урчитӧм ыдждакӧд, нейтральнӧй ставкаыс лӧсялӧ Шӧр банклӧн инфляция могкӧд. Ӧтвесьталун дырйи Россияса Банклӧн медшӧр ставкаыслӧн дыр кадся ыдждаыс должен лоны вонас 4 %[10].

Збылься нейтральнӧй ставкасӧ урчитӧны экономикалӧн тэчасног, финансӧвӧй да нефинансӧвӧй активъясӧ инвестицияяслӧн риск тшупӧд, а сідзжӧ экономическӧй агентъяслӧн найӧс ас вылас босьтны дасьлун. Торйӧн кӧ, нейтральнӧй ставка вылӧ тӧдчӧны производство факторъяслӧн ӧтувъя производительносьт, демография, сьӧм овмӧс секторлӧн состояние, мукӧд странаясын нейтральнӧй ставкалӧн ыджда. Нейтральнӧй ставкаыс — видзӧдны позьтӧм ыджда, и сійӧс водзвыв урчитӧмыс, кыдзи векджык овлӧ, зэв приблизительнӧйӧсь. Унджыкысьсӧ найӧ пасйӧны кутшӧмкӧ матысса ыджда, а оз стӧч ыджда. Ставкасӧ донъялӧмыс зависитӧ уна факторысь да вежласьӧ. Нейтральнӧй ставка донъялӧмыс Шӧр банклы колӧ, медым индыны сьӧм политикалысь нырвизьсӧ. Нейтральнӧй ыдждаысь вылынджык медшӧр ставка урчитӧмӧн Россияса Банк нуӧдӧ чорыд политика. Нейтральнӧй ыдждаысь улынджык ставка дырйи сылӧн политикаыс лоӧ стимулируйтысьӧн. Нейтральнӧй медшӧр ставка донъялӧм сідзжӧ колӧ экономическӧй агентъяслы — овмӧсъяслы да фирмаяслы — потребительскӧй да инвестиционнӧй шуӧмъяс примитӧм могысь[11].

Россияын медшӧр ставка вежӧм

Россияса Банклӧн медшӧр ставкалысь нейтральнӧй ыдждасӧ экспертъяс донъялӧны 1-3 % костын. Ачыс Россияса Банкыс 2016 вося туялігӧн донъяліс сійӧс 1 % кузь кадколаст вылӧ да 3 % дженьыд кадколаст вылӧ[12]. Независимӧй донъялӧмъяс серти, нейтральнӧй ставкаыс сэтшӧм жӧ либӧ улынджык. 2018 во помын МВФ  (рус.) (коми донъяліс сійӧс 1-3 % костын, та дырйи унджык донъялӧмыс вӧлі 2 % гӧгӧр[13]. «ВТБ Капиталлӧн» экономистъяс чайтӧны, мый нейтральнӧй ставкаыс 1,5 да 2,5 прӧчент костын[14]. 2020 во вылӧ Россияса банк арталӧ, мый дыр кадся реальнӧй нейтральнӧй ставкаыс 2-3 %. Инфляциялӧн 4 % целевӧй ориентир дырйи номинальнӧй нейтральнӧй медшӧр ставкаыс должен лоны 6-7 %[10].

2024 вося урасьӧм тӧлысь 16-ӧд лунӧ Россияса Банклӧн директоръяслӧн сӧвет колис медшӧр ставкасӧ вонас 16 % вылӧ[15].

2024 вося косму тӧлысь 26-ӧд лунӧ базӧвӧй сценарийын Россияса Банк кыпӧдіс 2024 да 2025 воясын медшӧр ставкалысь прогнозсӧ 15,0-16,0 % да 10,0-12,0 %-ӧдз. «Дезинфляцияыс кӧ сувтас, ми огӧ ӧтдортӧй медшор ставка кыпӧдӧмсӧ», — шуис косму тӧлысь 26-од лунӧ Россия Федерацияса Шӧр Банкӧн веськӧдлысь Эльвира Набиуллина. Сійӧ пасйис, мый Шӧр Банк кутас кутны ставкасӧ вылын «сэтчӧдз, кытчӧдз ковмас, медым инфляция зумыда бергӧдчис 4 % вылӧ». 4 % торъя мога петкӧдлас дорӧ воӧмсӧ Россияса банк виччысьӧ локтан воын. Та дырйи 2024 во вылӧ инфляция серти Россияса Банклӧн прогнозсӧ вӧлі содтӧма 4-4,5%-сянь 4,3-4,8 %-ӧдз[16].

2024 вося гожӧмын россияса банкъясӧн веськӧдлысьяс Герман Греф да Андрей Костин шуисны, мый оз виччысьны бур бӧртасъяс, чинтасны кӧ медшӧр ставкасӧ 4-5 прӧчентӧдз. Греф шуис татшӧм гипотетическӧй шуӧмсӧ «сигналӧн став банкъяслы, став экономикалы», мый «бӧръя тӧлка институт, кодӧс шуӧны Шӧр банкӧн, вӧчис кутшӧмкӧ ыджыд джӧмдӧм»[17].

2024 вося сора тӧлысь 26-ӧд лунӧ Россияса банк 2023 вося ӧшым тӧлысьсянь медводдзаысь кыпӧдіс медшӧр ставкасӧ — вонас 16 прӧчентсянь 18 прӧчентӧдз. Моз тӧлысьын Россияса банк восьтіс помкаяссӧ, кутшӧмъясӧс вӧліны ставкасӧ ӧтпырйӧ 19-20 прӧчентӧдз кыпӧдӧм вӧсна сора тӧлысьын чукӧртчылігӧн. На лыдын — инфляциялӧн 4%-ысь вылынджык водзӧ кутчысьӧм да производительяслӧн содны позянлунъяс бырӧм[18].

2024 вося моз тӧлысь помын Россияса банк признайтіс, мый экономикалӧн вежсьӧ медшӧр ставка дорӧ чувствительностьыс, мый вермас корны регуляторсянь сійӧс водзӧ вылӧ ёнджыка вежны, висьталіс Шӧр банкса веськӧдлысьӧс вежысь Алексей Заботкин. Сійӧ шуис, мый медшӧр ставкалӧн ӧнія ыдждаыс матынӧсь рекордъяс дорӧ, но сёрнитны сы йылысь, мый регуляторлӧн политикаыс ӧні вывті чорыд, абу бур[19].

2024 вося кӧч тӧлысь 13-од лунӧ Шӧр банк кыпӧдіс медшӧр ставкасӧ вонас 18%-сянь 19 %-ӧдз[20]. Локтан воын кӧ инфляцияыс кутас матысмыны 8 %-ӧдз, медшӧр ставкасӧ вермасны кыпӧдны 23 %-ӧдз, висьталіс ВТБ-са правлениеӧн веськӧдлысьӧс медводдза вежысь Дмитрий Пьянов[21]. Йирым тӧлысьын ВТБ-са юралысь Андрей Костин шуис, мый 2024 воын медшӧр ставкасӧ вермасны кыпӧдны 21 %-ӧдз[22].

2024 вося йирым тӧлысь 25-од лунӧ Россияса банк кыпӧдіс медшӧр ставкасӧ вонас 19%-сянь 21 %-ӧдз. Тайӧ россияса Шӧр банклӧн медшӧр ставка содтӧмыс коймӧд помся, а 21%-ыс — сылӧн медся ыджыд значениеыс став историяын. Воддза рекорднӧй пасыс — 20 % вӧлі 2022 вося урасьӧм тӧлысьын, военнӧй операция заводитчӧм да суйӧр сайын Шӧр банклысь зарни да валюта резервъяс кынтӧм бӧрын[23]. Центробанклӧн сьӧм да кредит кузя чорыд политикаыс — тайӧ абу кӧсйӧм, а экономикаын вӧчӧмторъяс вылӧ быть колана вочакыв, висьталіс Госдумаын сьӧм овмӧс рынок кузя комитетлӧн чукӧртчылӧм дырйи Шӧр банклӧн веськӧдлысь Эльвира Набиуллина. Сылӧн кывъяс серти, Шӧр банклӧн чорыд сьом да кредит политикаыс «дорйӧ удждонъяс, пенсияяс, пособиеяс да чӧжӧс донъяс содӧмысь», а ыджыд инфляция вермас лоны выгӧднӧйӧн сӧмын сэтшӧм бизнеслы, кодлысь тӧваръяссӧ гражданалы быть лоӧ ньӧбны кӧть кыдз[24].

2025 вося урасьӧм тӧлысь 14-ӧд лунӧ Россияса банкъяс тӧдчымӧн чинтісны Шӧр банкысь заимствуйтӧмъяслысь ыдждасӧ 1,79 трлн шайтӧдз, мый лоӧ 2024 вося лӧддза-номъя тӧлысь помсянь медічӧт петкӧдласӧн. Тайӧ 43,4 %-ӧн чинӧмыс висьталӧ сы йылысь, мый банкаяс оз виччысьны медшӧр ставка кыпӧдӧм локтан чукӧртчылӧм дырйи[25]. Бӧрынджык лои тӧдса, мый Россияса банк чукӧртчылӧм дырйи колис медшӧр прӧчент ставкасӧ вежсьытӧг вонас 21 % тшупӧдын[26].

2025 вося рака тӧлысь 21-ӧд лунӧ Россияса банк коймӧдысь дорвыв кольӧдіс медшӧр ставкасӧ вонас 21 %. Шуӧмсӧ вӧлі примитӧма вежонся инфляциялӧн да йӧзлӧн да предприятиеяслӧн инфляционнӧй виччысьӧмъяслӧн чинӧм вылӧ видзӧдтӧг[27].

2025 вося косму тӧлысь 25-ӧд лунӧ Россияса Банклӧн Директоръяслӧн Сӧвет шуис кольны медшӧр ставкасӧ вонас 21 % вылӧ. Тайӧ вӧлі нёльӧд чукӧртчылӧм, кӧні ставкаыс колис вежсьытӧмӧн[28].

2025 вося лӧддза-номъя тӧлысь 6-ӧд лунӧ Россияса банк 2022 вося кӧч тӧлыссянь медводдзаысь чинтіс медшӧр ставкасӧ — вонас 20 %-ӧдз[3].

2025 вося лӧддза-номъя тӧлысь 25-ӧд лунӧ Россияса банк нӧшта уськӧдіс ставкасӧ — вонас 18 %-ӧдз[4].

Видзӧдласъяс да прогнозъяс

2024 вося вӧльгым тӧлысьын Россияса Шӧр банкӧн веськӧдлысь Эльвира Набиуллина медводдзаысь висьталіс матысса вояс кежлӧ медшӧр прӧчент ставка да инфляция тшупӧдъяс серти ассьыс прогнозъяссӧ, индіс налӧн виччысяна чинӧм вылӧ. Государственнӧй думаын сёрнитігӧн сійӧ тӧдмӧдіс Россияса Банклӧн прогнозъясӧн, мый серти 2025 воын медшӧр ставкаыс вермас лоны 17-20 % (ӧнія тшупӧдыс — 21 %), а инфляцияыс — 4,5-5 %. Водзӧ вылӧ чайтӧны, мый инфляцияыс коляс 4 % гӧгӧр, а 2027 во кежлӧ медшӧр ставкаыс чинас 7,5-8,5 %-ӧдз. Набиуллина пасйис, мый экономикаын лоӧ вежсьӧм, матысса тӧлысьясӧ колӧ виччысьны корпоративнӧй кредит портфельлысь быдмӧмсӧ надзмӧдӧм, мый чинтас сылысь пайсӧ корӧмлӧн ӧтувъя содӧмӧ да надзмӧдас ӧнія инфляция. Сійӧ тӧдчӧдіс, мый тайӧ висьталӧ сы йылысь, мый сьӧм да кредит политика медбӧрын воис колана тшупӧдӧдз[29].

2025 вося урасьӧм тӧлысь 25-ӧд лунӧ ВТБ-ын водзвыв висьталісны, мый медшӧр ставкаыс во гӧгӧр чӧж кольӧ 21 % тшупӧдын. Банкса правлениеӧн веськӧдлысьӧс медводдза вежысь Дмитрий Пьянов пасйис 2025 восӧ «кредит маневр воӧн», пасйис, мый торъя йӧзӧн кредитъяс босьтӧмыс чинӧ оз административнӧй мераясӧн, а потребительскӧй кредитуйтӧмын дзескӧдӧмъяс пыр[30].

2025 вося урасьӧм тӧлысь 28-ӧд лунӧ ВТБ-са юралысь Андрей Костин водзвыв висьталіс, мый 2025 вося мӧд джынйын ЦБ-лӧн медшӧр ставкаыс чинас 19 процентӧдз. «Россия 24» эфирын сійӧ висьталіс, мый виччысьӧ инфляциялысь надзмӧм. Кредит политика чорыдлун вылӧ видзӧдтӧг да ЦБ-лӧн 19-22 прӧчента ставка вылӧ прогноз вылӧ видзӧдтӧг, Костин висьталіс, мый во помланьыс ставкаыс чинас. Топ-менеджерлӧн чайтӧм серти, 2025 воын банкъяслӧн чӧжӧсыс вермас чинны 15-20 % вылӧ[31].

2025 вося косму тӧлысь 3-ӧд лунӧ Россияса банкӧн веськӧдлысь Эльвира Набиуллина висьталіс, мый 2025 воын шӧркодь медшӧр ставка, Шӧр банклӧн прогнозъяс серти, виччысьӧны 19-22 % костын, сэк жӧ регулятор арталӧ, мый сійӧ лоӧ тайӧ диапазонлӧн улыс граница дорӧ матӧджык[32].

2025 вося косму тӧлысь 9-ӧд лунӧ Эльвира Набиуллина Госдумаын сёрнитігӧн шуис, мый Шӧр банк кутас видзчысьӧмӧн уджавны медшӧр ставка чинтӧм кузя. Набиуллина казьтыштіс, мый кольӧм воын инфляция бара ӧддзӧдчис во заводитчигӧн чинӧм бӧрын, та вӧсна Шӧр банк кӧсйӧ действуйтны видзчысьӧмӧн[33]. Регуляторӧн веськӧдлысь тӧдчӧдіс:

Ставка чинтӧм дорӧ ми кутам матыстчыны зэв ӧкуратнӧя, видзчысьӧмӧн. Колӧ эскӧдчыны, медым инфляциялӧн чинӧмыс вӧлі зумыдӧн. Но эм и выль риск — мирӧвӧй вузасьӧмын зэв ыджыд вежсьӧмъяс. Вузасян войнаяс пансьӧны миян син водзын, и ӧні сьӧкыд гӧгӧрвоны, кытчӧ найӧ вайӧдасны мирӧвӧй экономикаӧс да кыдзи тӧдчасны Россия вылӧ[34].

2025 вося косму тӧлысь 21-ӧд лунӧ РБК-ӧн юасьӧм аналитикъяс водзвыв висьталӧмаӧсь, мый косму тӧлысь 25-ӧд лунся чукӧртчылӧм дырйи Россияса банк, тыдалӧ, нёльӧдысь дорвыв кутас кутны медшӧр ставкасӧ вонас 21 %. Экспертъяс пиысь унджыкыс чайтісны, мый ставкаыс коляс вежсьытӧмӧн, но ӧткымынъяс чайтӧны, мый позьӧ заводитны небзьӧдны сьӧм политика да чинтыны ставкасӧ косму тӧлысьын нин. Ставкасӧ кольӧм вӧсна помкаяс лыдын индісны инфляция чинӧм, но йӧзлӧн да бизнеслӧн вылын инфляционнӧй виччысьӧмъяс, а сідзжӧ геополитическӧй ёсьлун да вузасян войнаяс паськалӧмлӧн риск. Сэк жӧ, ӧткымын экспертъяс индісны экономика кӧдзалӧмлӧн признакъяс вылӧ, кредитуйтӧмлӧн ньӧжмыдмӧм да М2 сьӧм массалӧн чинӧм вылӧ, мый вермас лоны ставка чинтӧм вылӧ подулӧн[35].

2025 вося косму тӧлысь 25-ӧд лунӧ ВТБ-са веськӧдлысьӧс медводдза вежысь Дмитрий Пьянов Россияса Банклӧн ыджыд медшӧр ставкасӧ ӧткодяліс экспериментальнӧй антибиотиккӧд, тӧдчӧдіс, мый сійӧс колӧ дыр видзны. Сылӧн видзӧдлас серти, водзджык сьӧм политикасӧ небзьӧдӧмыс вермас лоны сэтшӧм жӧ лёкӧн, кыдзи лекарствоысь дугӧдчӧм. Пьянов пасйис, мый 2022 во бӧрын Россиялӧн экономикаыс лоӧ аслыспӧлӧсӧн, и Шӧр банк оз вермы стӧча висьтавны, дыр-ӧ кутасны сёйны тайӧ «антибиотиксӧ»[36].

2025 вося лӧддза-номъя тӧлысь 2-ӧд лунӧ лои тӧдса, мый аналитикъяс пиысь коймӧд пайыс виччысьӧ, мый Россияса банк чинтас медшӧр ставкасӧ лӧддза-номъя тӧлысь 6-ӧд лунся чукӧртчылӧм дырйи. РБК консенсус-прогнозын 30 участник пиысь 10 лыддьӧны, мый ставкасӧ вермасны чинтыны 19 прӧчентӧдз, а унджыкыс (30-ысь 20) чайтӧны, мый сійӧ коляс 21 % вылын, но небыдджык сигналӧн. Медшӧр помкаыс ставка чинтӧм вылӧ — инфляциялӧн чинӧм, кӧть инфляционнӧй виччысьӧмъяс кольӧны вылынӧсь. Россияса банкӧн веськӧдлысьӧс вежысь Филипп Габуния висьталіс, мый локтан чукӧртчылӧм дырйи видлаласны уна сикас вариант. Сьӧм овмӧсса министр Антон Силуанов сідзжӧ шуис, мый ставкасӧ позьӧ чинтыны, ыстысис инфляциялӧн бур динамика вылӧ. Но уна эксперт индӧны удж рыноккӧд, инфляциякӧд да бюджетнӧй политикакӧд йитчӧм рискъяс вылӧ, мый вермас мешайтны чинтыны ставкасӧ лӧддза-номъя тӧлысьын[37].

2025 вося лӧддза-номъя тӧлысь 6-ӧд лунӧ Россияса банк чинтіс медшӧр ставкасӧ вонас 21 прӧчентсянь 20 прӧчентӧдз, мый лоис 2022 вося кӧч тӧлыссянь сьӧм да кредит политикаын медводдза небзьӧдӧмӧн. Тайӧ помшуӧмсӧ вӧлі примитӧма инфляциялӧн зумыдмӧм да экономикаын да кредит сетӧмын кӧдзалӧм вӧсна. Кӧть эськӧ унджык аналитикъясыс виччысисны, мый ставкаыс коляс 21 % тшупӧдын, но сьӧм овмӧс да экономика сӧвмӧдан министръяс вӧзйисны чинтыны сійӧс. Мыччӧдъяс серти, Россияын инфляция заводитіс чинны, косму тӧлысьын сійӧ лоис 10,23 % да лӧддза-номъя тӧлысь заводитчигӧн — 9,66 %. Шайт ёнмӧмыс сідзжӧ отсаліс чинтыны донъяссӧ. Аналитикъяс виччысьӧны медшӧр ставка водзӧ чинтӧм 2025 воын, во пом кежлӧ прогнозъяс серти 14-15 %[38].

2025 вося лӧддза-номъя тӧлысь 27-ӧд лунӧ Россияса вӧвлӧм премьер-министр Сергей Степашин шуис, мый Шӧр банклӧн ӧнія медшӧр ставкаыс 20 % вывті ыджыд промышленносьтлы, ӧткодялӧмӧн 1999 восякӧд, кор ставкаыс воліс 60 %. Сійӧ пасйис, мый 1999 воын инфляцияыс вӧлі 36,5 % гӧгӧр, а экономическӧй условиеясыс вӧліны мӧдӧсь. 2025 вося лӧддза-номъя тӧлысьын Шӧр банк 2022 вося кӧч тӧлыссянь медводдзаысь чинтіс ставкасӧ 21%-сянь 20 %-ӧдз, во помланьыс виччысис 7-8 % инфляциялӧн чинӧм[39].

2025 вося сора тӧлысь 2-ӧд лунӧ Россияса Банклӧн финансӧвӧй конгресс вылын Эльвира Набиуллина шуис, мый регулятор аддзӧ инфляциялӧн виччысьӧм серти ӧдйӧджык чинӧм, но ӧні сійӧ вылынджык урчитӧмсьыс; урчитӧмсьыс улынджык тшупӧдӧдз инфляциялӧн чинӧмыс сетас позянлун ӧдйӧджык чинтыны медшӧр ставка[40].

Россияын медшӧр ставкалӧн ыджда вежласян история

Медшӧр ставкалӧн статистика (восьтана таблица):

Россияса Банклӧн сайт (рус.). — мыччӧдъяс база.

Кадколаст вося % Вежсьӧм
17.09.2013 — 02.03.2014 5,5 —
03.03.2014 — 27.04.2014 7,0 ↗ 1,5
28.04.2014 — 27.07.2014 7,5 ↗ 0,5
28.07.2014 — 04.11.2014 8,0 ↗ 0,5
05.11.2014 — 11.12.2014 9,5 ↗ 1,5
12.12.2014 — 15.12.2014 10,5 ↗ 1,0
16.12.2014 — 01.02.2015 17,0 ↗ 6,5
02.02.2015 — 15.03.2015 15,0 ↘ 2,0
16.03.2015 — 04.05.2015 14,0 ↘ 1,0
05.05.2015 — 15.06.2015 12,5 ↘ 1,5
16.06.2015 — 02.08.2015 11,5 ↘ 1,0
03.08.2015 — 13.06.2016 11,0 ↘ 0,5
14.06.2016 — 18.09.2016 10,5 ↘ 0,5
19.09.2016 — 26.03.2017 10,0 ↘ 0,5
27.03.2017 — 01.05.2017 9,75 ↘ 0,25
02.05.2017 — 18.06.2017 9,25 ↘ 0,5
19.06.2017 — 17.09.2017 9,0 ↘ 0,25
18.09.2017 — 29.10.2017 8,5 ↘ 0,5
30.10.2017 — 17.12.2017 8,25 ↘ 0,25
18.12.2017 — 11.02.2018 7,75 ↘ 0,5
12.02.2018 — 25.03.2018 7,5 ↘ 0,25
26.03.2018 — 16.09.2018 7,25 ↘ 0,25
17.09.2018 — 16.12.2018 7,5 ↗ 0,25
17.12.2018 — 16.06.2019 7,75 ↗ 0,25
17.06.2019 — 28.07.2019 7,5 ↘ 0,25
29.07.2019 — 08.09.2019 7,25 ↘ 0,25
09.09.2019 — 27.10.2019 7,0 ↘ 0,25
28.10.2019 — 15.12.2019 6,5 ↘ 0,5
16.12.2019 — 09.02.2020 6,25 ↘ 0,25
10.02.2020 — 26.04.2020 6,0 ↘ 0,25
27.04.2020 — 21.06.2020 5,5 ↘ 0,5
22.06.2020 — 26.07.2020 4,5 ↘ 1,0
27.07.2020 — 21.03.2021 4,25 ↘ 0,25
22.03.2021 — 25.04.2021 4,5 ↗ 0,25
26.04.2021 — 14.06.2021 5,0 ↗ 0,5
15.06.2021 — 25.07.2021 5,5 ↗ 0,5
26.07.2021 — 12.09.2021 6,5 ↗ 1,0
13.09.2021 — 24.10.2021 6,75 ↗ 0,25
25.10.2021 — 19.12.2021 7,5 ↗ 0,75
20.12.2021 — 13.02.2022 8,5 ↗ 1,0
14.02.2022 — 27.02.2022 9,5 ↗ 1,0
28.02.2022 — 10.04.2022 20,0 ↗ 10,5
11.04.2022 — 03.05.2022 17,0 ↘ 3,0
04.05.2022 — 26.05.2022 14,0 ↘ 3,0
27.05.2022 — 13.06.2022 11,0 ↘ 3,0
14.06.2022 — 24.07.2022 9,5 ↘ 1,5
25.07.2022 — 18.09.2022 8,0 ↘ 1,5
19.09.2022 — 23.07.2023 7,5 ↘ 0,5
24.07.2023 — 14.08.2023 8,5 ↗ 1,0
15.08.2023 — 26.10.2023 12,0 ↗ 3,5
27.10.2023 — 15.12.2023 15,0 ↗ 3,0
15.12.2023 — 25.07.2024 16,0 ↗ 1,0
27.07.2024 — 13.09.2024 18,0 ↗ 2,0
13.09.2024 — 25.10.2024 19,0 ↗ 1,0
25.10.2024 — 06.06.2025 21,0 ↗ 2,0
06.06.2025 — 25.07.2025 20,0 ↘ 1,0
25.07.2025 — ӧ. к. 18,0 ↘ 2,0

Пасйӧдъяс

  1. ↑ Введение ключевой ставки ЦБ России и ее изменения, РИА Новости. Шыӧдчан кадпас: 6 лӧддза-номъя тӧлысь 2025.
  2. ↑ Ключевая ставка - что это простыми словами - Российская газета, Российская газета (19 ӧшым тӧлысь 2024). Шыӧдчан кадпас: 6 лӧддза-номъя тӧлысь 2025.
  3. ↑ 1 2 Банк России снизил ключевую ставку впервые с 2022 года (рус.). www.forbes.ru. Шыӧдчан кадпас: 6 лӧддза-номъя тӧлысь 2025.
  4. ↑ 1 2 Центробанк снизил ключевую ставку второй раз подряд, РБК. Шыӧдчан кадпас: 25 сора тӧлысь 2025.
  5. ↑ Система инструментов денежно-кредитной политики. Банк России (2019). Шыӧдчан кадпас: 12 моз тӧлысь 2025.
  6. ↑ Решение Банка России по ключевой ставке: процесс подготовки и коммуникация. Банк России (2019). Шыӧдчан кадпас: 12 моз тӧлысь 2025.
  7. ↑ Станик и Крайнюков, 2020, с. 23.
  8. ↑ Егоров и Борзых, 2018, с. 115.
  9. ↑ Пестова и др., 2019, с. 65.
  10. ↑ 1 2 Евдокимова, Жирнов, 2020, с. 11.
  11. ↑ Банк России, 2019, с. 16.
  12. ↑ Крепцев и др., 2016, с. 33.
  13. ↑ IMF, 2019, p. 14.
  14. ↑ Isakov A., Latypov R. The Ibsen Manoeuvre: Yet Another R* Estimate (англ.) // VTB Capital Research Alert (Very) Technical Brief Series. — 2019. — 15 July.
  15. ↑ Жестко стелет: почему ЦБ сохранил ключевую ставку на уровне 16 процентов. Профиль (16 урасьӧм тӧлысь 2024). Шыӧдчан кадпас: 12 моз тӧлысь 2025.
  16. ↑ Ставка может быть больше. Журнал "Эксперт" (26 косму тӧлысь 2024). Шыӧдчан кадпас: 12 моз тӧлысь 2025.
  17. ↑ Костин и Греф назвали «ужасом» и «сбоем» снижение ставки до 4–5%, РБК. Шыӧдчан кадпас: 12 моз тӧлысь 2025.
  18. ↑ В ЦБ раскрыли детали обсуждения роста ставки до 19–20%, РБК. Шыӧдчан кадпас: 12 моз тӧлысь 2025.
  19. ↑ ЦБ признал снижение чувствительности экономики к ключевой ставке, РБК. Шыӧдчан кадпас: 12 моз тӧлысь 2025.
  20. ↑ Центробанк повысил ключевую ставку до 19% годовых, РБК (13 кӧч тӧлысь 2024). Шыӧдчан кадпас: 13 кӧч тӧлысь 2024.
  21. ↑ В ВТБ описали сценарий с ростом ключевой ставки до 23%, РБК. Шыӧдчан кадпас: 12 моз тӧлысь 2025.
  22. ↑ Глава ВТБ допустил повышение ключевой ставки ЦБ до 21% в 2024 году, Interfax.ru (16 йирым тӧлысь 2024). Шыӧдчан кадпас: 16 йирым тӧлысь 2024.
  23. ↑ ЦБ поднял ставку выше кризисного уровня 2022 года, РБК. Шыӧдчан кадпас: 12 моз тӧлысь 2025.
  24. ↑ Набиуллина объяснила, почему ЦБ повышает ключевую ставку, РБК. Шыӧдчан кадпас: 31 йирым тӧлысь 2024.
  25. ↑ Банки не заложили новое повышение ставки ЦБ в феврале, РБК. Шыӧдчан кадпас: 14 урасьӧм тӧлысь 2025.
  26. ↑ Банк России сохранил ключевую ставку на уровне 21% годовых, РБК. Шыӧдчан кадпас: 14 урасьӧм тӧлысь 2025.
  27. ↑ ЦБ в третий раз подряд сохранил ключевую ставку 21%, РБК. Шыӧдчан кадпас: 21 рака тӧлысь 2025.
  28. ↑ ЦБ сохранил ключевую ставку 21% в четвертый раз подряд, РБК. Шыӧдчан кадпас: 25 косму тӧлысь 2025.
  29. ↑ В ЦБ представили «план Набиуллиной» по снижению ключевой ставки, Life.ru (19 вӧльгым тӧлысь 2024). Шыӧдчан кадпас: 12 моз тӧлысь 2025.
  30. ↑ В ВТБ предсказали ключевую ставку на 2025 год, Lenta.RU. Шыӧдчан кадпас: 25 урасьӧм тӧлысь 2025.
  31. ↑ Глава ВТБ спрогнозировал снижение ключевой ставки в 2025 году, РБК. Шыӧдчан кадпас: 28 урасьӧм тӧлысь 2025.
  32. ↑ Набиуллина дала прогноз по средней ключевой ставке на 2025 год, РБК Инвестиции. Шыӧдчан кадпас: 3 косму тӧлысь 2025.
  33. ↑ ЦБ будет аккуратно подходить к вопросу снижения ключевой ставки, TACC. Шыӧдчан кадпас: 9 косму тӧлысь 2025.
  34. ↑ Банк России будет учитывать в решении по ключевой ставке новый риск, РБК Инвестиции. Шыӧдчан кадпас: 9 косму тӧлысь 2025.
  35. ↑ Эксперты предсказали сохранение ставки ЦБ 21% четвертый раз подряд, РБК. Шыӧдчан кадпас: 21 косму тӧлысь 2025.
  36. ↑ В ВТБ сравнили высокую ключевую ставку с «экспериментальным антибиотиком», РБК. Шыӧдчан кадпас: 25 косму тӧлысь 2025.
  37. ↑ Треть аналитиков поставили на снижение ключевой ставки уже в июне, РБК. Шыӧдчан кадпас: 2 лӧддза-номъя тӧлысь 2025.
  38. ↑ Банк России снизил ключевую ставку впервые за три года, РБК. Шыӧдчан кадпас: 6 лӧддза-номъя тӧлысь 2025.
  39. ↑ Степашин сравнил ситуацию с ключевой ставкой сейчас и в 1999 году, РБК. Шыӧдчан кадпас: 27 лӧддза-номъя тӧлысь 2025.
  40. ↑ На Финансовом конгрессе Банка России обсуждали замедление экономики и снижение ставки, BFM.ru (2 сора тӧлысь 2025). Шыӧдчан кадпас: 4 сора тӧлысь 2025.

Литература

Ыстӧгъяс

Босьтӧма "https://kv.ruwiki.ru/w/index.php?title=Россияын_медшӧр_ставка&oldid=482530"-ысь