Силуанов Антон Германович

Босьтӧма Рувикиысь
Рувикиын эмӧсь мукӧд йӧз йылысь статьяяс, кодъяслӧн овыс Силуанов.
Антон Германович Силуанов
Anton Siluanov (2019-09-25).jpg
Флаг
Россия Федерацияса сьӧм овмӧс министр
Флаг
2011.12.16
Веськӧдлан котырӧн юрнуӧдысь Владимир Путин
Виктор Зубков (у. в.)
Дмитрий Медведев
Михаил Мишустин
Андрей Белоусов (у. в.)
Михаил Мишустин
Президент Дмитрий Медведев
Владимир Путин
Водзвывса уджалысь Алексей Кудрин
у. в. 2011.09.27-12.16, 2012.05.7-21, 2018.05.8-18, 2020.01.15-21, 2024.05.7-13
Флаг
Россия Федерацияса веськӧдлан котырлӧн председательӧс медводдза вежысь — Россия Федерацияса сьӧм овмӧс министр
Флаг
2018.05.18 — 2020.01.15
Веськӧдлан котырӧн юрнуӧдысь Дмитрий Медведев
Михаил Мишустин
Президент Владимир Путин
Водзвывса уджалысь чинсӧ лӧсьӧдӧма,
Игорь Шувалов кыдзи Россия Федерацияса веськӧдлан котырлӧн председательӧс медводдза вежысь
Удж водзӧ нуӧдысь чинсӧ бырӧдӧма,
Андрей Белоусов кыдзи Россия Федерацияса веськӧдлан котырлӧн председательӧс медводдза вежысь
у. в. 15—21 января 2020
Чужис 1963-ӧд вося косму тӧлысь 12-ӧд лун(1963-04-12) (63 арӧс)
Москва, СССР
Ютыр Единая Россия
Велӧдчӧм Москваса сьӧм овмӧс институт
Учёнӧй степень экономика наукаяс доктор (2012)
Уджсикас финансист
Удж сьӧм овмӧс[d] и политика[d]
Наградаяс
Уджаланін
Логотип РУВИКИ.Медиа Медиафайлы на РУВИКИ.Медиа

Силуанов Антон Германович (1963-ӧд вося косму тӧлысь 12-ӧд лун, Москва) — россияса канморт, экономист. Россия Федерацияса сьӧм овмӧс министр 2011 восянь (у. в. 2011.09.27-12.16, 2012.05.7-21, 2018.05.8-18, 2020.01.15-21, 2024.05.7-13), Россия Федерацияса безопасносьт сӧветӧ пырысь (2011 восянь). Россия Федерацияса веськӧдлан котырлӧн председательӧс вежысь, Россия Федерацияса сьӧм овмӧс министр 2018 восянь 2020 воӧдз. Россия Федерацияса 1 класса тырвыйӧ канму сӧветник (2008). Экономика наукаяс доктор (2012).

Олантуй

G20 котырӧ пырысь канмуяслӧн удж серти паныдасьӧм водзвылын, 2011.11.03. Медведев, Силуанов, Сторчак, Дворкович

Антон Силуанов чужис 1963 вося косму тӧлысь 12-ӧд лунӧ Москваын профессиональнӧй финансистъяс Герман Михайлович да Янина Николаевна Силуановъяс семьяын.

1985 воын Силуанов помаліс Москваса сьӧм овмӧс институт «финансъяс да кредит» специальносьт серти.

1985 вося моз тӧлыссянь 1987 вося рака тӧлысьӧдз — «Гипрорыба» предприятиеын экономист, РСФСР-са сьӧм овмӧс министерствоын старшӧй экономист.

1987 вося рака тӧлыссянь 1989 вося ода-кора тӧлысьӧдз служитіс Сӧветскӧй Армияын.

1989 вося ода-кора тӧлыссянь 1992 вося тӧвшӧр тӧлысьӧдз — РСФСР-са сьӧм овмӧс министерствоын нуӧдысь экономист, 1 категорияа экономист, нуӧдысь экономист, юкӧнса начальникӧс вежысь, консультант.

1992 вося урасьӧм тӧлысьын — Россия Федерацияса экономика да сьӧм овмӧс министерствоысь юкӧнса начальникӧс вежысь.

1992 вося урасьӧм тӧлыссянь 1997 вося йирым тӧлысьӧдз Силуанов — бюджетӧн веськӧдлан юкӧнса начальникӧс вежысь, бюджетӧн веськӧдлан юкӧнса начальникӧс вежысь-юкӧнса начальник, Россия Федерацияса сьӧм овмӧс министерстволӧн бюджетӧн веськӧдлан юкӧнса начальникӧс вежысь, кытчӧ сійӧ локтіс батьыслӧн протекция серти[1].

1994 воын Силуанов дорйис экономика наукаяс кандидатлысь учёнӧй степень шедӧдӧм вылӧ диссертация «Рыночнӧй йитӧдъясӧ вуджигӧн канмулӧн бюджетнӧй политика: Россия Федерациялӧн пример вылын» тема серти (специальносьтыс — 08.00.10 «Финансъяс, сьӧмӧн вӧдитчӧм да кредит»)[2].

1997 вося йирым тӧлыссянь 2003 вося сора тӧлысьӧдз — Россия Федерацияса сьӧм овмӧс министерствоысь макроэкономическӧй политика да банковскӧй удж департаментӧн веськӧдлысь.

2001 вося рака тӧлысь 22-ӧд лунсянь — Россия Федерацияса сьӧм овмӧс министерстволӧн коллегияӧ пырысь.

2003 вося сора тӧлыссянь 2004 вося ода-кора тӧлысьӧдз — Россия Федерацияса сьӧм овмӧс министрӧс вежысь.

2004 вося ода-кора тӧлыссянь 2005 вося ӧшым тӧлысь 12-ӧд лунӧдз — Россия Федерацияса сьӧм овмӧс министерстволӧн сьӧмкудкостса йитӧдъяс департаментса директор.

2005 вося ӧшым тӧлысь 12-ӧд лунсянь — Россия Федерацияса сьӧм овмӧс министрӧс вежысь.

2011 вося кӧч тӧлысь 27-ӧд лунсянь — Россия Федерацияса сьӧм овмӧс министрлысь могъяс олӧмӧ пӧртысь.

2011 вося ӧшым тӧлысь 16-ӧд лунсянь Силуановӧс индӧма Россия Федерацияса сьӧм овмӧс министрӧн[3] да пыртӧма Россия Федерацияса Безопасносьт Сӧветӧ[4].

2012 воын Силуанов дорйис экономика наукаяс докторлысь учёнӧй степень шедӧдӧм вылӧ диссертация «Россияын федерализм сӧвман условиеясын сьӧмкудкостса йитӧдъяс» тема серти (специальносьт — 08.00.10 «Финансъяс, сьӧмӧн вӧдитчӧм да кредит»). Официальнӧй оппонентъясыс — экономика наукаяс доктор, профессор А. А. Аганбегян, экономика наукаяс доктор С. Г. Синельников-Мурылёв да экономика наукаяс доктор, профессор Л. Н. Лыкова. Нуӧдысь организация — Экономикалӧн вылыс школа[5].

2013 вося тӧвшӧр тӧлыссянь — Россия Федерацияса Веськӧдлан котыр бердын сьӧм овмӧс университетын финансӧвӧй да экономика факультетса декан.

2015 вося тӧвшӧр тӧлысьын Россия Федерацияса Веськӧдлан котыр вӧзйис Силуановӧс Россияса Сбербанклӧн Наблюдательнӧй сӧветӧ пырысьӧн[6].

2016 вося урасьӧм тӧлысьын эновтіс «Единая Россия» партиялысь медвылыс сӧветсӧ (пырис сэтчӧ 2012 восянь).

2017 вося косму тӧлысьын Силуановӧс индісны ВТБ банклӧн Наблюдательнӧй сӧветӧн веськӧдлысьӧн[7].

2018 вося ода-кора тӧлысь 18-ӧд лунӧ Россия Федерацияса президент Владимир Путинлӧн индӧд серти индӧма Россия Федерацияса Веськӧдлан котырлӧн председательӧс медводдза вежысьӧн — Россия Федерацияса сьӧм овмӧс министрӧн[8].

Дмитрий Медведевлӧн мӧд правительстволӧн отставка бӧрын 2020 вося тӧвшӧр тӧлысьын воштіс медводдза вице-премьерлысь чинсӧ[9], но колис сьӧм овмӧс министрӧн.

2024 вося ода-кора тӧлысь 14-ӧд лунӧ Госдума вынсьӧдіс сійӧс Россия Федерацияса сьӧм овмӧс министрӧн[10], тайӧ жӧ лунӧ Россия Федерацияса президент кырымаліс индӧм йылысь индӧдсӧ[11].

2025 вося ода-кора тӧлысь 15-ӧд лунӧ Россия Федерацияса президентлӧн индӧдӧн пыртӧма Россияса наукаяс академиялӧн попечительскӧй сӧветӧ[12].

Видзӧдласъяс

2018 воын Силуанов вӧлі Россияын пенсия вылӧ петан арлыд кыпӧдӧм йылысь оланпас вынсьӧдӧмын медшӧр водзмӧстчысьяс лыдын. Тайӧ ёна эз кажитчы гражданалы. эз кажитчы и сійӧ, мый оланпас баласӧ вӧзйисны виччысьтӧг и ёна тэрмасьӧмӧн, быттьӧ футбол кузя мирса чемпионат серти. Силуановлӧн висьталӧмъясыс сы йылысь, мый реформа заводитӧмыс «случайнӧя» ӧтлаасьӧма мирса чемпионат пансьӧмкӧд, мый сійӧс паськыда «видлалӧма» общественность, а бӧрынджык пенсия система вежсьӧмъяс вылӧ йӧзлӧн сьӧкыд реакциялӧн «виччысьтӧмлун» йылысь кывъясыс чуймӧдісны йӧзӧс[13].

Кыдзи Россия Федерацияса сьӧм овмӧс министр, Силуанов критикуйтӧ да оз сет вӧля стрӧитны «Москва — Казань» ыджыд ӧда кӧрт туй магистраль[14][15].

2019 вося косму тӧлысьын Силуанов висьталіс, мый окота пыртны школаса велӧдӧмӧ асшӧр бизнес лӧсьӧдӧм йылысь пропаганда[16].

2019 воын Силуанов дзикӧдз ӧткажитчис ВТБ-са юралысь А. Л. Костинлӧн вӧзйӧмысь чинтыны вотсӧ ичӧт нажӧткаа россияналы, а сідзжӧ ичӧт да шӧр бизнес предприятиеяслы[17].

2020 воын Силуанов шуис, мый Россияын удж вылӧ вот мынтӧны вывті уна. Россияын оланпас серти удж сетысьлы колӧ мынтыны уджалысьысь страхӧвӧй взносъяс удждонсьыс 30 процент мында. 22 % вуджӧдӧны Россия Федерацияса Пенсия фондӧ, 5,1 % — медицинскӧя быть страхуйтӧм вылӧ, 2,9 % — социальнӧя страхуйтӧм вылӧ. Нӧшта 13 % торъя мортлӧн чӧжӧс вылӧ вот кутӧны уджалысьлӧн удждонысь. Татшӧм ыджыд вотъясыс отсалӧны, медым Россияын уджысь дзебӧм удждоныс (сідз шусяна «конвертъясын» удждонъяс) воис став валӧвӧй пытшкӧсса продуктлӧн (ВВП-лӧн) 13 %-ӧдз. Россияын удж вылӧ вотлӧн ӧтувъя ставкаыс мирын медся ыджыд, сійӧ шӧркодь предприятиеяслӧн коммерческӧй прибыльысь 36,6 %. Орччӧдана туялӧмъяс петкӧдлісны, мый Казахстанын удж вылӧ вот ставкаыс сӧмын 10,1 %, США-ын — 9,8 %, Канадаын — 12,7 %, Германияын — 21,5 %, Великобританияын — 12 %. Россияса правительстволысь вотъяс чинтыны кӧсйытӧмлунсӧ сьӧм овмӧс министр Силуанов гӧгӧрвоӧдіс федеральнӧй бюджетсӧ балансируйттӧмысь полӧмӧн да Россия Федерацияса Пенсия фондын сьӧм вермана тырмытӧмӧн[18].

Семья

Батьыс — Герман Михайлович Силуанов (1937.02.25), 1961 воын помаліс Москваса канму экономика институтлысь «Финансъяс» факультет, кӧні велӧдчигӧн вӧлі факультетса комсомольскӧй организацияса секретарӧс вежысьӧн. Герман вӧлі куим выпускник пиысь ӧтиӧн, кодӧс институт помалӧм бӧрын кольӧдісны Москваӧ, СССР-са КГБ-ӧ. Сэні сійӧ уджаліс эз дыр да факультетса декан Раиса Васильевна Гужковалӧн протекция серти вуджӧдісны СССР-са сьӧм овмӧс министерствоӧ сылӧн верӧс, Иван Васильевич Гужков, веськӧдлӧм улын промышленносьт сьӧмӧн могмӧдан управлениеӧ. Вӧлі комсомольскӧй активистӧн, сьӧм овмӧс министерствоын стенгазеталӧн редколлегияса членӧн[19]. 1991 во кежлӧ лоис РСФСР-са сьӧм овмӧс министерствоын отделса начальникӧн[1], 1996 воын вӧлі Россия Федерацияса сьӧм овмӧс министерствоын кредит да сьӧмӧн вӧдитчан департаментса начальникӧс вежысьӧн, 1996 воын петіс пенсия вылӧ. Регыд тайӧ департаментсӧ ӧтувтісны мӧдкӧд, коді занимайтчис макроэкономика политикаӧн, та вӧсна артмис макроэкономика да банкъяс кузя выль департамент, мыйӧн и веськӧдліс Антон Силуанов.

Мамыс — Янина Николаевна Силуанова (1936.01.20), уджаліс «Финансъяс да статистика» издательствоын, сэсся уджаліс Россия Федерацияса сьӧм овмӧс министерстволӧн канму университетса редакционно-издательскӧй отделын. Антон Силуановлӧн эм Всеволод вок (1976.02.18), сійӧ сідзжӧ уджалӧ Россия Федерацияса сьӧм овмӧс министерствоын[20][21].

Гӧтыра, но 2016 воын Силуановлӧн гӧтыр йылысь юӧрыс воши чӧжӧс йылысь декларациясьыс[22].

Глеб пи (1999), Россия Федерацияса Веськӧдлан котыр бердын сьӧм овмӧс университетса студент, Том политикъяслӧн школа помалысь, байкер[20][21][23].

Ӧльӧксей пиыс 2023 восянь уджалӧ «Аэрофлотлӧн» регион сӧвмӧдан департаментса юрнуӧдысьӧн[24].

Прӧст кадӧ

Антон Силуанов радейтӧ ветлыны мотоциклӧн да кыйсьыны ва улын, чукӧртӧ грампластинкаяс. Тӧдӧ немеч кыв[21].

Аслас висьталӧм серти, гусьӧн вӧлі социальнӧй везъясын да вӧліны аккаунтъяс Facebookын да Instagramын, но нуӧдӧ найӧс сайним улын: «Ачым пӧшти ог гиж, сэні менам зэв этша ёрт — дасысь абу унджык морт. Социальнӧй везъясын меным интереснӧ лыддьыны лоӧмторъяс йылысь сёрнитӧм, йӧзлысь комментарийяс».

Наградаяс

• «Айму водзын заслугаясысь» ІІІ степеня орден (2013.04.15) — канму сьӧм овмӧс политика нуӧдӧмӧ ыджыд пай пуктӧмысь да уна вося бур уджысь[25].
• «Айму водзын заслугаясысь» IV степеня орден (2011.02.02) — уджын вермӧмъясысь да уна вося бур уджысь[26].
• «Айму водзын заслугаясысь» I степеня орден медаль (2007.04.13) — экономикаын да сьӧм овмӧс уджын заслугаясысь[27].
• Россия Федерацияса Президентлӧн Почёт грамота (2010.11.18) — электроннӧй юӧр вайысь суйӧрсайса паспортъяс ас кадӧ пыртӧмысь[28].
• Россия Федерацияса Президентлӧн аттьӧалӧм (2012.09.01) — экономика, сьӧм овмӧс юкӧнын заслугаясысь да уна вося бур уджысь[29].
• Россия Федерацияса Президентлӧн аттьӧалӧм (2002.09.06) — экономика да сьӧм овмӧс уджын заслугаясысь.
• Россия Федерацияса сьӧм овмӧс министерстволӧн почёт грамота (2001 во).
• Россия Федерацияса сьӧм овмӧс министрлӧн аттьӧалана пас (2002 во).
• «Войвыв кодзув» орден (Якутия)[30].
• «Дуслык» орден (Татарстан, 2015 во)[31].
• «Чечня Республика водзын заслугаясысь» медаль (2008.11.24) — Чечня Республикаын канму сьӧм овмӧс политика нуӧдӧмӧ тӧдчана пай пуктӧмысь[32].
• «Карелия Республика водзын заслугаясысь» медаль (2020.06.08) — Карелия Республика водзын да сэні олысьяс водзын заслугаясысь, республикаӧс социальнӧй да экономика боксянь сӧвмӧдӧмӧ ыджыд пай пуктӧмысь да Карелия Республика артмӧдӧмсянь 100 во пасйӧм кежлӧ дасьтысян канму комиссияын зіля уджалӧмысь[33].

Йӧзӧдӧмъяс

  • Межбюджетные отношения в условиях развития федерализма в России. — М.: Дело, 2011. — 295 с. : ил., табл.; ISBN 978-5-7749-0660-4

Пасйӧдъяс

  1. ↑ 1 2 Постановление Совета Министров РСФСР от 08.11.1991 № 594. Шыӧдчан кадпас: 15 сора тӧлысь 2018. Архивируйтӧма 15 сора тӧлысь 2018.
  2. ↑ Силуанов, Алексей Германович. Бюджетная политика государства в условиях перехода крыночным отношениям: На примере Российской Федерации: диссертация … кандидата экономических наук : 08.00.10. — Москва, 1994. — 139 с.
  3. ↑ Медведев назначил Антона Силуанова министром финансов / РИА Новости. Шыӧдчан кадпас: 16 ӧшым тӧлысь 2011. Архивируйтӧма 16 ӧшым тӧлысь 2011.
  4. ↑ Указ Президента Российской Федерации от 16 декабря 2011 года № 1630. Шыӧдчан кадпас: 17 ӧшым тӧлысь 2011. Архивируйтӧма 30 лӧддза-номъя тӧлысь 2014.
  5. ↑ Силуанов, Антон Германович. Межбюджетные отношения в условиях развития федерализма в России: автореферат дис. … доктора экономических наук: 08.00.10 / Силуанов Антон Германович; [Место защиты: Рос. акад. нар. хоз-ва и гос. службы при Президенте РФ]. — Москва, 2012. — 42 с.
  6. ↑ «Ведомости»: Силуанов и Улюкаев войдут в набсоветы Сбербанка и ВТБ. Шыӧдчан кадпас: 30 тӧвшӧр тӧлысь 2015. Архивируйтӧма 31 тӧвшӧр тӧлысь 2015.
  7. ↑ Ведомости. Медведев утвердил директиву об избрании Силуанова председателем наблюдательного совета ВТБ (6 косму тӧлысь 2017). Архивируйтӧма 6 косму тӧлысь 2017 вося. Шыӧдчан кадпас: 6 косму тӧлысь 2017.
  8. ↑ Kremlin.ru. Рабочая встреча с Председателем Правительства Дмитрием Медведевым (рус.). Архивируйтӧма 30 йирым тӧлысь 2020 вося.
  9. ↑ Правительство РФ подало в отставку. Шыӧдчан кадпас: 15 тӧвшӧр тӧлысь 2020. Архивируйтӧма 15 тӧвшӧр тӧлысь 2020.
  10. ↑ Госдума утвердила Силуанова на должность главы Минфина. РИА "Новости" (14 ода-кора тӧлысь 2024). Шыӧдчан кадпас: 14 ода-кора тӧлысь 2024.
  11. ↑ Президент подписал указы о назначении членов Правительства Российской Федерации и директоров служб. kremlin.ru (14 ода-кора тӧлысь 2024). Шыӧдчан кадпас: 14 ода-кора тӧлысь 2024.
  12. ↑ Указ Президента Российской Федерации от 15.05.2025 № 318 "О попечительском совете Российской академии наук". publication.pravo.gov.ru. Шыӧдчан кадпас: 15 ода-кора тӧлысь 2025.
  13. ↑ Коммерсантъ, 30 июля 2018. Протесты ушли на пенсию. Москва отозвалась на непопулярную реформу двумя митингами
  14. ↑ Силуанов скептически относится к проекту высокоскоростной магистрали Москва - Казань. ТАСС (25 ӧшым тӧлысь 2018). Шыӧдчан кадпас: 25 ӧшым тӧлысь 2018. Архивируйтӧма 25 ӧшым тӧлысь 2018.
  15. ↑ Коммерсантъ, 28 января 2019. Минфин тормозит высокоскоростные магистрали. Шыӧдчан кадпас: 19 урасьӧм тӧлысь 2019. Архивируйтӧма 20 урасьӧм тӧлысь 2019.
  16. ↑ Силуанов предложил ввести в школах курс по пропаганде создания бизнеса. РИА Новости (20190419T1112+0300Z). Шыӧдчан кадпас: 22 косму тӧлысь 2019. Архивируйтӧма 22 косму тӧлысь 2019.
  17. ↑ Матиас Брюггманн. Ведущий банкир России Андрей Костин: «Все боятся санкций». Handelsblatt (18 вӧльгым тӧлысь 2019). Шыӧдчан кадпас: 21 урасьӧм тӧлысь 2020. Архивируйтӧма 21 урасьӧм тӧлысь 2020.
  18. ↑ Силуанов назвал «запредельной» налоговую нагрузку на труд. Когда будет возможно снижение страховых взносов и за чей счёт. Росбизнесконсалтинг (20 урасьӧм тӧлысь 2020). Шыӧдчан кадпас: 21 урасьӧм тӧлысь 2020. Архивируйтӧма 11 моз тӧлысь 2020.
  19. ↑ Раевский В. А. На перекрёстке и до него / С. Ю. ИВАНЧЕНКО, Н. И. КРОТОВ. — Москва: АНО "Экономическая летопись", 2013. — С. 34, 46-47. — 317 с. — ISBN 978-5-903388-27-1.
  20. ↑ 1 2 Силуанов, Антон Германович. Министр финансов РФ. ТАСС (2017). Шыӧдчан кадпас: 31 ӧшым тӧлысь 2017. Архивируйтӧма 31 ӧшым тӧлысь 2017.
  21. ↑ 1 2 3 Силуанов, Антон. Министр финансов РФ. Lenta.ru (1 тӧвшӧр тӧлысь 2013). Шыӧдчан кадпас: 31 ӧшым тӧлысь 2017. Архивируйтӧма 26 косму тӧлысь 2017.
  22. ↑ Из декларации Силуанова исчезла информация о супруге. РБК (15 косму тӧлысь 2016). Шыӧдчан кадпас: 12 кӧч тӧлысь 2018. Архивируйтӧма 13 кӧч тӧлысь 2018.
  23. ↑ 18-летний сын министра финансов Силуанова попал в ДТП на мотоцикле. КП (4 кӧч тӧлысь 2017). Шыӧдчан кадпас: 31 ӧшым тӧлысь 2017. Архивируйтӧма 31 ӧшым тӧлысь 2017.
  24. ↑ Песков прокомментировал назначение сына Силуанова в департамент «Аэрофлота»
  25. ↑ Указ Президента Российской Федерации от 15 апреля 2013 года № 359 «О награждении орденом „За заслуги перед Отечеством“ III степени Силуанова А. Г.» Шыӧдчан кадпас: 16 косму тӧлысь 2013. Архивируйтӧма оригинала 22 сора тӧлысь 2013 года.
  26. ↑ Указ Президента Российской Федерации от 2 февраля 2011 года № 127 «О награждении государственными наградами Российской Федерации» (недоступная ссылка)
  27. ↑ Указ Президента Российской Федерации от 13 апреля 2007 года № 476 «О награждении медалью ордена „За заслуги перед Отечеством“ I степени Силуанова А. Г.» Шыӧдчан кадпас: 24 лӧддза-номъя тӧлысь 2013. Архивируйтӧма оригинала 10 лӧддза-номъя тӧлысь 2015 года.
  28. ↑ Распоряжение Президента Российской Федерации от 18 ноября 2010 года № 784-рп «О награждении Почетной грамотой Президента Российской Федерации». Шыӧдчан кадпас: 24 лӧддза-номъя тӧлысь 2013. Архивируйтӧма 10 лӧддза-номъя тӧлысь 2015.
  29. ↑ Распоряжение Президента Российской Федерации от 1 сентября 2012 года № 401-рп «О поощрении работников Министерства финансов Российской Федерации». Шыӧдчан кадпас: 24 лӧддза-номъя тӧлысь 2013. Архивируйтӧма 4 рака тӧлысь 2016.
  30. ↑ Министр финансов Антон Силуанов награждён высшим орденом Якутии «Полярная звезда». Шыӧдчан кадпас: 14 вӧльгым тӧлысь 2013. Архивируйтӧма оригинала 10 лӧддза-номъя тӧлысь 2015 года.
  31. ↑ Антон Силуанов награждён орденом «Дуслык». Шыӧдчан кадпас: 31 рака тӧлысь 2019. Архивируйтӧма 31 рака тӧлысь 2019.
  32. ↑ Указ Главы Чеченской Республики от 24.11.2008 № 379
  33. ↑ Указ Главы Республики Карелия от 8 июня 2020 года № 58 «О награждении государственными наградами Республики Карелия»

Ыстӧгъяс

Босьтӧма "https://kv.ruwiki.ru/w/index.php?title=Силуанов_Антон_Германович&oldid=482743"-ысь