Самбуева Екатерина Балдановна

Екатерина Самбуева
Екатерина Балдановна Самбуева
Чужан лун	1949-ӧд вося ӧшым тӧлысь 5-ӧд лун(1949-12-05) (76 арӧс)
Чужанін	Улан-Удэ, РСФСР, Сӧветскӧй Социалистическӧй Республикаяслӧн Союз
Гражданство	СССР  Россия
Уджсикас	балетса артистка, балетмейстер
Театр	Бурятияса опера да балет театр
Наградаяс	| | | |||

Екатерина Балдановна Самбу́ева (1949-ӧд вося ӧшым тӧлысь 5-ӧд лун, Улан-Удэ) — сӧветскӧй да россияса балет артистка, балетмейстер. РСФСР-са нимйӧза артистка (1988 во).

Биография

Екатерина Самбуева чужиc 1949 вося ӧшым тӧлысь 5-ӧд лунӧ Улан-Удэын. 1961 воын пырис велӧдчыны Бурятияса хореография училищеӧ (педагогыс З. Н. Тыжеброва). Училищесӧ помалӧм бӧрын 1967 восянь велӧдчис Ленинградса хореография училищеын бурмӧдан классын (педагогыс Н. М. Дудинская). 1969 воын бӧр локтіс Улан-Удэӧ да пырис Бурятияса опера да балет канму театрлӧн балет труппаӧ. Бура йӧктӧма классическӧй, национальнӧй да ӧнія кадся балетъясын. Тшӧкыда петкӧдчывліс Юрий Муруевкӧд ӧтлаын. Петкӧдчылӧма и суйӧр сайын гастрольясӧн. Ворсіс Аннуирлысь рольсӧ «Земля Санникова» фильмын.

1982 воын стажируйтчис С. М. Киров нима Ленинградса опера да балет театрын. 1989 воын бура помаліс ГИТИС-лысь заочнӧй юкӧн. Велӧдіс Улан-Удэса хореография училищеын, 1994—1997 воясӧ вӧлі сылӧн художествоа веськӧдлысьӧн. 1998—1999 воясӧ вӧлі Калмыкияын «Элиста» балет театрса художествоа веськӧдлысьӧн. 1999 воын лоис Бурятияса канму академическӧй опера да балет театрса балет труппаын художествоа веськӧдлысьӧн да педагог-репетиторӧн.

2013 воын Екатерина Самбуева лоис Коми Республикаса опера да балет канму театрса шӧр балетмейстерӧн. Ӧттшӧтш уджаліс педагогикаын: вӧлі Сыктывкарса искусство колледжын производственнӧй практикаӧн веськӧдлысьӧн да классическӧй йӧктӧм серти педагогӧн.

2020 воын Улан-Удэӧ бӧр воӧм бӧрын босьтчис велӧдны Л. П. Сахьянова да П. Т. Абашеев нима Бурятияса республиканскӧй хореография колледжын.

Творчество

Репертуар

Екатерина Самбуевалӧн медшӧр партияяс лыдын:

• Одетта-Одиллия,
• Жизель,
• Пахита,
• Эсмеральда,
• Китри,
• Раймонда,
• Ангара,
• Мария,
• Зарема;
• Принцесса Ширин,
• Мехменэ Бану,
• Гаянэ,
• Нунэ,
• Клеопатра,
• Фригия,
• Джульетта,
• Ева,
• Канделос,
• Нурида,
• Ампаро («Испанские миниатюры»),
• Лиза («Тщетная предосторожность»),
• Комиссар («Комиссар»),
• Фрекен Бок («Малыш и Карлсон»).

Пуктӧм спектакльяс

«Элиста» балет театрын уджаліс «Легенда о птице Муу-Шубун» спектакль вылын.

Бурятияса канму академическӧй опера да балет театрын сы дырйи вӧлі пуктӧма:

• Г. Доницеттилысь «Арлекинада»,
• Л. Делиблысь «Коппелия»,
• Ц. Пунилысь «Собор Парижской богоматери»,
• М. Глинкалысь «Руслан и Людмила»,
• П. Чайковскийлысь «Лебединое озеро»,
• В. Гаврилинлысь «Анна на шее»,
• В. Бочаровлысь «Буратино»,
• И. Штрауслысь «Король вальса»,
• С. Прокофьевлысь «Ромео и Джульетта»,
• К. Орфлысь «Кармина Бурана»,
• П. Чайковскийлысь «Франческа да Римини»,
• К. Молчановлысь «Макбет»,
• «Юки» балет.

Фильмография

Во		Ним	Роль
1972	ф	Земля Санникова	Аннуир, онкилонка

Наградаяс

• РСФСР-са нимйӧза артистка (1988),
• РСФСР-са нимӧдана артистка (1983),
• Бурятияса АССР-ын нимйӧза артистка (1979),
• Бурятия Республикаса Канму премияа лауреат,
• Гаванаын (Куба) Том йӧзлӧн да студентъяслӧн XI ставмирса фестивальлӧн лауреат,
• Балетса том артистъяслӧн Ставсоюзса смотрын дипломант,
• Бурятия Республикаса Президентлӧн, Веськӧдлан котырлӧн да культура министерстволӧн Почёт грамотаяс,
• Агван Доржиевлӧн медаль (Бурятия Республикаса Президентлӧн 2010 во косму тӧлысь 27-ӧд лунся 50 №-а Индӧд),
• Вьетнамлӧн Ёртлун медаль,
• Португалиялӧн да Монголиялӧн Почёт пасъяс.

Пасйӧдъяс

Литература

• Балет. Энциклопедия. — М.: Советская энциклопедия, 1981. — ISBN 978-5-94865-191-0.
• Куницын О. Музыкальный театр Бурятии. — Улан-Удэ: Бурят. кн. изд-во, 1988. — 256 с.