Самойлова Оксана Валерьевна
| Оксана Самойлова | |
|---|---|
 | |
| Чужан лун | 1988-ӧд вося косму тӧлысь 27-ӧд лун (38 арӧс) |
| Чужанін |
 СССР |
| Канму |
 Россия |
| Мыйся уджыс | блогер, экс-модель, ас вылӧ уджалысь |
| Бать | Валерий Самойлов |
| Мам | Евгения Самойлова |
| Верӧс | Джиган (2012 восянь) |
| Ныв-пи | Ариэла, Лея, Майя, Давид |
Самойлова Оксана Валерьевна (1988 вося косму тӧлысь 27-ӧд лун, Ухта каркытшса Ярега посёлок) — нималана блогер, экс-модель, ас вылӧ уджалысь да нёль челядя мам. Тӧдса кыдз и Джиган рэперлӧн гӧтыр.
Олантуй
Оксана чужис 1988 вося косму тӧлысь 27-ӧд лунӧ Ухта каркытшса Ярега посёлокын. Бать-мамыс юксисны, кор сійӧ вӧлі ичӧт на. Сійӧс да Женя ичӧтджык воксӧ мамыс быдтіс ӧтнасыс. 2021 воын Самойлова шуис, мый эз аддзывлы ассьыс батьсӧ 20 во[1].
Школаын велӧдчигӧн радейтліс йӧктыны да ветлывліс театральнӧй студияӧ. Школа помалӧм бӧрын Оксана пырис чужан карса университетӧ гуманитарнӧй факультетӧ. Сійӧ велӧдчис «связи с общественностью» специальносьт серти, но коймӧд курсын эновтіс велӧдчӧмсӧ и овны вуджис Москваӧ [2].
Юркарын ныв зіля заводитіс стрӧитны ассьыс карьерасӧ фэшн-индустрия юкӧнын. Первойсӧ сійӧ уджаліс модельӧн Россияса нималана кутюрье петкӧдчӧмъяс вылын, снимайтчис популярнӧй брендлӧн каталоглы, участвуйтіс фотосессияясын глянцевӧй журналъяслы, тшӧтш и мужичӧйяслӧн издание «Maxim»лы.
2010 воын Оксана тӧдмасьӧма украинаса-россияса рэп-исполнитель Джиганкӧд (Денис Устименко-Вайнштейнкӧд) Москваса ӧти войся клубын. Налӧн романныс сӧвмис зэв ӧдйӧ.
«Ме эг сразу гӧгӧрвоӧ, мый сійӧ — буретш сійӧ ныв, кодӧс корси, а кык вежон мысти ми снимайтчим „Холодное сердце“ клипын — тайӧ вӧлі ӧшым тӧлысь. А тӧвшӧр тӧлысь 2-ӧд лунӧ ми мунім Сейшел діяс вылӧ, и сэні чужис миян радейтчӧм», — висьталіс рэпер «PRO-Новости» уджтасын Муз-ТВ вылын.
Вочасӧн Джиган да Самойлова пырисны медийнӧй юкӧнӧ да найӧс кутісны унаӧн тӧдны. Рэпер лэдзис некымын трек, найӧ сюрисны чартъясӧ. Оксана заводитіс ассьыс бизнес-проектъяс. На пиын — MiraSezar и I am special паськӧм брендъяс, косметология клиника да уджалысьясӧс корсян агентство[3][4][5].
Бизнес-проектъяс
2013 воын Самойлова да художник-дизайнер Мирослава Шведова лӧсьӧдісны Mira Sezar нывбабаяслы паськӧмӧн ӧтуввез-вузасянін, а 2018 воын вӧлі восьтӧма бутикъяс да шоурумъяс Москваын да Петыркарын.
2015 воын модель да дизайнер Оксана Самойлова спорт тренеръяслӧн командакӧд заводитіс нӧшта ӧти бизнес-проект - мынтысяна мобильнӧй спорт приложение FitForYou. Торйӧн кӧ, Оксана тӧдчӧдіс, кыдзи отсавны том мамъяслы чинтыны сьӧктасӧ. Ачыс модель да уна челядя мам, сійӧ ачыс вӧдитчис да тестируйтіс FitForYou-ын став вӧзйӧмсӧ[6].
2018 воын Самойловалӧн вӧлӧма нин куим ныв, и блогер юӧртӧма уджалысьясӧс корсян агентство восьтӧм йылысь, медым отсавны сылы бӧрйыны нянькаӧс. Бизнес йылысь юӧрыс кольӧма этша, но ӧткымын СМИ-яс юӧртӧмаӧсь, мый сервисыс уджалӧ автоматизируйтӧм методъяс серти да тестируйтӧ кандидатъяссӧ уна тшупӧдын, весиг пӧръясьӧм тӧдмалан аппарат пыртӧмӧн.
2019 во помын Самойловъяслӧн став семьяыс муніс АӦШ-ӧ некымын тӧлысь кежлӧ нёльӧд кага чужтӧдз.
Сійӧ жӧ воас Самойлова юӧртіс гижӧдчысьяслы, мый косметолог Зарина Жиляевакӧд ӧтвылысь лӧсьӧдӧ ӧнія косметологиялы сиӧм "El'Sosmo" клиника. Клиника вӧзйӧ аппаратнӧй да инъекционнӧй косметология, эпиляция, массаж да весиг гинекология да эндокринология юкӧнын могмӧсъяс.
А 2020 воын Оксана Самойлова босьтчис вӧчны ассьыс косметика. Sammy Beauty брендлысь судзсяна донъяссӧ ӧтияс донъялісны вылӧ, мӧдъяс шуисны, мый нинӧм торъяыс абу [7].
Семья
Верӧсыс — Денис Устименко-Вайнштейн (чужис 1985 вося моз тӧлысь 2-ӧд лунӧ Одессаын), роч рэп-исполнитель, кодӧс тӧдӧны Джиган псевдоним улын (гӧтраӧсь 2012 восянь). Нималӧма Тиматилӧн Black Star лейблкӧд ёртасьӧмӧн.
2011 вося сора тӧлысь 27-ӧд лунӧ гозъялӧн чужис Ариэла ныв, а 2012 вося ӧшым тӧлысь 12-ӧд лунӧ модель да сьылысь вӧчисны кӧлысь.
2014 вося кӧч тӧлысь 3-ӧд лунӧ чужис мӧд ныв - Лея.
2017 вося косму тӧлысь 27-ӧд лунӧ, Оксаналӧн чужан лунӧ, чужис коймӧд ныв - Майя.
2019 вося ноябрын Оксана юӧртіс нёльӧд кагаӧн нӧбасьӧм йылысь да 2020 вося кӧч тӧлысь 18-ӧд лунӧ Майамиса медбур клиникаясысь ӧтиын чужтіс пиӧс. Кагасӧ нимтісны Давидӧн.
Урасьӧм тӧлысь помын, пи чужӧм бӧрын, семья мӧдӧдчис бӧр Москваӧ. Самойлова висьтасис, мый зэв ёна кӧсйӧ гортас. Но кага чужӧм бӧрын эз на коль и тӧлысь, кыдзи гозъя костын кризис падмӧдіс налысь Россияӧ бӧр воӧмсӧ.
Россияӧ воӧм бӧрын Оксана кӧсйис юксьыны верӧсыскӧд, мыйӧн шемӧсмӧдіс аслас уна поклонникӧс. Бизнесвумен висьталіс, мый тайӧ решениеыс сылы эз вӧв кокни, но сійӧ оз аддзы мӧд туй сетны челядьлы бур олӧм[8].
Но некымын тӧлысь мысти Оксана шуис кольччыны Джиганкӧд. Сылӧн кывъяс серти, челядьлы колӧ мам да бать[9][10][11].
Семья тшӧкыда путешествуйтӧ[12][13][14].
Пасйӧдъяс
- ↑ Оксана Самойлова. TELEPROGRAMMA.PRO. Шыӧдчан кадпас: 30 моз тӧлысь 2023.
- ↑ Биография Оксаны Самойловой: сельская жизнь, пластика и скандалы с Джиганом (неопр.). Сетевое издание АО ИД. Комсомольская правда. Шыӧдчан кадпас: 30 моз тӧлысь 2023.
- ↑ Оксана Самойлова. Журнал. КO. Шыӧдчан кадпас: 30 моз тӧлысь 2023.
- ↑ Алексей Зимин. Оксана Самойлова и Джиган в первом за несколько лет интервью — о равноправии, неидеальной семье и мечтах о пятом ребенке. HELLO.RU (2 моз тӧлысь 2023). Шыӧдчан кадпас: 30 моз тӧлысь 2023.
- ↑ Полина Соломенцева. Как устроен бизнес Оксаны Самойловой. РБточкаРУ (10 ода-кора тӧлысь 2023). Шыӧдчан кадпас: 30 моз тӧлысь 2023.
- ↑ Оксана Самойлова. THE VOICEMAG. Шыӧдчан кадпас: 30 моз тӧлысь 2023.
- ↑ Кто такая Оксана Самойлова и что о ней стоит знать. Только главное и интересное - Блогерша, предпринимательница, жена Джигана. Секрет фирмы (2 ода-кора тӧлысь 2023). Шыӧдчан кадпас: 30 моз тӧлысь 2023.
- ↑ Оксана Самойлова (неопр.). Газета.Ру. Шыӧдчан кадпас: 30 моз тӧлысь 2023.
- ↑ Оксана Самойлова (неопр.). Вокруг ТВ.
- ↑ Оксана Самойлова призналась, что они с Джиганом разъехались. Фонтанка.Ру (18 рака тӧлысь 2023). Шыӧдчан кадпас: 30 моз тӧлысь 2023.
- ↑ Елизавета Аксенова. «Мы абсолютно не идеальная пара»: Джиган и Оксана Самойлова помирились. spbdnevnik.ru (27 косму тӧлысь 2023). Шыӧдчан кадпас: 30 моз тӧлысь 2023.
- ↑ Елена Колесова. Блогер Оксана Самойлова с супругом Джиганом и детьми уехали в Африку. Семья опубликовала кадры у самолета. РБК (4 ода-кора тӧлысь 2023). Шыӧдчан кадпас: 30 моз тӧлысь 2023.
- ↑ Марина Черняк. Оксана Самойлова описала отпуск своей семьи фразой «спасибо, что живой». Лента.Ру (7 моз тӧлысь 2023). Шыӧдчан кадпас: 30 моз тӧлысь 2023.
- ↑ ПОСТРОЙНЕВШАЯ ИЗ-ЗА БОЛЕЗНИ ОКСАНА САМОЙЛОВА НАЗВАЛА СВОЮ ФИГУРУ ОТВРАТИТЕЛЬНОЙ. Runews24 (9 моз тӧлысь 2023). Шыӧдчан кадпас: 30 моз тӧлысь 2023.