Ставмирса гуманитарнӧй отсӧг лун
Ставмирса гуманитарнӧй отсӧг лун ( ООН-лӧн официал кывъяс вылын: англичан World Humanitarian Day, араб اليوم العالمي للعمل الإنساني, испан Dia Mundial de la Asistencia Humanitaria, китай 世界人道主义日, француз la Journee mondiale de l’aide humanitaire ) вынсьӧдіс ООН-лӧн Генеральнӧй Ассамблея 2008 вося ӧшым тӧлысь 11-ӧд лунӧ (A/RES/63/139 резолюция). Пасйӧны моз тӧлысь 19-ӧд лунӧ. Тайӧ лунӧ 2003 воын Багдадын ООН штаб-квартираын взрыв дырйи кувсис 22 морт, на лыдын вӧлӧма и ООН-са тӧдчана деятель Сержиу Виейра ди Меллу.
Кыдзи шуӧма Генеральнӧй ассамблеялӧн резолюцияын, Ставмирса гуманитарнӧй отсӧг лунлӧн могыс - отсавны
 |
кыпӧдны йӧзлысь тӧдӧмлунсӧ гуманитарнӧй отсӧг сетӧм кузя уджъяс йылысь став мирын да тайӧ нырвизь серти войтыркостса ёртасьӧмлӧн коланлун йылысь, а сідзжӧ тӧдчӧдны став гуманитарнӧй уджалысьяслысь, тшӧтш и ООН-ын уджалысьяслысь да накӧд йитчӧм уджалысьяслысь, кодъяс отсалісны пӧртны олӧмӧ гуманитарнӧй идеалъяс, пайсӧ да казьтывны найӧс, кодъяс сетісны ассьыныс олӧмнысӧ уджсӧ вӧчигӧн...
|
 |
Ставмирса гуманитарнӧй отсӧг лун пасйигӧн аслас посланиеын ООН-са Генеральнӧй секретар пасйис, мый тайӧ луныс «корӧ уськӧдны тӧд вылӧ судзсьытӧма олысь йӧзӧс да могмӧдны найӧс колана отсӧгӧн».
Медводдза Ставмирса гуманитарнӧй отсӧг лунсӧ вӧлі пасйӧма 2009 воын да сиӧма йӧзлы, кодъяс пӧгибнитісны мукӧд йӧзӧс спаситігӧн.
Быдвося темаяс (девизъяс)
• 2009 во — медводдза Ставмирса гуманитарнӧй отсӧг лун
• 2010 год — мӧд гаж
• 2011 год — «Отсавны ёрта-ёртлы»
• 2012 год — «Ме вӧлі тані»
• 2013 год — «Мирыслы колӧ унджык…»
• 2014 год — «Мирыслы колӧ унджык…»
• 2015 год — «Мирса мортвуж ышӧдӧмӧн»
• 2016 год — «Ӧтувъя мортвуж»
• 2017 год — «Гражданскӧй олысьяс оз лоны пасӧн»
• 2018 год — «Гражданскӧй йӧз #NotAMilitaryTarget»
• 2019 год — «Аньяс гуманитарнӧй отсӧгын #гуманитарнӧй уджалысьяс»
• 2020 год — «Збыль олӧмса геройяс»
• 2021 год — «Мортвуж вӧсна панъясьӧм»