Ставмирса контрацепция лун
| Ставмирса контрацепция лун | |
|---|---|
 XX нэм заводитчӧмся карикатура. Нывбаба пыксьӧ сылы кага вайысь аистысь. | |
| Официальнӧя | World Contraception Day (WCD) |
| Вынсьӧдӧма | 2007 воын |
| Пасйӧны | кӧч тӧлысь 26-ӧд лунӧ |
Ставмирса контрацепция лун (рочӧн Всемирный день контрацепции, англичан World Contraception Day (WCD)) — войтыркостса лун, мый пасйӧны став мир пасьтала 2006 восянь быд во кӧч тӧлысь 26-ӧд лунӧ[1][2][3][4].
Тайӧ луныс мунӧ «Contraception: It’s Your Life, it’s your responsibility» девиз улын, комиӧн лоӧ: «Контрацепция: тіян олӧм, тіян кывкутӧм».
Ставмирса контрацепция лун нуӧдӧмын водзмӧстчысьясӧн лоӧны семья планируйтан мытшӧдъяскӧд йитчӧм дас войтыркостса организация:
• Войтыркостса сӧвмӧм кузя АӦШ-са агентство
• Контрацепция кузя Азиатско-Тихоокеанскӧй сӧвет (англичан Asian Pacific Council on Contraception (APCOC))
• Контрацепция да репродуктивнӧй дзоньвидзалун кузя Европаса общество (англичан European Society of Contraception and Reproductive Health (ESC))
• «Дзоньвидзалун да Нывбаба» Латиноамериканскӧй шӧрин(Centro Latinamericano Salud y Mujer; CELSAM)
• Став мирын олысьяслӧн немеч фонд (англичан German Foundation for World Population (DSW))
• Челядь да томулов гинекологиялӧн войтыркостса федерация (англичан International Federation of Pediatric and Adolescent Gynecology (FIGIJ))
• Семья планируйтан войтыркостса федерация (англичан International Planned Parenthood Federation (IPPF))*
• Мари Стоупс Интернэшнл (Marie Stopes International (MSI))*
• Pan American Health and Education Foundation (PAHEF)*
• Йӧзлӧн сӧвет (англичан Population Council)[5].
Ставмирса контрацепция лун вӧзйысь организацияяс кутчысьӧны принципӧ, мый серти быд нӧбасьӧм колӧ кӧсйыны. Найӧ ассьыныс могсӧ аддзӧны сыын, медым тӧдмӧдны кыдз позьӧ унджык йӧзӧс контрацепциялӧн ногъясӧн да методъясӧн да сетны том йӧзлы позянлун аслыныс примитны сексуальнӧй да репродуктивнӧй дзоньвидзалун серти решениеяс, видзчысьны абу кӧсъяна нӧбасьӧмысь, медым нывъяслы (медвойдӧр тыр арлыдтӧмъяслы) эз ковмы вӧчны аборт.
Тайӧ лунӧ, котыртысьяслӧн кӧсйӧм серти, колӧ кыскыны власьтъяслысь да йӧзлысь вниманиесӧ сійӧ мытшӧдъяс вылӧ, кутшӧмъяс чужӧны эньлов да айлов костын йитӧдъяс йылысь тӧдӧмлун тырмытӧм вӧсна да контрацепция средствоясӧн вӧдитчытӧм вӧсна.
Пасйӧдъяс
- ↑ World Contraception Day 2021//who.int
- ↑ World Contraception Day, 26 September 2021//ohchr.org
- ↑ World Contraception Day//un.org
- ↑ It’s World Contraception Day — And Time to Improve Birth Control: Contraline and TwentyEight Health Share More//forbes.com
- ↑ World Contraception Day Архивса копия 25 кӧч тӧлысь 2010 Wayback Machine ресурсын (англ.)