Статистикаын уджалысьяслӧн лун (Украина)
| «Украинаса статистикаын уджалысьяслӧн лун» | |
|---|---|
| Сикас | Уджсикас гаж |
| Вынсьӧдӧма | Украинаса Президент Леонид Кучма |
| Пасйӧны |
 Украина |
| Кадпас | 02.12.2002 |
| Празднуйтӧм | быд во, ӧшым тӧлысь 5-ӧд лунӧ |
«Статистикаын уджалысьяслӧн лун» (укр. День працівників статистики) — статистикаын уджалысьяслӧн национальнӧй уджсикас гаж, сійӧс пасйӧны Украинаын быд во, ӧшым тӧлысь 5-ӧд лунӧ.
«Украинаса статистикаын уджалысьяслӧн лун» лоис лоис официальнӧй канму статуса гажӧн сы бӧрын, кор 2002 вося ӧшым тӧлысь 2-ӧд лунӧ Украинаса юркарын, Киевын, Украинаса мӧд президент Леонид Данилович Кучма кырымаліс "«Украинаса статистикаын уджалысьяслӧн лун йылысь» 1120/2002 №-а Индӧд, мый серти пасйӧны тайӧ гажсӧ быд во ӧшым тӧлысь 5-ӧд лунӧ. Канмуса юралысь Леонид Кучмалӧн Индӧдын тӧдчӧдӧма, мый странаын выль профессиональнӧй гаж пыртӧны «Украинаса статистика кузя канму комитетлӧн водзмӧстчӧм вӧсна да тайӧ отрасльын уджалысьяслысь канму экономика сӧвмӧдӧмӧ тӧдчана пайсӧ тӧд вылын кутӧмӧн»[1].
Татшӧм ногӧн позьӧ шуны, мый тайӧ гажсӧ пыртӧмыс - Украинаса власьтсянь республикаса статистикаын став уджалысьӧс налӧн сьӧкыд да кывкутана уджысь пыдди пуктӧм. Тайӧс эскӧдӧны Леонид Кучмалӧн кывъясыс, мый сійӧ шуис «Статистикаын уджалысьяслӧн лун йылысь» индӧд кырымалӧм бӧрын куим лун мысти:
«Статистикатӧг эськӧ ми эгӧ тӧдӧй канмуын да йӧзкотырын збыль олӧмсӧ. Буретш та вӧсна страналӧн водзӧ сӧвмӧмыс оз вермы лоны отечественнӧй статистикатӧг, мый асшӧр Украина воясӧн лоис общегосударственнӧй юӧртан системалӧн торйӧдны позьтӧм юкӧнӧн. Таво миян странаын статистикаын уджалысьлысь лунсӧ пасйӧны медводдзаысь. Тайӧ гаж вынсьӧдӧмсӧ лыддя тіянлысь уджтӧ вылӧ донъялӧмӧн»[2].
Тайӧ профессиональнӧй гаж нуӧдан кадсӧ канмуса юралысь бӧрйис эз весьшӧрӧ. Сійӧ йитчӧма 2001 воын Всеукраинскӧй перепись заводитӧмкӧд, мый вӧлі Украинаса статистикаын уджалысьясӧн нуӧдӧм медся ыджыд статистика уджӧн.
«Украинаса статистикаын уджалысьяслӧн лун» Украинаын оз ло шойччан лунӧн, сійӧ кӧ оз веськав шойччан лунӧ.