Таскаев Анатолий Иванович

Босьтӧма Рувикиысь
Анатолий Иванович Таскаев
Таскаев Анатолий Иванович.jpg
Чужан лун 1944-ӧд вося урасьӧм тӧлысь 9-ӧд лун(1944-02-09)[1]
Чужанін
Кулан лун 2010-ӧд вося вӧльгым тӧлысь 17-ӧд лун(2010-11-17) (66 арӧс)
Куланін
Канму  СССР →  Россия
Наука юкӧн радиобиология
Уджаланін Россияса наукаяс академиялӧн Урал юкӧнса Коми наука шӧринын Биология институт
Велӧдчӧм
Учёнӧй степень биология наукаясса кандидат (1979)
Наука веськӧдлысь И. М. Франк, Р. М. Алексахин, Н. А. Титаева
Наградаяс да премияяс Повтӧмлун орден«За трудовую доблесть» медальHonoured ecologist of the Russian Federation. Breast Badge.jpg
Сайт ib.komisc.ru:8008/taskae…

Анатолий Иванович Таскаев (1944-ӧд вося урасьӧм тӧлысь 9-ӧд лун, Гудермес[d], Чечено-Ингушская АССР[d] или Чечено-Ингушская АССР[d] — 2010-ӧд вося вӧльгым тӧлысь 17-ӧд лун, Сыктывкар) — сӧветскӧй да Россияса радиобиолог, биология наукаса кандидат (1979), Россияса наукаяс академиялӧн Урал юкӧнса Коми наука шӧринын Биология институтса директор (1988—2010).

Биография

Анатолий Иванович Таскаев чужис 1944 восяурасьӧм тӧлысь 9-ӧд лунӧ Чечен-Ингуш АССР-са Гудермес карын кадрӧвӧй военнӧй семьяын. Батьыс, Иван Петрович Таскаев, чужлӧма Ыб сиктын, мамыс, Анна Ивановна, война дырйи воштӧма став семьясӧ Белоруссияын[2]. 1947 воын семьяыс вуджис батьыслӧн чужанінас, Сыктывдін районса Ыб сиктӧ, а 1949 воын — Сыктывкарӧ[3].

Сыктывкарын велӧдчӧма Олег Кошевой нима 12-ӧд номера школаын, кутшӧмӧс помалӧма зарни медальӧн[2]. 1962 воын пырис велӧдчыны МГУ-лӧн физика факультет вылӧ. Студенталігас кык во дорвыв юрнуӧдіс студентъяслӧн стрӧитчан отрядъясӧн, кутшӧмъяс уджалісны гӧртӧм-кӧдзӧминъясын, занимайтчис спортӧн (лыжиӧн, кокни атлетикаӧн)[2]. Наука уджын медводдза тӧдӧмлунъяссӧ босьтіс Дубнаын Ядернӧй туялӧмъяслӧн ӧтувтӧм институтса нейтроннӧй физика лабораторияын[2]. 1968 воын, университетын велӧдчигӧн на, йӧзӧдіс «Ядерная физика» журналын «Нейтронные резонансы изотопов неодима» медводдза статья. Анатолий Таскаевлӧн диплом проектӧн веськӧдлысьӧн лоис Илья Михайлович Франк[4].

Вуз помалӧм бӧрын колӧ вӧлі мунны пӧдса Арзамас-16 карӧ (ӧні Саров), но бӧрйис СССР-са Наукаяс академиялӧн Коми филиаллысь вӧзйӧмсӧ, кӧні корсисны радиационнӧй биология серти специалистъясӧс[2]. 1968 вося урасьӧм тӧлысь 1 лунӧ индӧма СССР-са НА-лӧн Коми филиалса Биология институтын медводдза тшупӧда наука туялысьлысь могъяс олӧмӧ пӧртысь чинӧ[2].

1977 восянь1979 воӧдз збыльмӧдіс радиохимия да радиофизика туялӧмъяс серти лабораторияӧн заведуйтысьлысь могъяссӧ, 1979—1980 воясӧ веськӧдліс экологическӧй дозиметрия да радиохимия лабораторияӧн. 1979 воын Рудольф Михайлович Алексахин да Наталья Алексеевна Титаева веськӧдлӧм улын дорйис «радиобиология» специальносьт серти «Закономерности распределения и миграции урана, тория, радия и радона в почвенно-растительном покрове района повышенной естественной радиации» тема серти кандидатлысь диссертация[4]. 1984 восянь 2010 воӧдз веськӧдліс радиоэкология юкӧнӧн[3][4].

1988 воын сійӧс бӧрйисны Россияса наукаяс академиялӧн Урал юкӧнса Коми наука шӧринын Биология институтса директорӧн. 2006 воын бӧрйисны РНА УрЮ Коми НШ президиумӧн веськӧдлысьӧс вежысьӧн.

Кувсис 2010 вося вӧльгым тӧлысь 17-ӧд лунӧ Институтса том туялысьяслӧн чукӧртчылігӧн.

Наука удж

Туяліс сьӧкыд природнӧй радионуклидъяслысь миграция. Медводдзаысь туялӧма уранлысь, торийлысь да радонлысь тырвыйӧ изотоп составсӧ мусинын, быдмӧгъясын да шыр кодь гыжгунъяслӧн организмъясын мутасъясын, кӧні ыджыдджык естественнӧй радиация фоныс. Вӧзйис гамма-югӧр йиджтасъяслысь, быдмӧгъяслы да пемӧсъяслы дозӧвӧй нагрузкаяслысь картаяс лӧсьӧдан алгоритмъяс. Лӧсьӧдіс да пыртіс радиоэкология туялӧмъяс нуӧданпрактикаӧ геохимическӧй да радиационнӧй серпас опишитан картографо-статистическӧй методъяс[5][6]. Сӧвмӧдіс экспериментальнӧй мыччӧдъяс обработайтӧмсӧ автоматизируйтан методъяс, модифицируйтіс гамма-спектрометрическӧй анализъяс вылӧ приборъяссӧ. Медводдзаысь радиоэкология туялӧмъяс нуӧдӧмын вӧдитчис «мусин — быдмӧг» системаын изотоп йитӧдъяс методӧн[4].

А. И. Таскаевлӧн да Г. М. Козубовлӧн юрнуӧдӧм улын 1986 восянь 1993 воӧдз вӧлі нуӧдӧма 20 сайӧ ӧтвывтӧм экспедиция Чернобыльса АЭС-ын авариялӧн 30 километрса зонаӧ. Сэтчӧ пырӧдчис Биология институтысь да Коми наука шӧринысь 60 гӧгӧр уджалысь. Анатолий Иванович ачыс нуӧдіс туясьӧмъяссӧ медся ёна няйтчӧдӧм участокъяс вылын, зілис видзны лёкторъясысь уджъёртъяссӧ[2]. Уджъяслӧн бӧртасӧн лои 8 монография, уджъяслӧн 4 сборник да 300 сайӧ статья[2], а сідзжӧ йӧзысь ӧтдортӧм зонаын радиация серпас бурмӧдӧм вылӧ веськӧдӧм квалифицированнӧй рекомендацияяс[7].

Сылӧн веськӧдлӧм улын збыльмӧдӧма «Экология-2005», «Сӧстӧм Печӧра», «Коми Республикаса автоматизируйтӧм геоинформационнӧй кадастр система», «Радон», «Диоксин сяма токсикантъясысь вӧр-ва да йӧзӧс видзӧм» республикаса торъя мога уджтасъяс[3]. Сійӧ вӧлі «Югыд ва» национальнӧй парк лӧсьӧдӧмын водзмӧстчысьяс лыдын[2]. Сы веськӧдлӧм улын институт лоис «2002-2005 вояс вылӧ Коми Республикаын прӧмыслӧвӧй чери рӧдмӧдӧм да чери рӧдмӧдӧмсӧ выльмӧдӧм» республикаса уджтас дасьтӧмын юрнуӧдысьӧн[2]. Сӧветскӧй власьт бӧрын сьӧкыд воясӧ Коми Республикаса Веськӧдлан котыр шыӧдчывліс Биология институтса туялысьяс дорӧ, медым гӧгӧрвоӧдны йӧзыслы Новая Земля вылын испытайтӧмъяс бӧрын ядернӧй безопасносьт йылысь да дугӧдны та серти сёрнияссӧ[2]. Лӧсьӧдісны торкӧм, сы лыдын мусирӧн няйтчӧдӧм, мутасъяс рекультивируйтан выль методъяс, вӧлі паськӧдӧма Войвылын вӧр быдтан-рӧдмӧдан процессъяс туялӧмсӧ. Анатолий Иванович вӧзйис не тышкасьны азьгумкӧд, а, кыдзи Голландияын да Германияын, велӧдчыны вӧдитчыны сыӧн овмӧс нуӧдан могъяс вылӧ[2].

Координируйтіс Коми Республикаса торйӧн ёна видзан вӧр-ва мутасъяслысь биологическӧй унапӧлӧслунсӧ инвентаризируйтӧм[8][9][10] да Коми Республикаса Гӧрд небӧг нуӧдӧм серти туялӧмъяс[11][12].

Уна во чӧж вӧлі Россияса наукаяс академиялӧн радиационнӧй биология серти наука сӧветӧ, РНА-лӧн УрЮ-ын биология наукаяс серти туялысьяслӧн ӧтувтӧм сӧветӧ, Экологическӧй безопасносьт серти войтыркостса наукаяс академияӧ, Радиоэкологъяслӧн войтыркостса союзӧ пырысьӧн, «Теоретическая и прикладная экология» журналса шӧр редакторӧс вежысьӧн, «Радиационная биология. Радиоэкология» да «Известия Коми научного центра Уральского отделения РАН» журналъяслӧн редколлегияӧ пырысьӧн[3][7].

Гижис 430 сайӧ наукай удж, на лыдын 23 монография да изобретениеяс вылӧ нёль патент.

Наградаяс да премияяс

  • «Бур уджысь» медаль (1970 во)[2]
  • «Уджвывса доблесьтысь» медаль (1989 во)[4]
  • Коми АССР-са наукаын нимӧдана уджалысь (1992 во)
  • Повтӧмлун орден (1996 во)[4]
  • Наука да техника юкӧнын Россия Федерацияса Веськӧдлан котырлӧн премия (1996 во) — «Мувыв серпасъяслӧн биоиндикация да геохимия подув вылын радиоэкологическӧй безопасносьт могмӧдан наука подувъяс да методика» тема серти уджъяс збыльмӧдӧмӧ пай пуктӧмысь[4]
  • Наука юкӧнын Коми Республикаса канму премия (2000 во) — Коми Республикаса вӧр-ва комплексъяс видзӧм серти йӧзӧдӧмторъяс циклысь
  • «Россияса вӧр-ва видзӧмысь» ІІІ тшупӧда медаль (2000 во)
  • «Россияса вӧр-ва видзӧмысь» ІІ тшупӧда медаль (2004 во)
  • Россия Федерацияса нимӧдана эколог (2005 во)[4]
  • Н. В. Тимофеев-Ресовский нима премия (2007 во) — «Чернобыльса АЭС-ын авария районын лыска вӧръяс комплекснӧя радиобиологическӧя туялӧм» уджъяс чукӧрысь[4]
  • Наука да техника юкӧнын Россия Федерацияса Веськӧдлан котырлӧн премия (2008 во) —углеводородъясӧн тшыкӧдӧм да няйтчӧдӧм тундраса да войвыв пармаса биогеоценозъяс выльмӧдан биотехнологияяслысь да системаяслысь комплекс лӧсьӧдӧмысь да пыртӧмысь[4]
  • В. И. Вернадский нима эзысь медаль (2009 во) — наукаын ыджыд вермӧмъясысь да Россия сӧвмӧдӧмӧ ыджыд пай пуктӧмысь[4]

Паметь

  • 2014 воын РНА-лӧн УрЮ-са Коми НШ-ын Биология институтлӧн здание вылӧ (Сыктывкар, Коммунистическӧй ул., 28 к.) вӧлі ӧшӧдӧма А. И. Таскаевлы сиӧм казьтылан пӧв[3].
  • Институтлӧн официальнӧй сайтысь позьӧ аддзыны «Анатолий Иванович Таскаев. Ступени жизни» документальнӧй фильм[13].

Медшӧр йӧзӧдӧмторъяс

  • Титаева Н. А., Таскаев А. И. Миграция тяжелых естественных радионуклидов в условиях гумидной зоны. — Л.: Наука, 1983. — 232 с.
  • Криволуцкий Д. А., Тихомиров Ф. А., Федоров Е. А., Покаржевский А. Д., Таскаев А. И. Действие ионизирующей радиации на биогеоценоз. — М.: Наука, 1988. — 240 с. — ISBN 5-02-005281-7.
  • Алексахин Р. М., Архипов Н. П., Бурхударов Р. М., Василенко И. Я., Дричко В. Ф., Иванов Ю. А., Маслов В. И., Маслова К. И., Никифоров В. С., Поликарпов Г. Г., Попова О. Н., Сироткин А. Н., Таскаев А. И., Тестов Б. В., Титаева Н. А., Февралева Л. Т. Тяжелые естественные радионуклиды в биосфере: Миграция и биологическое действие на популяции и биогеоценозы / АН СССР. Коми научный центр Уральского отделения. — М.: Наука, 1990. — 367 с.
  • Козубов Г. М., Таскаев А. И., Игнатенко Е. И., Артемов В. А., Остапенко Е. К., Ладанова Н. В., Кузиванова С. В., Козлов В. А., Ларин В. Б. Радиационное воздействие на хвойные леса в районе аварии на Чернобыльской АЭС / Коми научный центр УрО АН СССР, Институт биологии. — Сыктывкар, 1990. — 136 с.
  • Попова О. Н., Таскаев А. И., Фролова Н. П. Генетическая стабильность и изменчивость семян в популяциях травянистых фитоценозов в районе аварии на Чернобыльской АЭС. — СПб.: Наука, 1992. — 144 с.
  • Маслова К. И., Материй Л. Д., Ермакова О. В., Таскаев А. И. Атлас патоморфологических изменений у полевок-экономок из очагов локального радиоактивного загрязнения. — СПб.: Наука, 1994. — 192 с.
  • Козубов Г. М., Таскаев А. И. Радиобиологические и радиоэкологические исследования древесных растений (по материалам семилетних исследований в районе аварии на Чернобыльской АЭС). — СПб.: Наука, 1994. — 255 с.
  • Козубов Г. М., Таскаев А. И. Радиобиологические исследования хвойных в районе Чернобыльской катастрофы (1986–2001 гг.). — СПб.: Наука, 2002. — 272 с.
  • Материй Л. Д., Ермакова О. В., Таскаев А. И. Морфофункциональная оценка состояния организма мелких млекопитающих в радиоэкологических исследованиях (на примере полевки-экономки) / Коми научный центр УрО АН СССР, Институт биологии. — Сыктывкар, 2003. — 164 с.

Пасйӧдъяс

  1. ↑ 1 2 3 http://www.uran.ru/gazetanu/2010/11/nu26_27/wvmnu_p8a_26_27_112010.htm
  2. ↑ 1 2 3 4 5 6 7 8 9 10 11 12 13 Дорога длиною в жизнь // Регион : журнал. — 2009. — № 1 (16). — С. 34—39.
  3. ↑ 1 2 3 4 5 Дёгтева С. В. Анатолий Иванович Таскаев (1944—2010) // Библиографический указатель. — Сыктывкар. — 2014. — С. 3—10. Архивировано 26 ода-кора тӧлысь 2018 года.
  4. ↑ 1 2 3 4 5 6 7 8 9 10 11 Памяти Анатолия Ивановича Таскаева // Радиационная биология. Радиоэкология. — 2011. — Т. 51, № 1. — С. 207—208.
  5. ↑ Таскаев А. И., Алексахин Р. М. Решение некоторых вопросов радиоэкологии с помощью картографостатистического метода // Вопросы радиоэкологии наземных биогеоценозов. – Сыктывкар. — 1974. — С. 32—39.
  6. ↑ Таскаев А. И., Алексахин Р. М. О картографостатистическом методе исследования в радиоэкологии // Теоретические и практические аспекты действия малых доз ионизирующей радиации: Материалы Всесоюзного симпозиума – Сыктывкар,. — 1973. — С. 173—174.
  7. ↑ 1 2 Анатолий Иванович Таскаев // Известия Коми НЦ УрО РАН. — 2010. — № 3. — С. 113—114..
  8. ↑ Карта «Охраняемые территории Республики Коми» (М. 1:1200000) с пояснительной запиской «Система особо охраняемых природных территорий Республики Коми» (Сыктывкар, 1996) / А. И. Таскаев, В. П. Гладков, С. В. Дегтева, Р. Н. Алексеева. — СПб.: 444 ВКФ, 1996
  9. ↑ Кадастр охраняемых природных территорий Республики Коми / Р. Н. Алексеева, Т. М. Безносова, В. П. Гладков и др.; отв. редакторы А. И. Таскаев, Н. И. Тимонин. — Сыктывкар, 1993. — Ч. 1. — 190 с.
  10. ↑ Кадастр охраняемых природных территорий Республики Коми / Р. Н. Алексеева, В. П. Гладков, С. В. Дёгтева; отв. редакторы А. И. Таскаев, Н. И. Тимонин. — Сыктывкар, 1995. — Ч. 2. — 60 с.
  11. ↑ Красная книга Республики Коми : Редкие и находящиеся под угрозой исчезновения виды растений и животных = Коми Республикалӧн Гӧрд небӧг / под ред. А. И. Таскаева. — М. ; Сыктывкар : ДИК, 1998. — 527 с. — 1530 экз. — ISBN 5-8213-0020-7.
  12. ↑ Красная книга Республики Коми = Коми Республикалӧн Гӧрд небӧг / под ред. А. И. Таскаева. — [2-е изд.]. — Сыктывкар : Ин-т биологии Коми НЦ УрО РАН, 2009. — 791 с. — 2200 экз. — ISBN 978-5-7934-0306-1.
  13. ↑ Логотип RuTube Анатолий Иванович Таскаев. Ступени жизни

Литература

  • Таскаев Анатолий Иванович: Библиографический указатель: К 60-летию со дня рождения / Ин-т биологии Коми науч. центра УрО РАН; Сост. И. В. Рапота; Биогр. очерк Т. И. Евсеева. — Сыктывкар: Ин-т биологии, 2004. — 56 с.
  • Анатолий Иванович Таскаев (1944—2010): Библиографический указатель / Ин-т биологии Коми науч. центра УрО РАН. — Сыктывкар: Ин-т биологии, 2014. — 88 с.

Ыстӧгъяс

Босьтӧма "https://kv.ruwiki.ru/w/index.php?title=Таскаев_Анатолий_Иванович&oldid=480194"-ысь