Томъяслӧн ставмирса лун
| «Томъяслӧн ставмирса лун» | |
|---|---|
 Демократическӧй том йӧзлӧн ставмирса федерациялӧн эмблема | |
| Сикас | Абу официал гаж |
| Мӧд ногӧн | «Томъяслӧн лун» |
| Вынсьӧдӧма | Демократическӧй том йӧзлӧн ставмирса федерация |
| Пасйӧны | став Му вылын |
| Кадпас | вӧльгым тӧлысь 10-ӧд лун |
| Празднуйтӧм | быд во, вӧльгым тӧлысь 10-ӧд лун |
| Йитчӧма | Демократическӧй том йӧзлӧн ставмирса федерация артмӧдӧмкӧд |
«Томъяслӧн ставмирса лун» (рочӧн Всемирный день молодёжи)— Демократическӧй том йӧзлӧн ставмирса федерация юрнуӧдӧм улын том йӧзлӧн войтыркостса абу официал гаж, пасйӧны быд во, вӧльгым тӧлысь 10-ӧд лунӧ.
История
Гажсӧ вӧлі лӧсьӧдӧма 1945 воын, Мӧд мирса вӧйна помасьӧм бӧрын кык тӧлысь мысти. «Томъяслӧн ставмирса лун» пасъян кадпасыс вӧлі йитӧма Том йӧзлӧн ставмирса конференция помалан лункӧд. Тайӧ конференциясӧ нуӧдісны Лондонын йирым тӧлысь 29-ӧд лунсянь вӧльгым тӧлысь 10-ӧд лунӧдз. Бӧръя лунас вӧлі котыртӧма Демократическӧй том йӧзлӧн ставмирса федерация, кодлӧн шӧр могнас лои «империализмлы да реакциялы паныд тышын, мир, демократия, национальнӧй асшӧрлун вӧсна, том йӧзлысь политическӧй, социальнӧй да экономическӧй инӧдъяс да интересъяс дорйӧмын том йӧзлысь уна сикас организацияяс ӧтувтӧм». Сӧветскӧй Союзӧс тайӧ организацияын петкӧдліс «СССР-са том йӧзлӧн организацияяс комитет»[1][2]. Демократическӧй том йӧзлӧн ставмирса федерация вӧзйис пасйыны став мир пасьтала «Томъяслысь ставмирса лун».
СССР киссьӧм бӧрын
СССР-лӧн киссьӧм бӧрын да Лунвыв Европаса странаясын социализмысь кежӧм бӧрын тайӧ лунсӧ эз нин кутны официальнӧя пасйыны. Но гежӧда медвылыс канму чинъяс чолӧмалӧны «Томъяслӧн ставмирса лун»ӧн. Шуам, 2009 воын татшӧм шыӧдчӧмӧн сёрнитіс Россия Федерацияса Шӧр бӧрйысян комиссияӧн веськӧдлысь Владимир Евгеньевич Чуров: Талун том бӧрйысьысьяслӧн зэв бур гаж - Том йӧзлӧн ставмирса лун...[3].
«Томъяслӧн ставмирса лун» оз ло шойччан лунӧн.
Мирса том йӧзлӧн эм и нӧшта ӧти войтыркостса лун — Томъяслӧн войтыркостса лун. Сійӧс пасйӧны быд во моз тӧлысь 12-ӧд лунӧ ООН-лӧн юрнуӧдӧм улын.
Пасйӧдъяс
- ↑ Комитет молодёжных организаций СССР // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
- ↑ Всемирная федерация демократической молодёжи // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
- ↑ 10 ноября — Всемирный день молодёжи | Шанс on-line. Шыӧдчан кадпас: 30 ода-кора тӧлысь 2010. Архивируйтӧма 17 ӧшым тӧлысь 2014.
Ыстӧгъяс
- [www.calend.ru/holidays/0/0/592/ Всемирный день молодёжи в «Календаре праздников»]