Томъяслӧн войтыркостса лун
| Томъяслӧн войтыркостса лун | |
|---|---|
 | |
| Кадпас | моз тӧлысь 12-ӧд лун |
 Медиафайлы на РУВИКИ.Медиа | |
Томъяслӧн войтыркостса лун ( ООН-лӧн официал кывъяс вылын: англичан International Youth Day, араб يوم الشباب الدولي, испан Día International de la Juventud, китай 国际青年日, француз la Journée internationale de la jeunesse ) — быдвося гаж, пасйӧны моз тӧлысь 12-ӧд лунӧ. 1999 воын ООН-лӧн Генеральнӧй Ассамблея «A/RES 54/120» №-а резолюцияын ошкис том йӧзлӧн делӧяс кузя министръяслӧн ставмирса конференциялысь (Лиссабон, 1998 во) вӧзйӧмсӧ вӧчны моз тӧлысь 12-ӧд лунӧ томъяслысь войтыркостса лун.
Ассамблея вӧзйис нуӧдны Войтыркостса лун кузя пропаганда, медым тӧдмӧдны йӧзсӧ 1995 воын примитӧм том йӧз серти ставмирса уджтасӧн (Генеральнӧй Ассамблеялӧн A/RES/50/81 №-а резолюция).
Лун темаяс
• 2021 во - "Сёян-юан системаяс вежӧм: мортлӧн да планеталӧн дзоньвидзалун вӧсна том йӧзлӧн инновацияяс"
• 2020 во - "Том йӧзлӧн глобальнӧй уджъясӧ кутчысьӧм"
• 2019 во - "Велӧдӧм вежӧм"
• 2018 во - "Том йӧзлы безопаснӧй площадкаяс".
• 2017 во - "Том йӧз лӧсьӧдӧны мир".
• 2016 во - "Том йӧз 2030 вося зумыд сӧвман шӧр могъяслань туй вылын".
• 2015 во - "Том йӧзӧс граждана олӧмӧ кыскӧм".
• 2014 во - "Том йӧз да психическӧй дзоньвидзалун".
• 2013 во - "Том йӧзлӧн миграция - сӧвман туй вылын прогресс".
• 2012 во - "Лӧсьӧдам бурджык мир: том йӧзкӧд ёртасьӧм".
• 2011 во - "Вежны миянлысь мирнымӧс".
• 2010 во - "Диалог да ӧта-мӧдӧс гӧгӧрвоӧм".
• 2009 во - "Зумыдлун - миян вызов, миян аскиа лун".
• 2008 во - "Том йӧз да климат вежсьӧм: кад мыйкӧ вӧчны".
• 2007 во - "Вӧч сідз, медым тэнӧ казялісны, медым тэнӧ кылісны".
• 2006 во - "Гӧльлункӧд ӧтув тышкасьӧм: том йӧз да гӧльлун бырӧдӧм".
• 2005 во - "Том йӧзкӧд йитчӧм ставмирса уджтас + 10".
• 2004 во - "Том йӧз йӧзкотырын, кӧні кӧленаясыс топыда йитчӧмаӧсь ёрта-ёртныскӧд".
• 2003 во - "Том йӧзлы быдлаын бур да достойнӧй удж".
• 2002 во - "Ӧні да аскиа лун вӧсна: том йӧзлӧн зумыд сӧвмӧм кузя удж".
• 2001 во - "Йӧзлысь дзоньвидзалун видзан да уджтӧмалӧм кузя мытшӧдъяс бырӧдӧм".
• 2000 во - Томъяслысь медводдза войтыркостса лун нуӧдӧм.
Томъяслӧн лун разнӧй странаын
Уна странаын эм асланыс национальнӧй «Томъяслӧн лунъяс».
• урасьӧм тӧлысь 2-ӧд лун — Азербайджан.
• рака тӧлысь 11-ӧд лун — Замбия.
• рака тӧлысь 26-ӧд лун — Вьетнам.
• рака тӧлысь 29-ӧд лун — Тайвань.
• ода-кора тӧлысь 4-ӧд лун — Китай.
• ода-кора тӧлысь 19-ӧд лун — Турция (Томъяслӧн да спорт лун).
• ода-кора тӧлысь 23-ӧд лун — Таджикистан.
• лӧддза-номъя тӧлысь 16-ӧд лун — Лунвыв Африкаса Республика.
• лӧддза-номъя тӧлысь 27-ӧд лун — Рочму
• моз тӧлысь 7-ӧд лун — Кирибати.
• вӧльгым тӧлысь 10-ӧд лун — Кыргызстан (Кыргыз Республикаса томъяслӧн лун).
Россия
Россияын президентлӧн индӧд серти 2009 восӧ шуӧма «Том йӧзлӧн воӧн». Тайӧ воас вӧлі нуӧдӧма уна сикас мероприятие, на лыдын «Православнӧй том йӧзлӧн ставмирса лун». Водзтіджык, 1985 воын, ООН-лӧн юрнуӧдӧм улын муніс томъяслӧн войтыркостса во.