Троича вичко (Пожӧг)
| Вичко Живоначальнӧй Троича | |
|---|---|
 Пожӧг сиктса Троича вичко | |
| Страна |
 Россия |
| Конфессия | православие |
| Патриархат | Роч православнӧй вичко |
| Епархия | Сыктывкарса |
| Сайт | vk.com/club47159627 |
Троича вичко — православнӧй вичко Коми Республикаын Кулӧмдін районса Пожӧг сиктын.
История
XIX нэмся 1686-ӧд воын Пожӧг сиктын вӧлі кыпӧдӧма Вежа Трӧичалы сиӧм пу вичко.
1710-ӧд воын - Пресвятая Богородица Покров нима пу вичко, коді сотчис 1770-ӧд воын.
1777-ӧд воын прихожана тӧждысьӧмӧн вӧлі кыпӧдӧма Живоначальнӧй Троичалы сиӧм выль ӧти судта шоныд вичко да вежаӧдӧма 1779-ӧд вося тӧвшӧр тӧлысь 16-ӧд лунӧ[1].
1788-ӧд воын приходас вӧлі 672 морт, а 1868-ӧд воын - 1573[2].
1834-ӧд вося урасьӧм тӧлысь 21-ӧд лунӧ заводитӧмаӧсь стрӧитны кӧлӧкӧльняа Вежа Живоначальнӧй Троича нима каменнӧй вичко, кодӧс стрӧитӧмаӧсь 30 во гӧгӧр. Приделъясысь ӧтиӧс (шоныдӧс) вӧлі вежаӧдӧма 1864-ӧд вося ӧшым тӧлысь 31-ӧд лунӧ вежа Афанасий да Кирилл, Александрияса архиепископ ним кузя.
1904-ӧд восянь прихожана кутісны вӧчавны кирпичьяс вичколысь кык бокса придел стрӧитӧм вылӧ.
1911-ӧд воын заводитӧмаӧсь тэчны приделъяс.
Пожӧгдінса Троича вичколӧн летописьысь:
«Став крестьяна босьтчисны уджӧ ыджыд зільӧмӧн, ни средствояс, ни удж жалиттӧг, рама да лӧня, некутшӧм ропкӧмтӧг».
1912-ӧд воын стрӧйбасӧ вӧлі эштӧдӧма, Вичкосӧ вӧлі паськӧдӧма да йитӧма кӧдзыд вичкокӧд.
1915-ӧд воын помалӧмаӧсь крам пытшкӧс мичмӧдӧм кузя уджъяс, сувтӧдӧмаӧсь иконостас Романовъяслӧн керкалы 300 во тырӧмкӧд йитӧдын. Пожӧгдінса Трӧича вичколӧн летопись серти, вежа великомученик Пантелеймон нима вичко придел вежаӧдігӧн вӧлі Пожӧг сиктса да сы гӧгӧрса 4 сюрс гӧгӧр олысь.
Вичколы вöлі сетöма Троича (Троицкöй) ним. Вичко лэптісны ю дорö матын, и сійö тыдалö став грездсянь. Сідзжö лэптісны часовняяс Полльӧын – Святого Николая Пречистого, Кырнышаын – Рождества Пресвятой Богородицы.
Пожöг вичко историяын вöлі сöмын куим поп:
• 1869–1885 воясö — Михаил Андреевич Шейтанов;
• 1885–1896 воясö — Александр Сапожников;
• 1896–1917 воясö — Тюрнин Василий Алексеевич.
1885-ӧд воын вичко бердын том поп Александр Сапожников восьтіс медводдза школа прихожаналы. «Вӧлӧгда Епархияса ведомосьтъяс» газет пасйö: «1887 вося рака тӧлысь 3-öд лунö воссис öти класса вичкобердса школа». Сэні велöдісны лыддьысьны, мича гижны (чистописание), роч кыв, вичкоса славяна кыв, «Закон божий».
1930-ӧд воын вичкосӧ жугӧдіс енлы паныд мунысь власьт. Вичко пытшкысь ставсӧ петкӧдісны, рӧзӧритiсны. Мукӧд енпӧвсӧ енлы эскысьяс удитiсны дзебны, мукӧдсӧ ставсӧ жугӧдiсны. 1937-ӧд воын вичкосӧ тупкисны. Службаяссӧ нуӧдiсны керкаясын. Вичкоын восьтiсны клуб. Бӧрынджык сэнi видзисны пызь.
2010-ӧд воын эскысь йӧзкӧд ӧттшӧтш вӧлі вӧчӧма войвывса вичко джынйыс да мукӧд уджъяс вичкосӧ выльысь вӧчӧм могысь.
Ыстӧдъяс
Ӧшмӧсъяс
- НА РК, ф. 230, оп. 1, д. 335, л.л. 655-657.
- ВЕВ. - 1869, №21, с. 501.
- Македонская Н. М. Церкви Республики Коми (в 1916 году находились на территории Усть-Сысольского уезда и относились к Вологодской епархии).
- * Св Н. (Суворов Н. И.). Несколько топографических и статистических сведений о бывшей Великоустюжской епархии. // ВЕВ. - 1872. - №18. - Прибавления. - С. 525.
- Список населенных мест Вологодской губернии: составленный в 1881 г. Ч. 10. – Вологда : Тип. Губерн. Правл., 1881. - С 127.
- Список населенных мест по сведениям 1859 года. - 7: Вологодская губерния. - Санкт-Петербург, 1866. - С. 357.