Турунвиж пу кый
Турунвиж пу кый (рочӧн Зелёная деревянная змея) — 2025 волӧн символ Китайса календар серти.
Кыйлӧн во заводитчӧ 2025 вося тӧвшӧр тӧлысь 29-ӧд лунӧ, а помасьӧ 2026 вося урасьӧм тӧлысь 16-ӧд лунӧ[1].
Кыйлӧн во
Китайса гороскопын 12 пемӧс, быдӧн на пиысь лӧсялӧ торъя волы. Пемӧссӧ позьӧ йитны вит элементысь ӧтикӧд: кӧртулов, пу, ва, би, му. Мӧд ногӧн кӧ, 12 вонас ӧтчыдысь усьӧ торъя пемӧслӧн во, быд пӧрйӧ сійӧ йитчӧма вежласьысь элементъясысь ӧтикӧд. Ставыс вермас лоны 60 разнӧй комбинация. Сідз, китайса гороскоплӧн циклыс выльмӧ 60 воӧн[2].
Кый лоӧ квайтӧдӧн 12 вося гороскоп циклын и вермас лоны[1]:
• кӧртулов (еджыд) кый;
• пу (турунвиж) кый;
• ва (лӧз) кый;
• би (гӧрд) кый;
• му (кольквиж) кый.
Воддза кый вояс
• 1929 (му)
• 1941 (кӧртулов)
• 1953 (ва)
• 1965 (пу)
• 1977 (би)
• 1989 (му)
• 2001 (кӧртулов)
• 2013 (ва)
И сідз, турунвиж пу кыйлӧн воддза воыс вӧлі 1965 воын[3].
Символ йылысь
Китайса культураын кыйсӧ лыддьылісны вӧр-ва вын символӧн, тайӧ пемӧсъяссӧ пыдди пуктісны[2]. Китайса ен-аньӧс Нюйваӧс петкӧдлӧны кый телӧӧн да морт юрӧн[4]. Мифология йылысь «Шань хай цзин» небӧгын паныдасьлӧны енъяс йылысь гижӧдъяс, кодъяс мичмӧдчанторъяс пыдди новлісны кыйясӧс.
Чайтӧны, мый кыйлӧн эм вежӧр, мывкыдлун, мудерлун, водзысь тӧдӧм да иналун[5].
2025 вося символлӧн рӧмыс да стихияыс (турунвиж, пу) асыввылын петкӧдлӧны сӧвмӧм да пыр водзӧ мунны зільӧм.
Кыдзи колӧ паныдавны восӧ
Турунвиж пу кыйлысь восӧ паныдалӧны семьяын либӧ матысса ёртъяскӧд.
Традиция серти чайтӧны, мый турунвиж пу кыйлы кажитчӧны паськӧмын татшӧм рӧмъяс[6]:
• турунвиж;
• гӧрд;
• кольквиж (зарни рӧма)
• руд;
• сьӧд.
Паськӧмсӧ вӧзйӧма мичмӧдны бисерӧн, пайеткаясӧн, вышивайтӧмӧн, стразъясӧн.
Жырсӧ мичмӧдӧм могысь вӧдитчӧны кӧдзыд рӧмъясӧн[6], а сідзжӧ кый кучик моз бергалысь мишураӧн[1].
Праздничнӧй пызан вылӧ вайӧны чӧскыдторъяс: яй, чери, морепродуктъяс. Пызансӧ позьӧ сервируйтны зарни, эзысь, турунвиж рӧмъясӧн.
Пасйӧдъяс
- ↑ 1,0 1,1 1,2 Зеленая Деревянная кый - символ 2025 года по восточному календарю, Российская газета (4 йирым тӧлысь 2024). Дата обращения: 13 вӧльгым тӧлысь 2024.
- ↑ 2,0 2,1 Зеленая Деревянная кый. Что нужно знать о символе 2025 года, РБК Life (16 кӧч тӧлысь 2024). Дата обращения: 13 вӧльгым тӧлысь 2024.
- ↑ Анна Луговая. Каким будет следующий год Змеи по китайскому гороскопу: характеристики и описание знака, Lenta.RU (17 йирым тӧлысь 2024). Дата обращения: 13 вӧльгым тӧлысь 2024.
- ↑ Нюйва — создательница человеческих существ. www.epochtimes.ru (9 косму тӧлысь 2016). Дата обращения: 13 вӧльгым тӧлысь 2024.
- ↑ Зеленая деревянная кый - символ 2025 года: что важно знать о главном символе. Дата обращения: 13 вӧльгым тӧлысь 2024.
- ↑ 6,0 6,1 Екатерина Козлова. Принесет удачу: каким будет 2025 год Зеленой Деревянной Змеи, Пятый канал (9 вӧльгым тӧлысь 2024). Дата обращения: 13 вӧльгым тӧлысь 2024.
Литература
• Проничева И. А. Роль культурной коннотации в адаптации семантики заимствованных образов в русской лингвокультуре (на примере 12 знаков по восточному календарю) // Тульский научный вестник. Серия История. Языкознание. 2020. № 3.
• Чжан Цзиньлэй, Непомнящих Е. А. Текстологическая специфика гороскопов (на материале русского и китайского языков) // Евразийский Союз Учёных. 2020. № 4-9.
• Цзя Хуэйминь Лунный календарь и знаки зодиака в повседневной культуре Китая // Манускрипт. 2016. № 7-1 .
• Цзя Хуэйминь Китайские новогодние праздники по лунному календарю в повседневной культуре современного Китая // Общество: философия, история, культура. 2016. № 8.
Ыстӧгъяс
• Знаки зодиака по годам в Китайском календаре
• 24 сезона китайского календаря
|
Тайӧ материал вылӧ право кутысьнас лоӧ «РУВИКИ» ӧтуввез-энциклопедия» асшӧрлуна абу коммерческӧй организация. Мукӧд сайтъяс вылын тайӧ материалнас позьӧ вӧдитчыны сӧмын сэк, кор «РУВИКИ» ӧтуввез-энциклопедия» ААКО сетас позянлунсӧ. |