Тыва кыв лун
| Тыва кыв лун | |
|---|---|
 Тыва кыв лун кежлӧ торт. Автор: Белекмаа Хертек, 01.11.2020. | |
| Сикас | Войтыр гаж |
| Официальнӧя | тыва Тыва дыл хүнү |
| Пасйӧны |
 Тыва |
| Кадпас | вӧльгым тӧлысь 1 лун |
Тыва кыв лун (рочӧн День тувинского языка, тыва Тыва дыл хүнү) — чужан кывлы сиӧм гаж, вынсьӧдӧма Тыва Республикаса Юралысьлӧн 2016 во тӧвшӧр тӧлысь 18-ӧд лунся индӧдӧн[1]. Пасйӧны быд во вӧльгым тӧлысь 1 лунӧ.
Тыва кыв — канму кыв Тыва Республикаын[2]. Ӧні тыва кыв вылын сёрнитӧ 300 сюрс гӧгӧр морт. Тываын тыва кывйӧн вӧдитчӧны быдлунъя да общественнӧй олӧмын, петӧны тыва кыв вылын небӧгъяс да газетъяс, эмӧсь телевизионнӧй уджтасъяс, ӧтуввезйын сайтъяс[3].
История
Вӧльгым тӧлысь 1 лунсӧ Тываын шуӧма «Тыва кыв лунӧн» Тыва Республикаса Юралысь Шолбан Кара-ооллӧн 2016 вося тӧвшӧр тӧлысь 18-ӧд лунся Индӧдӧн, медым видзны, отсавны да паськыдджыка тӧдмӧдны тува кывйӧн Тыва Республикаса нимйӧза гижысь Александр Даржайлӧн водзмӧстчӧм серти.
Пасйӧм
Медводдзаысь тыва кывлысь лун пасйисны 2016 воын[4]. Быд во Тыва Республикаса Веськӧдлан котыр вынсьӧдӧ тыва кыв тӧлысьлысь плансӧ йирым тӧлысь 1 лунсянь вӧльгым тӧлысь 1 лунӧдз.
Вӧльгым тӧлысь 1 лунӧ Кызылын быд во мунӧ кывкӧрталан мероприятие — «Тыва кыв — войтырлӧн озырлун» республикаса форум, кытчӧ пырӧдчӧны учёнӧйяс да экспертъяс. Сэні кыпыда сетӧны канму наградаяс.
Гажсӧ пасйӧны оз сӧмын Тываын, но и мукӧд регионын, кӧні компактнӧя олӧны тывасаяс[5].
Видзӧдӧй тшӧтш
• Тыва кыв
• Чужан кывлӧн войтыркостса лун
Пасйодъяс
Ыстӧгъяс
• О тувинском языке
• Указ Главы Республики Тыва «О Дне тувинского языка»
• 1 ноября Республика Тыва отмечает День тувинского языка