Уджӧн нималана кар
| Уджӧн нималана кар | |
|---|---|
| Канму |
 Россия |
| Сикас | Россия Федерацияса почёт ним |
| Кодлы сетӧны | Россияса каръяслы, кӧні олысьясыс пуктісны асланыс уджӧн ыджыд пай 1941—1945 воясся Айму вӧсна Ыджыд тышын Вермӧм шедӧдӧмӧ |
| Наградитан подув | предприятиеяслы да сэні уджалысьяслы канму наградаяс сетӧм, уджвывса героизм 1941—1945 воясын |
| Статус | сетӧны |
| Статистика | |
| Лӧсьӧдан кадпас | 2020 вося рака тӧлысь 1 лун |
| Медводдза наградитӧм | 2020 вося сора тӧлысь 2-ӧд лун |
| Бӧръя наградитӧм | 2025 вося тӧвшӧр тӧлысь 15-ӧд лун |
| Наградитӧмаяслӧн лыд | 70 |
 Медиафайлы на РУВИКИ.Медиа | |
Уджӧн нималана кар (рочӧн Город трудовой доблести) — Россия Федерацияса почёт ним, вынсьӧдӧма 2020 во рака тӧлысь 1 лунся федеральнӧй оланпасӧн[1] «1941-1945 воясся Айму вӧсна Ыджыд тыш дырйи тылын уджалысьяслысь подвигсӧ нэммӧдӧм могысь»[2]; сетӧны Россия Федерацияса каръяслы, кӧні олысьяс «пуктісны ыджыд пай 1941-1945 воясся Айму вӧсна Ыджыд тышын Вермӧм шедӧдӧмӧ, могмӧдісны кар мутасын меститчӧм промышленнӧй предприятиеясын военнӧй да гражданскӧй прӧдукция дугдывтӧг вӧчӧмсӧ да та дырйи петкӧдлісны уджвывса героизм и йӧз вӧсна тӧждысьӧм»[3].
«Уджӧн нималана кар» ним сетӧм вылӧ подулӧн лоӧны:
1) предприятиеяслы канму наградаяс сетӧм да (либӧ) налы Оборона канму комитетлысь вуджан Гӧрд знамя сетӧм;
2) предприятиеяс вылын уджалысьяслы канму наградаяс бура уджалӧмысь сетӧм;
3) 1941-1945 воясӧ карса олысьяслысь уджын подвигсӧ документальнӧя эскӧдӧм фактъяс[4].
«Уджӧн нималана кар» ним сетӧм карын:
1) сувтӧдӧны стела, кытчӧ серпасалӧма карлысь канпас да гижӧма карлы тайӧ нимсӧ сетӧм йылысь Россия Федерацияса Президентлысь индӧд;
2) нуӧдӧны йӧзлы восьса мероприятиеяс да праздничнӧй салютъяс ода-кора тӧлысь 1 лунӧ (Тулыс да Удж нимӧдан гаж), ода-кора тӧлысь 9-ӧд лунӧ (Вермӧм лун), а сідзжӧ Кар лунӧ[5].
«Уджӧн нималана кар» ним сетсьӧ Россия Федерацияса президентлӧн индӧдӧн[6].
Ним сетанног
Россия Федерацияын карлы «Уджӧн нималана кар» ним сетӧм йылысь вӧзйӧмсӧ тайӧ карлӧн меставывса асвеськӧдлан органъясӧ вермӧ сетны Россияса гражданин либӧ ӧтйӧза ӧтув[7]. Тайӧ вӧзйӧмсӧ ошкӧны кӧ карлӧн меставывса асвеськӧдлан органъяс, пыртӧны сійӧс регионса парламентӧ да Россия Федерацияса субъектлӧн регионса администрацияӧ[8]. Найӧ видлалӧны сійӧс да примитӧны помшуӧм шыӧдчыны Россия Федерацияса президент дорӧ карлы «Уджӧн нималана кар» ним сетӧм йылысь ходатайствоӧн либӧ ӧтдортӧны сетӧм вӧзйӧмъяссӧ[9].
Сэк, кор регионса власьтъяс шуӧны шыӧдчыны Россияса президент дорӧ налӧн регионса карлы татшӧм ним сетӧм йылысь ходатайствоӧн, налы колӧ содтыны асланыс ходатайство дорӧ Россияса наукаяс академиялысь экспертнӧй кывкӧртӧд, кӧні лоас эскӧдӧма карлы почёт ним сетӧм вылӧ подувъяссӧ[10].
«Уджӧн нималана кар» ним сетӧм йылысь ходатайство видлалӧ «Победа» Россияса оргкомитет[10], а асьсӧ «Уджӧн нималана кар» почёт нимсӧ сетӧны Россия Федерацияса президентлӧн индӧдӧн, пырджык Тулыс да Удж нимӧдана гаж водзвылын (ода-кора тӧлысь 1 лун)[6].
История
Россияса общественнӧй да политическӧй удж нуӧдысьяс унаысь вӧзйылісны Россияса каръяслы, кӧні олысьяс вӧчисны ыджыд подвиг Айму вӧсна Ыджыд тыш воясӧ, почёт ним.
2009 воын «Кар-геройяслӧн канмукостса союз» некоммерческӧй партнёрство (веськӧдлысьыс — кыкысь Сӧветскӧй Союзса Герой, космонавт Виктор Горбатко) вӧлі лӧсьӧдӧма «Удж Доблесть да Слава кар» общественнӧй почёт войтыркостса ним да вынсьӧдӧма тайӧ ним йылысь положение[11]. Тайӧ нимсӧ «Кар-геройяслӧн канмукостса союз» некоммерческӧй партнёрство сетіс некымын карлы[12].
Айму вӧсна Ыджыд тыш дырйи тылын уджалысьясӧн повтӧмлун, зумыдлун да уна йӧза героизм петкӧдлысь каръяслы сетӧм могысь Россияын «Уджвывса слава кар» почёт ним лӧсьӧдӧм йылысь федеральнӧй оланпас балаяссӧ пыртлісны Россия Федерацияса Государственнӧй Думаӧ Государственнӧй Думаса депутатъяс Валентин Варенников да Валерий Востротин 2007 воын[13], Челябинск обласьтса Законодательнӧй Собрание 2008 воын[14], Государственнӧй Думаса депутатъяс Виктор Шрейдер, Борис Зубицкий, Сергей Каргинов, Вячеслав Тимченко, Сергей Поддубный, Федерацияса Сӧветӧ пырысь Валерий Шнякин 2014 воын[15][16], Государственнӧй Думаса депутат Олег Смолин 2016 воын[17].
2017 воын «Уджвывса слава кар» почёт ним лӧсьӧдӧм кузя водзмӧстчӧм вӧлі сетӧма да йӧзӧдӧма «Российская общественная инициатива» порталын[18].
2019 вося медводдза джынйын Россия Федерацияса Государственнӧй Думаӧ Удмурт Республикаса Каналан Сӧвет вӧзйӧма «Уджвывса воинскӧй слава кар» Россия Федерацияса почёт ним йылысь» федеральнӧй оланпас бала[19], а Улыс Новгород обласьтса Законодательнӧй Собрание — «Военно-трудӧвӧй слава кар» Россия Федерацияса почёт ним йылысь» федеральнӧй оланпас бала[20].
2019 вося ӧшым тӧлысь 14-ӧд лунӧ Россияса президент Владимир Путин пыртӧма Россияса Государственнӧй Думаӧ «Уджӧн нималана кар» Россия Федерацияса почёт ним йылысь» федеральнӧй оланпас бала[21]. 2020 вося урасьӧм тӧлысь 20-ӧд лунӧ оланпас баласӧ вӧлі примитӧма Россияса Государственнӧй Думаӧн коймӧдысь (бӧръя лыддьӧмын), 2020 вося урасьӧм тӧлысь 26-ӧд лунӧ ошкӧма Россия Федерацияса Сӧветӧн, да 2020 вося рака тӧлысь 1 лунӧ «Уджӧн нималана кар» Россия Федерацияса почёт ним йылысь» 41-ФЗ №-а Федеральнӧй оланпас кырымалӧма Россияса президент Владимир Путин[22].
Уджӧн нималана каръяс
2020
2020 вося сора тӧлысь 2-ӧд лунӧ «Уджӧн нималана кар» ним сетӧма татшӧм каръяслы: Боровичи, Екатеринбург, Иваново, Ижевск, Иркутск, Казань, Магнитогорск, Нижний Новгород, Нижний Тагил, Новокузнецк, Новосибирск, Омск, Пермь, Самара, Саратов, Томск, Ульяновск, Уфа, Челябинск, Ярославль[23].
2021
2021 вося ода-кора тӧлысь 20-ӧд лунӧ «Уджӧн нималана кар» ним сетӧма татшӧм каръяслы: Барнаул, Каменск-Уральский, Киров, Коломна, Комсомольск-на-Амуре, Красноярск, Магадан, Пенза, Рыбинск, Северодвинск, Тюмень, Чебоксары[24].
2021 вося кӧч тӧлысь 10-ӧд лунӧ «Уджӧн нималана кар» ним сетӧма татшӧм каръяслы: Алдан, Бологое, Вӧркута, Дзержинск, Кемерово, Кострома, Лысьва, Мончегорск, Оха, Ступино, Сызрань и Чита[25].
2022
2022 вося вӧльгым тӧлысь 15-ӧд лунӧ «Уджӧн нималана кар» ним сетӧма татшӧм каръяслы: Астрахань, Вӧлӧгда, Златоуст, Каспийск, Норильск, Орск, Якутск, Горловка и Луганск[26].
2023
2023 вося кӧч тӧлысь 11-ӧд лунӧ «Уджӧн нималана кар» ним сетӧма татшӧм каръяслы: Владимир, Воткинск, Находка, Новомосковск, Подольск, Прокопьевск, Рязань, Рубцовск, Улан-Удэ и Ханты-Мансийск[27].
2025
2025 вося тӧвшӧр тӧлысь 15-ӧд лунӧ «Уджӧн нималана кар» ним сетӧма татшӧм каръяслы:Верхняя Пышма, Зеленодольск, Ишимбай, Курган, Ленинск-Кузнецкий, Миасс, Салехард[28].
Карта
Нумизматикаын
Россияса Банк 2021-2023 воясын лэдзис «Уджӧн нималана кар» серияын 12 сьӧмпас[29]. 2024 воын лэдзӧма нӧшта 4 сьӧмпас[30].
- Россияса Банклӧн сьӧмпасъяс
Пасйӧдъяс
- ↑ Федеральный закон от 01.03.2020 № 41-ФЗ «О почетном звании Российской Федерации „Город трудовой доблести“». publication.pravo.gov.ru. Шыӧдчан кадпас: 16 косму тӧлысь 2020. Архивируйтӧма 6 косму тӧлысь 2020.
- ↑ Преамбула Федерального закона от 01.03.2020 № 41-ФЗ «О почетном звании Российской Федерации „Город трудовой доблести“». publication.pravo.gov.ru. Шыӧдчан кадпас: 16 косму тӧлысь 2020. Архивируйтӧма 6 косму тӧлысь 2020.
- ↑ Часть 1 статьи 1 Федерального закона от 01.03.2020 № 41-ФЗ «О почетном звании Российской Федерации „Город трудовой доблести“». publication.pravo.gov.ru. Шыӧдчан кадпас: 16 косму тӧлысь 2020. Архивируйтӧма 6 косму тӧлысь 2020.
- ↑ Часть 2 статьи 1 Федерального закона от 01.03.2020 № 41-ФЗ «О почетном звании Российской Федерации „Город трудовой доблести“». publication.pravo.gov.ru. Шыӧдчан кадпас: 16 косму тӧлысь 2020. Архивируйтӧма 4 ода-кора тӧлысь 2020.
- ↑ Часть 3 статьи 2 Федерального закона от 01.03.2020 № 41-ФЗ «О почетном звании Российской Федерации „Город трудовой доблести“». publication.pravo.gov.ru. Шыӧдчан кадпас: 16 косму тӧлысь 2020. Архивируйтӧма 4 ода-кора тӧлысь 2020.
- ↑ 1 2 Часть 4 статьи 1 Федерального закона от 01.03.2020 № 41-ФЗ «О почетном звании Российской Федерации „Город трудовой доблести“». publication.pravo.gov.ru. Шыӧдчан кадпас: 16 косму тӧлысь 2020. Архивируйтӧма 4 ода-кора тӧлысь 2020.
- ↑ Часть 1 статьи 3 Федерального закона от 01.03.2020 № 41-ФЗ «О почетном звании Российской Федерации „Город трудовой доблести“». publication.pravo.gov.ru. Шыӧдчан кадпас: 21 косму тӧлысь 2020. Архивируйтӧма 4 ода-кора тӧлысь 2020.
- ↑ Часть 2 статьи 3 Федерального закона от 01.03.2020 № 41-ФЗ «О почетном звании Российской Федерации „Город трудовой доблести“». publication.pravo.gov.ru. Шыӧдчан кадпас: 21 косму тӧлысь 2020. Архивируйтӧма 4 ода-кора тӧлысь 2020.
- ↑ Часть 3 статьи 3 Федерального закона от 01.03.2020 № 41-ФЗ «О почетном звании Российской Федерации „Город трудовой доблести“». publication.pravo.gov.ru. Шыӧдчан кадпас: 21 косму тӧлысь 2020. Архивируйтӧма 4 ода-кора тӧлысь 2020.
- ↑ 1 2 Часть 3 статьи 1 Федерального закона от 01.03.2020 № 41-ФЗ «О почетном звании Российской Федерации „Город трудовой доблести“». publication.pravo.gov.ru. Шыӧдчан кадпас: 16 косму тӧлысь 2020. Архивируйтӧма 4 ода-кора тӧлысь 2020.
- ↑ Положение о почётном международном звании «Город Трудовой Доблести и Славы». Шыӧдчан кадпас: 21 лӧддза-номъя тӧлысь 2022. Архивируйтӧма 30 рака тӧлысь 2022.
- ↑ Города Трудовой Доблести и Славы. Шыӧдчан кадпас: 21 лӧддза-номъя тӧлысь 2022. Архивируйтӧма 27 рака тӧлысь 2022.
- ↑ Законопроект № 487496-4 «О почетном звании Российской Федерации „Город трудовой славы“» Архивса копия 5 йирым тӧлысь 2019 Wayback Machine ресурсын, СОЗД ГАС «Законотворчество»
- ↑ Законопроект № 54645-5 «О почетном звании Российской Федерации „Город трудовой славы“» Архивса копия 5 йирым тӧлысь 2019 Wayback Machine ресурсын, СОЗД ГАС «Законотворчество»
- ↑ Звание «Город трудовой славы» будут присваивать за вклад в Победу Архивса копия 14 ӧшым тӧлысь 2019 Wayback Machine ресурсын, «Российская газета», 18.04.2014
- ↑ Законопроект № 502288-6 «О почетном звании Российской Федерации „Город трудовой славы“» Архивса копия 5 йирым тӧлысь 2019 Wayback Machine ресурсын, СОЗД ГАС «Законотворчество»
- ↑ Предлагается установить почетное звание «Город трудовой славы». Шыӧдчан кадпас: 14 ӧшым тӧлысь 2019. Архивируйтӧма 14 ӧшым тӧлысь 2019.
- ↑ Установить почетное звание «Город трудовой славы» Архивса копия 14 ӧшым тӧлысь 2019 Wayback Machine ресурсын, Российская общественная инициатива
- ↑ Законопроект № 710424-7 «О почетном звании Российской Федерации „Город трудовой славы“» Архивса копия 27 кӧч тӧлысь 2019 Wayback Machine ресурсын, СОЗД ГАС «Законотворчество»
- ↑ Законопроект № 724173-7 «О почетном звании Российской Федерации „Город военно-трудовой славы“» Архивса копия 30 кӧч тӧлысь 2019 Wayback Machine ресурсын, СОЗД ГАС «Законотворчество»
- ↑ Путин внес в Госдуму законопроект о звании «Город трудовой доблести». Шыӧдчан кадпас: 14 ӧшым тӧлысь 2019. Архивируйтӧма 14 ӧшым тӧлысь 2019.
- ↑ Федеральный закон от 01.03.2020 № 41-ФЗ. publication.pravo.gov.ru. Шыӧдчан кадпас: 3 рака тӧлысь 2020. Архивируйтӧма 2 рака тӧлысь 2020.
- ↑ Указ о присвоении почётного звания Российской Федерации «Город трудовой доблести». Шыӧдчан кадпас: 2 сора тӧлысь 2020. Архивируйтӧма 2 сора тӧлысь 2020.
- ↑ Указ о присвоении почётного звания Российской Федерации «Город трудовой доблести». Шыӧдчан кадпас: 10 кӧч тӧлысь 2021. Архивируйтӧма 10 кӧч тӧлысь 2021.
- ↑ Указ о присвоении почётного звания «Город трудовой доблести». Шыӧдчан кадпас: 10 кӧч тӧлысь 2021. Архивируйтӧма 10 кӧч тӧлысь 2021.
- ↑ Указ Президента Российской Федерации от 15.11.2022 № 829 ∙ Официальное опубликование правовых актов ∙ Официальный интернет-портал правовой информации. publication.pravo.gov.ru. Шыӧдчан кадпас: 15 вӧльгым тӧлысь 2022. Архивируйтӧма 15 вӧльгым тӧлысь 2022.
- ↑ Указ Президента Российской Федерации от 11.09.2023 № 668 ∙ Официальное опубликование правовых актов ∙ Официальный интернет-портал правовой информации. publication.pravo.gov.ru. Шыӧдчан кадпас: 12 кӧч тӧлысь 2023. Архивируйтӧма 13 кӧч тӧлысь 2023.
- ↑ Указ Президента Российской Федерации от 15.01.2025 № 16 ∙ Официальное опубликование правовых актов. publication.pravo.gov.ru (15 тӧвшӧр тӧлысь 2025). Шыӧдчан кадпас: 15 тӧвшӧр тӧлысь 2025.
- ↑ База данных по памятным и инвестиционным монетам. Банк России. cbr.ru. Шыӧдчан кадпас: 18 рака тӧлысь 2023. Архивируйтӧма 18 рака тӧлысь 2023.
- ↑ Серия «Города трудовой доблести»: новые монеты. Банк России. cbr.ru. Шыӧдчан кадпас: 5 ода-кора тӧлысь 2024.