Хлобыстов Анатолий Максимович
| Хлобыстов Анатолий Максимович | |
|---|---|
 | |
| Чужан лун | 1999 вося урасьӧм тӧлысь 21-ӧд лун |
| Чужанін | Уква, Коми Республика |
| Кулан лун | 2023 вося лӧддза-номъя тӧлысь 30-ӧд лун |
| Канму |
 Россия |
| Звание | лейтенант |
| Тышъяс/вӧйнаяс | Украинаын тыш (2022 восянь) |
| Наградаяс да премияяс |
|
Хлобыстов Анатолий Максимович (1999 вося урасьӧм тӧлысь 21-ӧд лун, Уква, Коми Республика — 2023 вося лӧддза-номъя тӧлысь 30-ӧд лун) — гвардияса младшӧй сержант, саридзса пехотаса разведчик, Коми Республикаса Герой (2023, кувсьӧм бӧрас).
Олантуй
Хлобыстов А. чужис да быдмис Уква карын. 19 №-а шӧр школа помалӧм бӧрын служитіс ВДВ войскаын, рязаньса дивизияын, да помаліс сійӧс пулемётчикъяс отделениеса командир чинӧн. Армия бӧрын уджаліс горнорабочӧйӧн[1].
Пырӧдчис общественнӧй уджӧ, вӧлі Коми Республикаса том йӧзлӧн парламентса да Уква карын том йӧзлӧн сӧветса членӧн. Хлобыстовӧс шуисны 2017 воын Комиын медбур призывникӧн. Сійӧ вӧлі Уква карса военно-тактическӧй ворсӧмъяслӧн федерацияса президентӧн, вӧлі карса Юнармияын медводдза водзмӧстчысьяс лыдын, зіля пырӧдчис корсьысян уджӧ, котыртіс карса уна патриотическӧй мероприятие[2].
2022 вося йирым тӧлысьын ас кӧсйӧм серти муніс Украинаса тыш вылӧ. Вӧлі босьтӧма саридзса пехотаса разведывательно-десантнӧй ротаӧ. Сылӧн активнӧй боевӧй уджыс заводитчис 2023 вося ода-кора тӧлысьын Артёмовск направление вылын. Героическӧя пӧгибнитіс 2023 вося лӧддза-номъя тӧлысь 30-ӧд лунӧ прӧтивниклӧн артиллерийскӧй обстрел дырйи[3].
Коми Республикаса Юралысьлӧн 2023 во сора тӧлысь 27-ӧд лунся Индӧдӧн «воинскӧй мог олӧмӧ пӧртігӧн повтӧмлунысь, героизмысь да йӧз вӧсна тӧждысьӧмысь» Анатолий Максимович Хлобыстовлы сетӧма Коми Республикаса Герой медвылыс почёт ним (кувсьӧм бӧрас)[2][4][5].
Наградаяс
• Коми Республикаса Герой медвылыс почёт ним (2023);
Паметь
• 2023 вося ӧшым тӧлысь 9-ӧд лунӧ Укваса 19-ӧд номера школаын, кодӧс помавліс Анатолий Максимович Хлобыстов, вӧлі восьтӧма Геройлы казьтылан пӧв.
• 2024 вося лӧддза-номъя тӧлысь 30-ӧд лунӧ Укваса 19-ӧд номера школалы сетӧма А. М. Хлобыстовлысь ним.
• А. М. Хлобыстовлысь ним сетісны Уква карса военно-тактическӧй ворсӧмъяслӧн федерациялы.
• 2024 вося лӧддза-номъя тӧлысь 30-ӧд лунӧ Уква карын Успенскӧй шойнаын Геройяс аллея вылын вӧлі восьтӧма Анатолий Хлобыстовлы паметник[2].
• «Анатолий Хлобыстов. Первый Герой Республики Коми» документальнӧй фильм.
Ыстӧгъяс
- ↑ «Спасибо за подвиг»: Анатолий Хлобыстов — Герой Республики Коми, bnkomi.ru. Шыӧдчан кадпас: 26 урасьӧм тӧлысь 2025.
- ↑ 1 2 3 Герои Республики Коми. Хлобыстов Анатолий Максимович, Молодёжная библиотека Республики Коми. Шыӧдчан кадпас: 26 урасьӧм тӧлысь 2025.
- ↑ В зоне СВО погиб депутат молодежного парламента Коми, bnkomi.ru. Шыӧдчан кадпас: 26 урасьӧм тӧлысь 2025.
- ↑ Герои Отечества из Коми, отмеченные высшими наградами за мужество на СВО, Комиинформ. Шыӧдчан кадпас: 26 урасьӧм тӧлысь 2025.
- ↑ Погибшему на СВО Анатолию Хлобыстову присвоено звание Героя Республики Коми, Аргументы и факты. Коми. Шыӧдчан кадпас: 26 урасьӧм тӧлысь 2025.