Уква (кар)

Босьтӧма Рувикиысь
Видлалӧм гижӧд
Тайӧ терминыслӧн эмӧсь мӧд вежӧртасъяс, видзӧд Уква.
Кар
Ухта
комиӧн Уква
НиколайЗиновьевУхта.jpg
УхтаЛошадь.jpgПолярноеСияниеУхта.jpg
УхтаИней.jpgПрофильЛенинавУхте.jpg
УхтаДетскийПарк.jpgРадугавУхте.jpg
УхтаСтарыйГород.jpgЧасовнявУхте.jpg
НабережнаяГазовиков2020.jpg
Канпас
Канпас
63°34′ с. ш. 53°42′ в. д.GЯO
Страна Россия
РФ-са субъект Коми Республика
Муниципальнӧй кытш Уква
История да география
Лӧсьӧдӧма 1929 воын
Кар  1943 восянь
Ыджда 320 км²
Шӧрин вылна 100 метр
Час кытш UTC+3:00
Йӧз
Олысь лыд
Катойконим укваса
Лыдпаса идентификаторъяс
Телефон код +7 8216 (зэв шоча паныдасьлысь код: +7912 мтс)
Пошта индексъяс 169300
ОКАТО код 87425
ОКТМО код 87725000001
Мукӧдтор
ухта.рф (рус.)
Уква (кар) (Россия)
Точка
Ухта
Red pog.svg
Москва
Логотип РУВИКИ.Медиа Медиафайлы на РУВИКИ.Медиа

Уква (рочӧн Ухта) — тайӧ Коми Республикаын кар[2], Коми Республикаын «Уква» муниципальнӧй кытшлӧн шӧрин[3]. Промышленносьт, туялан да культура шӧрин.

Олысь лыд сертиыс республикаын мӧд кар.

Уква ю вылын Россияын медводдзаысь заводитісны перйыны мусир.

Ним артмӧм

[вежны | Вежны кодировкаын]

Кар нимыс артмӧма Уква ю нимсянь. Ю ним артмӧм серти эм некымын версия.

Ухта гидронимлӧн вужйыс важ финн-йӧгра кывйысь, та йылысь висьталӧ Ухта да сылӧн Охта вариант нимъяслӧн Россиялӧн европа юкӧнса Войвыв гидронимъясын паськыда паськалӧмыс. Тыдалӧ, вӧлӧма «ухта» термин, мый петкӧдлӧма «ю, вис»[4].

Гидронимлӧн роч форма (Ухта) подулын куйлӧ обдорса йӧгра кывъясысь апеллятив: хант. охгот (охгт), ухгут (ухгт) «кык ю костын вуджанін, кыті кыскӧны пыжъяс», манс. ахт «вис, кӧрӧм». Татшӧм апеллятива ю нимъяс (Ухта, Ухтым, Уктым, Ухтома, Охта, Охтома, Охтомица, Вохтома и др.) йитчӧмаӧсь историческӧй вӧлӧкъясӧн. Уква ю сідзжӧ вӧлі ва кузя вӧлӧка туй юкӧнӧн. Роч Ухта воӧма важъя обдорса йӧгра кывъясысь ухгт «вӧлӧк», -а – роч кывпом, медым йитны род серти роч река терминсӧ да ю нимсӧ. Коми формаыс лоис асшӧра, но сылӧн подулас тайӧ жӧ апеллятивыс. Но сы вӧсна мый коми кывйын оз паныдасьлы ӧтлаын кыкысь унджык согласнӧй шы, а [х] шы вуджӧ [к] шыӧ, то Ухгтва, Ухтва пыдди лоис Уква. Гибриднӧй Уква — «вӧлӧка ю», кӧні Ук артмӧма ухгт «вӧлӧк» кывйысь, и коми ва «ва», «ю» вежӧртасын [5].

Уква (Вуква) нимлӧн медводдза юкӧнас кольӧма важ коми вук кыв «шуйга» вежӧртаса (орччӧд Вуктыл). Татшӧм ногӧн, Вуква — «шуйга ю; шуйгаладорсянь усьысь ю». Важ коми кывйын [w] шыыс вӧлі вомдорса, полугласнӧй, мӧд ногӧн кӧ, [в] да [у] костын шӧркодьӧн, мый петкӧдчис Вуква - Уква ним формаясын (орччӧд Удора). Официал Ухта формаыс вермис артмыны Уква формаысь, а бӧрынджык вӧлі ладмӧдчӧма тайӧ регионын паныдасьлысь -та кывъя некымын нимкӧд[6].

Административнӧй да муниципальнӧй статус

[вежны | Вежны кодировкаын]

Административно-территориальнӧй юклӧм серти сійӧс кар кодь нёль посёлоккӧд (Борӧвӧй, Воднӧй, Шудаяг, Ярега) да дас куим сиктса овмӧдчанінкӧд ӧтлаын пыртӧма республика тӧдчанлуна Уква карӧ - районъяслӧн статуслы ӧткодь статуса административнӧй единицаӧ. Кыдзи муниципальнӧй юкӧн, республика тӧдчанлуна Уква кар пырӧ «Уква» муниципальнӧй кытшӧ.

География

[вежны | Вежны кодировкаын]

Кар пукалӧ Коми Республикалӧн шӧр юкӧнын, Уква ю берегъясын.

Ывласям

[вежны | Вежны кодировкаын]
Тӧв

Уква районса ывласямыс шӧркодь континентальнӧй. Вогӧгӧрся шӧр температураыс — -1,1 °C. Гожӧмыс шоныд, но абу жар — медся шоныд тӧлысьын, сора тӧлысьын, шӧркодь температураыс +16,5 °C. Медся кӧдзыд тӧлысьлӧн, тӧвшӧр тӧлысьлӧн, шӧркодь температураыс -16,5 °C. Уква кар ӧткодялӧма Ылі Войвыв районъяскӧд.

Уна вося шӧркодь лымъялӧм-зэрӧм лыдыс — 700 мм, на пиысь 30% усьӧ кӧдзыд кадӧ, 70% — шоныд кадӧ (24 мм — медэтша, овлӧ урасьӧм тӧлысьын; 64 мм - медуна зэрӧ моз тӧлысьын да кӧч тӧлысьын).

Лымйыс усьӧ шӧркодя йирым тӧлысся медводдза дас лунӧ. Тырвйӧ лым вевт артмӧ йирым тӧлысся бӧръя вежонӧ, а сылӧ лымйыс шӧркодя косму тӧлысся бӧръя вежонӧ. Лымъя лунъяслӧн шӧркодь лыд — 188-193 лун.

Мусин кынмӧмлӧн джудждаыс — 2,0-2,1 метра; уна вося кынмӧм абу.

Во чӧжӧн шӧркодя овлӧ 32 руа лун, 43 турӧба лун, 17-19 гыма лун да 55 лунӧдз быд сикас йизьӧм.

Параметр Тӧлысь Во
I II III IV V VI VII VIII IX X XI XII
Сынӧд температура, ºС -17,3 -15,8 -8,9 -0,5 5,4 12,1 15,7 12,7 6,6 -1,4 -8,5 -13,6 -1,1
Лымъялӧм-зэрӧм, мм 31 24 27 33 43 54 61 64 64 60 41 38 540
Тӧвлӧн ӧд 4,1 4,1 4,4 4,0 4,3 3,9 3,3 3,2 3,7 4,2 4,2 4,0 4,0
Ывласям Укваын
Петкӧдлас Тӧвшӧр тӧлысь Урасьӧм тӧлысь Рака тӧлысь Косму тӧлысь Ода-кора тӧлысь Лӧддза-номъя тӧлысь Сора тӧлысь Моз тӧлысь Кӧч тӧлысь Йирым тӧлысь Вӧльгым тӧлысь Ӧшым тӧлысь Во
Абсолютнӧй максимум, °C 2,5 3,0 13,0 23,8 30,1 33,5 35,2 32,5 27,4 20,0 8,2 3,6 35,2
Шӧркодь максимум, °C −13,1 −10,9 −2,4 4,6 12,0 19,0 22,1 17,3 10,7 2,8 −6 −10,6 3,8
Шӧркодь температура, °C −16,5 −14,7 −6,8 −0,5 6,3 13,3 16,5 12,4 6,9 0,4 −8,9 −13,8 −0,5
Шӧркодь минимум, °C −20 −18,1 −10,9 −5 1,5 8,2 11,6 8,4 4,0 −1,8 −11,3 −17,2 −4,2
Абсолютный минимум, °C −48,5 −43,9 −39,2 −28,4 −16,9 −4,2 −0,4 −3,9 −8,8 −26,4 −37,8 −49 −49
Енэжва норма, мм 32 26 29 28 44 66 71 69 54 55 40 39 553
Источник: Погода и климат Норма за 1981 - 2010 гг.

История

[вежны | Вежны кодировкаын]

Шӧр нэмъясӧ ӧнія Коми Республикалӧн муясыс пырлісны Новгород республикаӧ, XV нэм помын вуджисны Москваса княжестволы. Медся тӧдчана тӧварӧн вӧлі вӧрпа ку. Кӧдзыд поводдя вӧсна да во гӧгӧр чӧж туйяс абутӧм вӧсна дыр кад чӧж тані олісны этша йӧз, кӧть татысь мусир аддзӧм йылысь тӧдлісны XV нэмын на.

Мусир перйӧм йылысь медводдза пасйӧдъяс[вежны | Вежны кодировкаын]

Россияын мусир перйӧм йылысь медводдза гижӧдъясыс вӧліны XVI нэмын нин. Ветлысь-мунысьяс гижлісны, кыдзи Тимано-Печорскӧй мусир да биару провинция войвылын Уква ю берегъяс дорын олысьяс чукӧртлісны ю веркӧсысь мусир да вӧдитчылісны сійӧн медицина могъясӧн да вый и мавтас туйӧ. Уква юысь чукӧртӧм мусир медводдзаысь вайисны Москваӧ 1597 воын.

Федор Прядунов паметник вылын табличка, кӧні вайӧдӧма Санкт-Петербургса Берг-коллегиялӧн документысь цитата, мый эскӧдӧ Россияын медводдза промышленнӧй мусир перйӧм заводитчӧмсӧ буретш Уква ю вылын

Укваса мусир прӧмыселъясыс Уква ю дорын да сылӧн Чуть, Ярега, Улыс Доманик, Чибъю да Лыаёль вожъясын заводитчисны 1620-ӧд воясӧ[7].

1745 воын руда корсьысь Г. И. Черепанов вӧлі «аддзӧма» ю пыдӧсысь петысь мусир ключ. Тыдалӧ, сылӧн подув вылын Кардорса рудоискатель Прядунов Фёдор Савельевич лӧсьӧдіс мусир перъян прӧмысел. 1745 воын Берг-коллегия, мый Пётр Великӧй лӧсьӧдіс 1719 воын горнӧй производствоӧн веськӧдлӧм могысь, сетіс позянлун восьтыны Укваын Россияын медводдза мусир «завод», коді 1753 воын вуджис вологодскӧй купеч А. И. Нагавиковлы, а сэсся яренскса купеч М. С. Баженовлы[8].

XVIII—XIX нэмъяс[вежны | Вежны кодировкаын]

Уквалӧн план, 1874 вося моз тӧлысь
Бушуев уличаын куб 5 №-а скважина местаын, кӧні 1930 вося вӧльгым тӧлысь 25-ӧд лунӧ Россияын медводдзаысь перйисны промышленнӧя девонса мусир

Мусир перйылісны кадысь кадӧ ю веркӧсысь да берегдорса гуясысь. Вогӧгӧрся ӧктӧмыс вӧлі 0,1 тоннасянь (1749 во) 0,86 тоннаӧдз (1758 во). Ставнас 1767 воӧдз вӧлі перйӧма 3,6 тонна мусир. 1748 воын Уква юысь мусирсӧ вайӧмаӧсь Москваӧ, кӧні Берг-коллегия лабораторияын вӧлі вӧчӧма перегонка.

XIX—XX-ӧд нэм заводитчигӧн ӧнія карлӧн ыджыдджык юкӧныс пырис Кардор губерняса Печӧра уездӧ.

1868 воын М. К. Сидоровлӧн сьӧм вылӧ заводитӧмаӧсь писькӧдны скважина, кодӧс вӧлі водзӧ нюжӧдӧма 1872-1873 воясӧ 52,9 м джудждаӧдз. Тайӧ да писькӧдӧм посньыдджык скважинаясысь перйӧма 32 тонна мусир, мый вӧлі мӧдӧдӧма вузасян да промышленнӧй выставкаяс вылӧ, университетъясӧ, музейясӧ, вӧдитчӧмаӧсь опытъяс дырйи, кыдзи Печора юті да Войвыв океанті ветлалысь пароходъяслы ломтас.

XX нэм[вежны | Вежны кодировкаын]

• 1907 воын Ярега ю вылын капитан Ю. А. Воронов писькӧдіс скважина, Чуть ю вылын - генерал А. И. Абаковский да мукӧд.
• 1911-1913 воясӧ Укваса мусир перъянінъясын уджаліс Горнӧй департаментлӧн разведочнӧй экспедиция, мыйӧн веськӧдліс инженер В. И. Стукачев. Сійӧ писькӧдіс 4 скважина, мусиркӧд тшӧтш воис биару.
• 1914 воын А. Г. Гансберг лӧсьӧдіс сідз шусяна Варваринскӧй прӧмысел, кӧні писькӧдіс, перйис мусир да стрӧитіс керосин завод, коді уджаліс 1924 воӧдз.
• 1914-1917 воясӧ разведкасӧ нуӧдіс «Нефть» роч товарищество.
• 1918 воын Укваса мусир перъянінъяс вӧлі национализируйтӧма.
• 1920-1921 воясӧ народнӧй овмӧслӧн Кардорса губернскӧй Сӧвет лӧсьӧдӧма скважинаясысь мусир кустарнӧя перйӧм.
• Сӧветскӧй власть воясӧ, Коми (Зыряна) асвеськӧдлан обласьт артмӧм бӧрын, район мутаслӧн кызвын юкӧныс вӧлі Печора кытшын, а 1929 воын Коми (Зыряна) асвеськӧдлан обласьт районируйтігӧн тайӧ муясыс пырисны Изьва районӧ, сэсся — Изьваӧ. 1939 вося сора тӧлысь 31-ӧд лунӧ Изьва район вӧлі юкӧма Изьва да Уква районъяс вылӧ.
• Уква артмис кыдзи геологоразведочнӧй экспедициялӧн база, коді воис Уква ю бокӧ Чибъюлӧн усянінӧ 1929 вося моз тӧлысь 21-ӧд лунӧ да босьтчис корсьны тайӧ муясас мусир да биару. Медводз посёлокыс шусис «Чибъю».

Кар артмӧм[вежны | Вежны кодировкаын]

Уква кар. Мир, Первомай да Студент уличаяс, Первомай изэрд 1960-ӧд вояс пансигӧн.

Карлӧн артмӧмыс топыда йитчӧма мусир перйӧмкӧд.
• 1929 вося моз тӧлысь 21-ӧд лунӧ воис Чибъю ю вомӧ Кардорысь ыджыд экспедиция, кӧні вӧлі 125 морт заключённӧйяс (политическӧйяс, уголовникъяс, «бытовикъяс»), раскулачитӧмаяс, ссыльнӧйяс, вольнонаёмнӧй работникъяс, охранникъяс. Заводитӧмаӧсь кыпӧдны посёлок, сылы сетӧмаӧсь Чибъю ним (1939 восянь - Уква). 1930 вося тулыс кежлӧ стрӧитӧмаӧсь бурӧвӧй, а арнас скважинаыс сетӧма промышленнӧя девонса мусир.
• Тайӧ жӧ кадас Чибъюсянь 20 км ылнаын (ӧні Воднӧй посёлок) вӧлі стрӧитӧма химическӧй лаборатория, кӧні туялісны радиоактивнӧй ваяс, вӧр-васа да тшӧтш петысь биару, буритчан процессъяс. 1931 воын вӧлі котыртӧма прӧмысел, кӧні радий концентратсӧ мирӧвӧй практикаын медводдзаысь кутісны перйыны мупытшса минерализуйтӧм ваясысь.
• Регыд вӧлі помалӧма Емдін-Ухта 260 километр кузьта автомашина туй, сэсся кӧрт туй. Уквалы лоис позянлун петны странаса промышленнӧй шӧринъясӧ.
• 1938 вося йирым тӧлысь 26-ӧд лун — РСФСР-са Вылыс Сӧветлӧн Президиум пыртіс Чибъю уджалан посёлокъяс лыдӧ.
• 1939 вося сора тӧлысь 14-ӧд лун — Уква район артмӧдӧм бӧрын Чибъю посёлок лои юрсиктӧн да сылӧн вежсис нимыс, кутіс шусьыны Ухта (комиӧн Уква).
• 1943 вося вӧльгым тӧлысь 20-ӧд лун — РСФСР-са Вылыс Сӧветлӧн Президиум вынсьӧдіс Коми АССР-са Вылыс Сӧветса Президиумлысь Шуӧмсӧ да уджалан посёлок категорияысь вуджӧдіс Уквасӧ районнӧй каръяс лыдӧ.

Олысь лыд

[вежны | Вежны кодировкаын]
Олысь лыд
1939[9]1959[10]1967[11]1970[12]1973[13]1975[14]
2700↗36 154↗53 000↗62 923↗72 000↗80 000
1976[15]1979[16]1982[17]1986[18]1987[19]1989[20]
→80 000↗87 467↗93 000↗102 000↗105 000↗110 548
1991[21]1992[22]1993[23]1994[24]1996[25]1997[26]
↗112 000↗112 100↘111 000↘109 000↘104 100↘103 000
1998[27]1999[28]2000[29]2001[30]2002[31]2003[32]
↘101 000↘99 400↘97 500↘96 000↗103 340↘103 300
2004[33]2005[34]2006[35]2007[36]2008[37]2009[38]
↘102 900↗103 100↗103 300↗103 500↘103 400↗103 407
2010[39]2011[40]2012[41]2013[42]2014[43]2015[44]
↘99 591↗99 600↗99 847↘99 513↘99 155↘98 894
2016[45]2017[46]2018[47]2019[48]2020[49]2021[50]
↘98 293↘97 806↘97 087↘95 960↘93 716↘79 899
25 000
50 000
75 000
100 000
125 000
150 000
1959
1976
1989
1996
2001
2006
2011
2016
2021

2020 вося Россияын став олысьясӧс гижалӧм мыччӧдъяс серти, 2021 вося йирым тӧлысь 1 лун кежлӧ олысь лыд серти карыс вӧлі 206-ӧд местын Россия Федерацияса 1118[51] карысь[52].

Культура

[вежны | Вежны кодировкаын]
Укваса Культура Двореч, Ленин проспект

Театръяс[вежны | Вежны кодировкаын]

• Укваса йӧзкостса драматическӧй театр Вера Михайловна Гой веськӧдлӧм улын (котыртӧма 1934 воын);
• «Фрески» театр-студия (Укваса канму техническӧй университет бердын);
• «Ровесник» Укваса образцовӧй театр;
• «Дружба» театральнӧй студия.

Музейяс[вежны | Вежны кодировкаын]

• «Му вӧр-ва» канму музей, восьтӧма 1948 вося косму тӧлысь 30-ӧд лунӧ[53]; музейын чукӧртӧма черияслысь, моллюскъяслысь да гагъяслысь ыджыд коллекция[53]; музейлы подувсӧ пуктіс Седых Кирилл Фёдорович[54];
• Укваса мусир да биару историко-краеведческӧй музей (Мир улича, 5б) А. Я. Кремслӧн кабинетӧн (Кремс улича, 3);
• «Газпром трансгаз Ухта» ичӧт кывкутана котырлӧн выставка залъяс комплекс(Ленин проспект, 50), восьтӧма 2003 вося вӧльгым тӧлысь 14-ӧд лунӧ[55];
• 1986 во косму тӧлысь 26-ӧд лунся Чернобыльса катастрофа казьтылан музей.

Тӧдчана инъяс

[вежны | Вежны кодировкаын]

«В. И. Ленинлӧн силуэт» — Коми Республикаса Уква карын казьтылан пас. Пуктӧма 1970 вося косму тӧлысь 22-ӧд лунӧ В. И. Ленинлӧн 100 во тыригкежлӧ.

Велӧдӧм

[вежны | Вежны кодировкаын]
Ӧтув и содтӧд велӧдӧм

Уква карын уна сикас велӧдчанін:
• 3 лицей: Г. В. Рассохин нима техническӧй лицей, гуманитарно-педагогическӧй лицей, информационнӧй технологияяс велӧдан лицей;
• 1 гимназия — суйӧрса кывъяс велӧдан Гимназия;
• 3 шӧр школа торъя предметъяс пыдісянь велӧдӧмӧн;
• 17 шӧр школа;
• 1 рытъя (сменаа) школа;
• 1 VIII сикаса торъя (коррекционнӧй) школа;
• психолого-педагогическӧй да медико-социальнӧй отсӧгын нуждайтчысь челядьлы 1 муниципальнӧй велӧдан учреждение «Психолого-педагогическӧй реабилитация да коррекция шӧрин»;
• содтӧд тӧдӧмлун сетан 3 учреждение: Уква карса том техникъяслӧн шӧрин, челядьлы искусствояс шӧрин, Г. А. Карчевский нима челядьлӧн творчество шӧрин;
• челядьлы I да II музыкальнӧй школаяс, челядьлы художествоа школа;
• Шудаягса 4 №-а санаторнӧй интернат-школа.

Укваса кӧрт туй транспорт техникум
Техникумъяс да училищеяс

• Укваса промышленно-экономическӧй вӧр колледж;
• Укваса медицина колледж;
• Укваса кӧрт туй транспорт техникум;
• Укваса горно-нефтянӧй колледж;
• Укваса индустриальнӧй техникум;
• Укваса педагогика колледж;
• ООО «Газпром трансгаз Ухта» ИКК-лӧн учебно-производственнӧй шӧрин.

Вылыс тшупӧда велӧдчанінъяс

• Укваса канму техническӧй университет — лӧсьӧдӧма 1958 воын кыдз И. М. Губкин нима Москваса нефтехимическӧй да биару промышленносьт институтса велӧдчан да консультацияяс сетан пункт.

Нималана йӧз

[вежны | Вежны кодировкаын]

• Капустин Сергей Алексеевич (1953—1997) — спортсмен (шайбаа хоккей), спортса нимӧдана мастер, Олимпиадаса чемпион;
• Коблов Александр Петрович (1956) — спортсмен (пауэрлифтинг), кыкысь мирса чемпион [56];
• Климов Юрий Михайлович (1940) — спортсмен (гандбол), спортса нимӧдана мастер, Олимпиадаса чемпион;
• Державин Андрей Владимирович (1963) — музыкант, композитор;
• Апрельский Сергей Александрович (1967, збыль ов Гондюхин) — киноактёр;
• Захаров Эдуард Фёдорович (1975—1997) — спортсмен (бокс), войтыркостса класса спортса мастер;
• Ольга Фонда (1982) — америкаса актриса да фотомодель;
• Абрамович Роман Аркадьевич — россияса медыджыд асшӧр уджалысь. Оліс Ухтаын 1970 восянь 1974 воӧдз;
• Бруни Николай Александрович (1891—1938) — туялысь, музыкант да футболист, кывбуртэчысь да проза гижысь, лётчик, выльтор восьтысь да художник, поп да авиаконструктор, Георгиевскӧй кавалер. Оліс (пукаліс) Ухтаын 1935 восянь1938 воӧдз (лыйлісны Ухтаркаын);
• Будзуляк Богдан Владимирович — профессор, техника наукаса доктор, наука академияса тырвыйӧ член (академик). 1991-2008 воясӧ — ОАО «Газпром» правлениеӧ пырысь, 1991-2008 воясӧ — сэні жӧ департаментӧн веськӧдлысь. Оліс Ухтаын 1970-1991 воясӧ;
• Васильев Роман Александрович (1899—1988) — сад вӧдитысь, му туялысь. Одессит, мыждӧм улӧ веськаліс 1938 воын, Ухтпечлагын бӧрын кольччис овны Ухтаӧ. Карсаяс пиысь медводдзаӧн вӧчис 1950 воясын збыль сад (Гоголь улича вылын, 5а). Кӧдзыд климатын Васильев вӧдитіс восьса грунтын оз, сэтӧр, ирга, зэв уна дзоридз. Парникын быдтіс помидор да ӧгуреч. Зэв уна во чӧж видзӧдіс да пасъяліс поводдя, а сідзжӧ нуӧдіс карса фотолетопись;
• Демидов Георгий Георгиевич (1908—1987) — туялысь-физик, выльтор восьтысь, гижысь. Варлам Шаламовлӧн «Житие инженера Кипреева» гижӧдса геройлӧн ловъя пӧв (прототип). Оліс Ухтаын колымаса лагеръясысь мездмӧм бӧрти 1954 восянь 1972 воӧдз, уджаліс Ухтаса механическӧй заводын;
• Самойлова Юлия Олеговна (1989 во) — россияса сьылысь. Петкӧдчис «Евровидение-2017» [57] да «Евровидение-2018» конкурсъяс вылын[58][59];
• Кремс Андрей Яковлевич (1899 во — 1975 во) — Укваса территориальнӧй геологическӧй веськӧдланінын медшӧр геолог, наука серти веськӧдланінса начальникӧс вежысь. Геолого-минералогическӧй наукаяс доктор[60]. Коми Республикаса Почёта гражданин (2024 во)[61];
• Маринченко Николай Данилович (1912 во — 1943 во) — Айму вӧсна Ыджыд тышын участвуйтысь, Комиысь Сӧветскӧй Союзса Герой[62][63];
• Алексеев Александр Иванович (1952 во — 1996 во) — Россия Федерацияса Безопасносьт службаса подполковник, Чечняын медводдза вӧйнаын участвуйтысь, Комиысь Россияса Герой (1996)[64][65]. Коми Республикаса Почёта гражданин[66][67];
• Скрипников Илья Николаевич (1962 во — 2000 во) — 16-ӧд сынӧдса армиялӧн 490-ӧд торъя вертолётнӧй полкса вертолётнӧй эскадрильяса командирӧс вежысь, майор. Афганса да Чечняын мӧд войнаясын да Таджикистанын да Приднестровьеын тышъясын участвуйтысь. Комиысь Россия Федерацияса Герой (2000, кувсьӧм бӧрас)[68];
• Шипицин Олег Александрович (1974 во — 2022 во) — россияса военнӧй, старшӧй матрос. Комиысь Россия Федерацияса Герой[69][70];
• Хлобыстов Анатолий Максимович (1999 во — 2023 во) — гвардияса младшӧй сержант, саридзса пехотаса разведчик, Коми Республикаса Герой (2023, кувсьӧм бӧрас);
• Рассохин Геннадий Васильевич (1937 во — 1997 во) — россияса туялысь да канморт, Укваса канму техническӧй университетса ректор, РАЕН-са академик, техническӧй наукаяс доктор, профессор[71]. Коми Республикаса Почёта гражданин (2014);
• Алексеев Евгений Михайлович (1934 во — 2024 во) — Коми Республикаса оланін да коммунальнӧй овмӧс юкӧнын нималана ветеран, Коми Республикаса Почёта гражданин (2022);
• Молий Анна Яковлевна (1909 во — 1979 во) — Коми Республикаса мусир да биару промышленносьт котыртысь[72], Коми Республикаса Почёта гражданин (2022);
• Агиней Руслан Викторович (1975 во) — Укваса канму техническӧй университетын ректор, профессор, техническӧй наукаяс доктор[73], 2025 вося лӧддза-номъя тӧлысь 10-ӧд лунӧ выльысь индӧма ректорӧн 5 во кежлӧ[74].

Ӧшмӧсъяс

[вежны | Вежны кодировкаын]

• Атлас Республики Коми. — Москва, 2000.
• Жеребцов И.Л. Где ты живешь: Населенные пункты Республики Коми. Историко-демографический справочник. — Сыктывкар, 2000.
• История Коми с древнейших времен до конца XX века: В 2-х т. / Под общей редакцией А.Ф. Сметанина. — Сыктывкар, 2004.
• Республика Коми: Энциклопедия. — Сыктывкар, 1997—2000. — Т. 1—3.
• Республика Коми: Административно-территориальное деление на 1 августа 1992 г. Издание пятое. — Сыктывкар, 1992.
• Административно-территориальное и муниципальное устройство Республики Коми (на 1 августа 2006 г.). Издание шестое, официальное / ГУ «ТФИ РК». — Сыктывкар, 2006. — 278 с.
• Козулин А. Зарево над Тиманом: Город Ухта от основания до наших дней. — Сыктывкар, 1987.

Ыстӧгъяс

[вежны | Вежны кодировкаын]
  1. ↑ https://rosstat.gov.ru/storage/mediabank/tab-5_VPN-2020.xlsx
  2. ↑ Козулин А. Ухта // Республика Коми. Энциклопедия. Том III. — Сыктывкар: Коми книжное издательство, 2000. — С. 221-223.
  3. ↑ Ухта перестала быть городским округом Коми
  4. ↑ Поспелов, 2008, с. 466.
  5. ↑ А.П. Афанасьев. Топонимия Республики Коми. Словарь-справочник. Сыктывкар: Коми книжное издательство, 1996.
  6. ↑ А. И. Туркин. Топонимический словарь Коми АССР. Сыктывкар: Коми книжное издательство, 1986.
  7. ↑ Индустриализация Европейского Северо-Востока России: Предпосылки, способы осуществления и влияние на социально-экономическое, политическое, этнодемографическое и культурное развитие региона Архивса копия 1 косму тӧлысь 2022 Wayback Machine ресурсын / Уральское отделение РАН. — Сыктывкар: Институт языка, литературы и истории Коми научного центра УрО РАН, 2013. — 284 с. — ISBN 978-5-89606-483-1. — (Труды Института языка, литературы и истории Коми НЦ УрО РАН. — Вып. № 72).
  8. ↑ Ухта. Историческая справка
  9. ↑ http://www.MojGorod.ru/r_komi/uhta/index.html.
  10. ↑ http://demoscope.ru/weekly/ssp/rus59_reg2.php.
  11. ↑ http://www.MojGorod.ru/r_komi/uhta/index.html.
  12. ↑ http://demoscope.ru/weekly/ssp/rus70_reg2.php.
  13. ↑ http://www.MojGorod.ru/r_komi/uhta/index.html.
  14. ↑ http://istmat.info/files/uploads/41385/rossiyskiy_statisticheskiy_ezhegodnik_1998_g.pdf.
  15. ↑ http://istmat.info/files/uploads/18276/stat._ezh._rf_1994_demografiya.pdf.
  16. ↑ http://demoscope.ru/weekly/ssp/rus79_reg2.php.
  17. ↑ http://istmat.info/files/uploads/15623/narodnoe_hozyaystvo_sssr_1922-1982.pdf.
  18. ↑ http://istmat.info/files/uploads/18276/stat._ezh._rf_1994_demografiya.pdf.
  19. ↑ https://www.webcitation.org/6ibsmTCzx.
  20. ↑ http://demoscope.ru/weekly/ssp/rus89_reg2.php.
  21. ↑ http://istmat.info/files/uploads/18276/stat._ezh._rf_1994_demografiya.pdf.
  22. ↑ http://www.MojGorod.ru/r_komi/uhta/index.html.
  23. ↑ http://istmat.info/files/uploads/18276/stat._ezh._rf_1994_demografiya.pdf.
  24. ↑ http://istmat.info/files/uploads/18276/stat._ezh._rf_1994_demografiya.pdf.
  25. ↑ http://istmat.info/files/uploads/23792/stat._ezh._1996_-2.pdf.
  26. ↑ http://istmat.info/files/uploads/45329/4naselenie.pdf.
  27. ↑ http://www.MojGorod.ru/r_komi/uhta/index.html.
  28. ↑ http://istmat.info/files/uploads/45390/07naselenie.pdf.
  29. ↑ http://www.MojGorod.ru/r_komi/uhta/index.html.
  30. ↑ http://www.MojGorod.ru/r_komi/uhta/index.html.
  31. ↑ http://www.perepis2002.ru/ct/doc/1_TOM_01_04.xls.
  32. ↑ http://www.MojGorod.ru/r_komi/uhta/index.html.
  33. ↑ http://istmat.info/files/uploads/46358/r_05.doc.
  34. ↑ http://www.gks.ru/doc_2005/year05.zip.
  35. ↑ http://www.gks.ru/doc_2006/year06.zip.
  36. ↑ http://www.gks.ru/doc_2007/year07.zip.
  37. ↑ http://www.gks.ru/doc_2008/year08.zip.
  38. ↑ http://www.gks.ru/bgd/regl/B09_109/IssWWW.exe/Stg/d01/tabl-21-09.xls.
  39. ↑ http://komi.gks.ru/wps/wcm/connect/rosstat_ts/komi/resources/2d66df004e30e856b59eff3bf8d20d64/2.3.+Численность+населения+городских+округов%2C+муниципальных+районов%2C+поселений+и+населенных+пунктов.doc.
  40. ↑ http://www.MojGorod.ru/r_komi/uhta/index.html.
  41. ↑ http://www.gks.ru/free_doc/doc_2012/bul_dr/mun_obr2012.rar.
  42. ↑ http://www.gks.ru/free_doc/doc_2013/bul_dr/mun_obr2013.rar.
  43. ↑ http://komi.gks.ru/wps/wcm/connect/rosstat_ts/komi/resources/090b768043529cd496ccd774665da2b8/Оценка+численности+населения+по+городским+округам%2C+муниципальным+районам%2C+поселениям+и+городским+населенным+пунктам.doc.
  44. ↑ http://www.gks.ru/free_doc/doc_2015/bul_dr/mun_obr2015.rar.
  45. ↑ http://www.gks.ru/free_doc/doc_2016/bul_dr/mun_obr2016.rar.
  46. ↑ http://www.gks.ru/free_doc/doc_2017/bul_dr/mun_obr2017.rar.
  47. ↑ http://www.gks.ru/free_doc/doc_2018/bul_dr/mun_obr2018.rar.
  48. ↑ http://www.gks.ru/free_doc/doc_2019/bul_dr/mun_obr2019.rar.
  49. ↑ https://rosstat.gov.ru/storage/mediabank/CcG8qBhP/mun_obr2020.rar.
  50. ↑ https://rosstat.gov.ru/storage/mediabank/tab-5_VPN-2020.xlsx.
  51. ↑ с учётом городов Крыма
  52. ↑ Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более (XLSX).
  53. ↑ 1 2 Государственный музей «Природа Земли»: Официальная страница. Шыӧдчан кадпас: 24 вӧльгым тӧлысь 2008. Архивируйтӧма 25 лӧддза-номъя тӧлысь 2008.
  54. ↑ Лисевич Н. Г., Попова К. А. Война и мир в судьбах ученых-энтомологов К. Ф. Седых и Ю. С. ван Зона: Фрагменты из рабочей тетради исследователя // Частное и общественное в повседневной жизни населения России: История и современность : Материалы конференции. — 2018. — С. 385—390. — ISSN 978-5-8290-1718-7.
  55. ↑ История развития газовой отрасли Северо-Запада России.
  56. ↑ Выдающиеся спортсмены города
  57. ↑ Исполнительница миссии Архивса копия 20 ӧшым тӧлысь 2019 Wayback Machine ресурсын // Коммерсантъ
  58. ↑ Дарья Ганиева. Юлия Самойлова выступит на "Евровидении-2018". Вести.Ru (18 косму тӧлысь 2017). Шыӧдчан кадпас: 2 ода-кора тӧлысь 2017. Архивируйтӧма 16 ода-кора тӧлысь 2017.
  59. ↑ Илья Питалев. Самойлова намерена хорошо подготовиться к Евровидению-2018. РИА Новости (7 лӧддза-номъя тӧлысь 2017). Шыӧдчан кадпас: 2 сора тӧлысь 2017. Архивируйтӧма 7 лӧддза-номъя тӧлысь 2017.
  60. ↑ Козулин А., Фишман М. Кремс Андрей Яковлевич // Республика Коми. Энциклопедия. Том II. — Сыктывкар: Коми книжное издательство, 1999. — С. 155.
  61. ↑ Глава Республики Коми Владимир Уйба подписал Указ о присвоении высшего почётного звания Республики Коми «Почётный гражданин» в 2024 году
  62. ↑ Книга памяти Республики Коми. Маринченко Николай Данилович
  63. ↑ Репортаж 26. Наш Герой – лейтенант пехоты Маринченко Николай Данилович
  64. ↑ Власова А., Козулин А. Алексеев Александр Иванович // Республика Коми. Энциклопедия. Том III. — Сыктывкар: Коми книжное издательство, 2000. — С. 357-358.
  65. ↑ Лобанов В.П. Книга памяти Республики Коми.Они живы в памяти нашей... Сыктывкар, 2023.
  66. ↑ Александр Алексеев стал Почетным гражданином Республики Коми
  67. ↑ Книга почёта Республики Коми
  68. ↑ Герои страны: Скрипников Илья Николаевич, warheroes.ru. Шыӧдчан кадпас: 24 урасьӧм тӧлысь 2025.
  69. ↑ Шипицин Олег Александрович, warheroes.ru. Шыӧдчан кадпас: 24 урасьӧм тӧлысь 2025.
  70. ↑ Олег Шипицин - Герой России, bnkomi. Шыӧдчан кадпас: 24 урасьӧм тӧлысь 2025.
  71. ↑ Рассохин Л. Рассохин Геннадий Васильевич // Республика Коми. Энциклопедия. Том II. — Сыктывкар: Коми книжное издательство, 1999. — С. 544.
  72. ↑ Потолицын В. Молий Анна Яковлевна // Республика Коми. Энциклопедия. Том II. — Сыктывкар: Коми книжное издательство, 1999. — С. 292.
  73. ↑ Руслан Агиней приступил к работе в должности врио ректора УГТУ. Шыӧдчан кадпас: 26 кӧч тӧлысь 2019. Архивируйтӧма 20 сора тӧлысь 2019.
  74. ↑ Руслан Агиней утвержден в должности ректора УГТУ сроком на пять лет. БНКоми (10 лӧддза-номъя тӧлысь 2025). Шыӧдчан кадпас: 11 лӧддза-номъя тӧлысь 2025.


Уква каркытшса оланiнъяс
Борӧвӧй | Воднӧй | Гажа Кут | Гажаяг | Гӧрдъёль | Изъюр | Изьвайыв | Кедвавом | Кемдін | Лайква | Первомайскӧй | Поромӧсь | Сьӧдъю | Тобысь | Уква | Улыс Доманик | Шудаяг | Ярега


Коми Республикаса каръяс Coat of arms of the Komi Republic Flag of the Komi Republic
Вӧркута | Вуктыл | Емва | Инта | Микунь | Печӧра | Сосногорск | Сыктывкар | Уква | Ускар
Босьтӧма "https://kv.ruwiki.ru/w/index.php?title=Уква_(кар)&oldid=354216"-ысь