Цифрӧвӧй шайт

Босьтӧма Рувикиысь
Цифрӧвӧй шайт
Digital ruble red logo.svg.png

Цифрӧвӧй шайт (рочӧн Цифровой рубль) — тайӧ Россияса Банкӧн лӧсьӧдӧм цифрӧвӧй валюта, Россияса национальнӧй валюталӧн коймӧд форма, сійӧс содтӧны сьӧмлӧн ӧнія да безналичнӧй формаяс дорӧ. Цифрӧвӧй шайтсӧ кутас лэдзны Россияса банк цифрӧвӧя. Цифрӧвӧй шайт ӧтувтӧ ас пытшкас наличнӧй да безналичнӧй шайтлысь свойствояссӧ[1].

История

Ӧнія олӧмын криптовалютаяс лоигӧн-паськалігӧн 2017 вося йирым тӧлысьын вӧлі дасьтӧма «криптошайт» лӧсьӧдӧмсӧ технологическӧя олӧмӧ пӧртӧм кузя правительстволӧн шуӧмлысь бала[2].

Войтыркостса рӧштшӧтъяс банклӧн  (рус.) (коми донъялӧм серти, 2020 во кежлӧ став шӧр банкъяс пиысь 80%-ысь унджыкыс лӧсьӧдӧмаӧсь ассьыныс цифрӧвӧй валюта[3].

2020 вося йирым тӧлысьын Россия Федерацияса Шӧр Банк йӧзӧдіс цифрӧвӧй шайт (ЦВЦБ) лӧсьӧдӧмлы сиӧм доклад[4]. Тӧдчӧдлісны, мый тайӧ цифрӧвӧй валютаыс оз ло криптовалютаӧн, сы вӧсна мый сійӧс лоӧ лэдзӧма Россияса банкӧн, коді лоӧ рӧштшӧтъясын безопасносьтлӧн гарантӧн. Цифрӧвӧй шайт единицаяс лоӧны идентифицируйтӧмаӧсь аслыспӧлӧс цифрӧвӧй кодӧн. ЦВЦБ-лы колӧ ӧтувтны безналичнӧй да наличнӧй сьӧмлысь функцияяссӧ — сылы позьӧ мынтысьны кыдзи дистанционнӧя, сідзи и электроннӧй кӧшель  (рус.) (коми пыр; цифрӧвӧй шайтсӧ кутасны конвертируйтны 1:1 курс серти. Докладын петкӧдлӧма ЦВЦБ-лысь шыӧдчӧмсӧ олӧмӧ пӧртан 4 вермана модель, сы серти, коді, кыдзи да кодлы восьтӧ кӧшельяссӧ да вӧчӧ рӧштшӧтъяссӧ. Сэки жӧ президентлӧн пресс-секретар Дмитрий Песков донъяліс цифрӧвӧй шайт пыртӧмлысь кадколастсӧ 3-7 воӧн[5].

2021 вося косму тӧлысьын Россия Федерацияса Шӧр Банк юӧртіс проектлӧн ӧнія тшупӧд йылысь. Бӧрйисны сэтшӧм модель, кор Россияса Банк восьтӧ да нуӧдӧ сьӧм кудъяс финансӧвӧй институтъяслы, кодъяс, ас кадӧ, восьтӧны да нуӧдӧны сьӧм кудъяс клиентъяслы. 2021 во помланьыс кӧсйисны лӧсьӧдны платформа, кӧні локтан воӧ кутасны видлавны цифрӧвӧй шайт[6].

2021 вося лӧддза-номъя тӧлысьын Шӧр Банк индіс 12 банк, кодъяс кутасны участвуйтны 2022 вося тӧвшӧр тӧлысьын цифрӧвӧй шайт тестируйтӧмын: Ак Барс Банк, Альфа-банк, Банк ДОМ.РФ, ВТБ Банк, Газпромбанк, Тинькофф Банк, Промсвязьбанк, Росбанк, Сбербанк, СКБ-банк, СОЮЗ Банк, ТКБ банк[7]. 2022 вося тӧвшӧр тӧлысь 19-ӧд лунӧ заводитчис тестируйтӧмыс[8]. 2022 вося урасьӧм тӧлысь 15-ӧд лунӧ Россияса банк да рынокса участникъяс заводитісны тестируйтны цифрӧвӧй шайт платформа да бура нуӧдісны граждана костын цифрӧвӧй шайтӧн медводдза вуджӧдӧмъяс, водзӧ вылӧ кӧсйӧны видлыны сы отсӧгӧн тӧваръясысь да услугаясысь мынтысьӧм[9][10].

2022 вося косму тӧлысь 21-ӧд лунӧ Россия Федерацияса Шӧр Банкӧн веськӧдлысь Эльвира Набиуллина  (рус.) (коми Госдумаын отчёт сетігӧн висьталіс, мый пилотнӧй операцияяс кыдзи страна пытшкын, сідзи и войтыркостса рӧштшӧтъясын кутасны этша вылӧ нуӧдны 2023 восянь: «Локтан воын вочасӧн кутам нуӧдны реальнӧй экономикаын цифрӧвӧй шайтӧн пилотнӧй рӧштшӧтъяс. Цифрӧвӧй шайтӧн позьӧ донтӧмджыка мынтысьны. Ми кутам лача, мый сійӧн кутасны вӧдитчыны и войтыркостса рӧштшӧтъясын»[11].

2023 вося рака тӧлысь 16-ӧд лунӧ Государственнӧй Думаын медводдзаысь лыддисны цифрӧвӧй шайт йылысь оланпас баласӧ[12]. 2023 вося лӧддза-номъя тӧлысь 20-ӧд лунӧ Россия Федерацияса Госдума ошкис оланпас бала, мый серти цифрӧвӧй валюта лоӧ договорлӧн, эмбурлӧн да наследстволӧн объектӧн[13], а сора тӧлысь 11-ӧд лунӧ мӧд да коймӧд лыддьӧмъясӧн примитіс цифрӧвӧй шайт пыртӧм йылысь оланпас[14].

2023 вося сора тӧлысь 24-ӧд лунӧ Россияса Президент Владимир Путин кырымаліс цифрӧвӧй шайт пыртӧм да лӧсялана платформа лӧсьӧдӧм йылысь оланпас. Оланпаслӧн медшӧр положениеясыс вынсялісны 2023 вося моз тӧлысь 1 лунӧ[15]. Тайӧ сетіс позянлун Шӧр Банклы заводитны пилотнӧй проект цифрӧвӧй шайтӧн, кытчӧ пырӧдчис 13 банкса этша лыда клиент[16].

2023 вося моз тӧлысь 3-ӧд лунӧ Россияса банк ошкис цифрӧвӧй шайтлысь логотип[17] да йӧзӧдіс видео[18].

2023 вося моз тӧлысь 15-ӧд лунсянь цифрӧвӧй шайтӧн вӧдитчӧны сьӧма збыль операцияяс дырйи[19].

2024 вося сора тӧлысь 17-ӧд лунӧ Владимир Путин юӧртіс, мый цифрӧвӧй шайтӧн вӧдитчӧм серти пилотнӧй проектын участвуйтісны 11 карысь 12 банк, 600 морт, 22 вузасян да сервис предприятие. 2024 вося сора тӧлысь вылӧ лыдпасъяс серти, цифрӧвӧй шайт отсӧгӧн вӧчӧма 27 сюрсысь унджык рӧштшӧт, а сідзжӧ сизим сюрсысь унджык тӧвар да услуга вылӧ мынтысьӧм. Такӧд йитӧдын Россияса президент тшӧктіс паськӧдны цифрӧвӧй шайтӧн вӧдитчӧм[20].

2025 вося тӧвшӧр тӧлысь 28-ӧд лунӧ лои тӧдса, мый Россияса банк сьӧм овмӧс министерствокӧд да казначействокӧд ӧтвылысь нуӧдіс медводдза тестъяс. Массӧвӧя лэдзны цифрӧвӧй шайтсӧ урчитӧма 2025 вося сора тӧлысь 1 лун кежлӧ, и Россияса банк эскӧдӧ, мый став системнӧй тӧдчанлуна кредитнӧй организацияыс лоӧны дасьӧсь тайӧ кад кежлӧ[21].

2025 вося урасьӧм тӧлысь 4-ӧд лунӧ Россияса банк пасйис, мый мессенджеръясын да социальнӧй везъясын паськалӧны цифрӧвӧй шайт йылысь мифъяс. Регулятор пасйис, мый татшӧм юӧръяслӧн медшӧр могыс — лӧсьӧдны паника да падмӧдны сьӧмлӧн выль форма дінӧ эскӧмсӧ, шуӧмӧн, мый цифрӧвӧй шайт вылӧ вуджӧмыс лоӧ мырдӧн. Шӧр Банк ӧлӧдіс тайӧ сёрнияссӧ, тӧдчӧдіс, мый цифрӧвӧй шайтъяс кутасны лэдзны наличнӧй да безналичнӧй средствояс дорӧ содтӧдӧн, а наӧн вӧдитчӧм йылысь решениесӧ примитӧ торйӧн быд морт[22].

2025 вося урасьӧм тӧлысьын Шӧр Банк шуис нюжӧдны цифрӧвӧй шайт паськыда пыртан кадколастсӧ, мый планируйтісны 2025 вося сора тӧлысь 1 лунсянь[23].

2025 вося косму тӧлысь 11-ӧд лунӧ Шӧр Банк шуис ылӧдчӧмлӧн выль форма йылысь: лёк вӧчысьяс лӧсьӧдӧны ылӧга интернет-сайтъяс да кыскӧны йӧзлысь сьӧмсӧ цифрӧвӧй шайт программаӧ инвестицияяс улӧ пуктӧмӧн[24].

2025 вося лӧддза-номъя тӧлысь 30-ӧд лунӧ Шӧр Банк вӧчис медводдза кывкӧртӧдъяс цифрӧвӧй шайт пилотируйтӧм кузя, мый заводитчис 2023 вося моз тӧлысь 15-ӧд лунӧ. 2025 вося ода-кора тӧлысь пом кежлӧ цифрӧвӧй шайт платформаса участникъяс, кодлӧн операторӧн лоӧ Шӧр Банк, вӧчисны 63 сюрсысь унджык вуджӧдӧм, матӧ 13 сюрс вузӧсысь да услугаясысь мынтысьӧмӧн, вӧчисны 17 сюрсысь унджык смарт-контрактъяс, шуӧма регуляторлӧн отчётын. Платформа вылын ставсӧ восьтӧма торъя йӧзлысь да юридическӧй кывкутысьяслысь 2.500 гӧгӧр кӧшель — операцияяссӧ вермӧны вӧчны 15 банклӧн клиентъяс 150-ысь унджык оланінысь[25].

2025 вося сора тӧлысь 15 лунӧ Россия Федерацияса Госдума коймӧд лыддьӧмӧн вынсьӧдіс оланпас, медым вочасӧн пыртны оборотӧ цифрӧвӧй шайт, а сідзжӧ вузӧсысь да услугаясысь мынтысьӧм вылӧ универсальнӧй QR-код. 2026 вося кӧч тӧлысь 1 лунсянь банкъяслы ковмас сетны клиентъяслы позянлун нуӧдны операцияяс. Вонас 5 млн шайтысь этшаджык ыдждаа вузасьысьяслы оз быть ков вӧдитчыны цифрӧвӧй шайтъясӧн[26]. Выль оланпас серти 2026 восянь цифрӧвӧй шайтӧн позяс вӧдитчыны федеральнӧй сьӧмкудйысь кӧть кутшӧм мынтысьӧм вылӧ. Тайӧ инмӧ пенсияяс, пособиеяс, стипендияяс да бюджетникъяслы удждонъяс мынтӧмлы.

Цифрӧвӧй шайтлӧн логотип

Цифрӧвӧй шайтлысь медводдза логотипсӧ, кутшӧм артмӧма шайт пасысь да сійӧс кытшалысь гӧгрӧсторйысь, мый мӧдпӧвъёвтӧ сьӧм формасӧ да казьтылӧ Россия Федерацияса Шӧр Банклысь логотипсӧ, йӧзӧдіс Россияса банк 2023 вося моз тӧлысь 3-ӧд лунӧ торъя видеоын да сайт вылын[18][27][28].

Донъялӧм

Экспертъяс лыддьӧны, мый цифровӧй шайтлӧн медшӧр вермӧмӧн лоӧ сьӧмӧн оланпас торкалӧмкӧд тышкасьӧмсӧ кокньӧдӧм, сы вӧсна мый став юӧрсӧ транзакцияяс кузя кутасны видзны Россияса Банкын; найӧс видзӧдӧм могысь оз нин ков шыӧдчыны банкса вуджӧдӧмъяс чеплӧн быд юкӧнӧ[29].

Россия Федерацияса сьӧм овмӧс министерствоӧн веськӧдлысь Антон Силуанов шуис, мый цифрӧвӧй шайтыс водзӧ вылӧ буртор. Сылысь надёжносьтсӧ министр гӧгӧрвоӧдіс сійӧн, мый валюта лэдзысьӧн лоӧ Центробанк. Силуановлӧн видзӧдлас серти, бюджетлы проект лоӧ интереснӧй аслас восьсалун вӧсна[30].

«Яков и Партнеры» (вӧвлӧм McKinsey) компанияса экспертъяслӧн кывкӧртӧд серти, бизнеслы да банкъяслы цифрӧвӧй национальнӧй валюта пыртӧмлӧн ӧтувъя экономическӧй эффектыс вермас лоны 328 млрд шайтӧдз быд во — медводз эквайринга операцияяс вылын экономитӧм тшӧт весьтӧ[31].

Критика

«Сбербанк» критикуйтіс докладсӧ, шуис, мый цифрӧвӧй шайтӧ сьӧмлӧн вуджӧмыс 2-4 трлн шайт, мый вермас вайӧдны прӧчент ставка  (рус.) (коми содӧмӧ. Сійӧ кадас банкъяс пиысь матӧ джынйыс лыддьӧмаӧсь, мый цифрӧвӧй шайт лӧсьӧдӧмыс абу колана[32]. Сбербанк сідзжӧ ӧлӧдіс выль сикас валютаыслӧн ичӧт киберустойчивосьтькӧд йитчӧм рискъяс йылысь. Медым кыпӧдны сійӧс, банкса правлениеса председательӧс вежысь Станислав Кузнецовлӧн видзӧдлас серти, колӧ лӧсьӧдны аслыспӧлӧс система, мый сувтас 20-25 млрд шайт[33].

«Сколково-РЭШ» шӧринын плюсъяскӧд тшӧтш индісны, мый цифрӧвӧй шайт пыртӧм бӧрын Шӧр Банк вермас пырны финансӧвӧй услугаяс рынокӧ. Тайӧ вермас вайӧдны асшӧр статус воштӧмӧдз да регулируйтан уджкӧд йитчӧм эскӧм воштӧмӧдз[34].

Макроэкономическӧй анализ да дженьыд кадся прогноз вӧчан шӧринса экспертъяс висьталісны, мый цифрӧвӧй шайт вермас вайӧдны банкъясӧн ликвидносьт воштӧмӧ. 2024 во помӧдз торъя йӧзлӧн да юридическӧй кывкутысьяслӧн тшӧтъясысь вермас петны 9 трлн шайтысь оз этшаджык[34].

Цифрӧвӧй шайт пыртӧмын рискъяс

Цифрӧвӧй шайт пыртӧмкӧд йитчӧмаӧсь сэтшӧм рискъяс: Россия Федерацияса сьӧм система монополизируйтӧм, гражданалы, организацияяслы да канму, муниципальнӧй учреждениеяслы сьӧм бергӧдӧмын лимитъяс лӧсьӧдны зільӧм, а сідзжӧ налысь медшӧр могъяссӧ — чӧжан уджсӧ — сьӧмысь лишитӧм. Цифрӧвӧй шайт пыртӧмлӧн рискӧн лоӧ и вывті ыджыд регулируйтӧм[35].

Пасйӧдъяс

  1. ↑ Цифровой рубль | Банк России. cbr.ru. Шыӧдчан кадпас: 21 моз тӧлысь 2025.
  2. ↑ Цифровой суверенитет. Зачем правительству понадобился крипторубль (рус.). Forbes.ru. Шыӧдчан кадпас: 25 моз тӧлысь 2025.
  3. ↑ Кисаров И. В. О переходе к цифровому рублю // Вестник Тверского государственного университета. Серия: Экономика и управление. № 1 (53), 2021. С. 198—208.
  4. ↑ Цифровой рубль Банк России. cbr.ru. Шыӧдчан кадпас: 25 моз тӧлысь 2025.
  5. ↑ Вершинина О. В., Лабушева Я. Г., Султаниев И. С. Анализ возможностей и рисков введения в обращение цифровых валют центральных банков на примере «цифрового рубля» // Вестник Российского нового университета. Серия: Человек и общество. № 1, 2021. С. 51—60.
  6. ↑ Ольга Шерункова. ЦБ наполнит кошельки цифровыми рублями (рус.). Коммерсантъ. www.kommersant.ru (8 косму тӧлысь 2021). Шыӧдчан кадпас: 25 моз тӧлысь 2025.
  7. ↑ ЦБ выбрал 12 банков для тестирования цифрового рубля (рус.). Forbes. Шыӧдчан кадпас: 25 моз тӧлысь 2025.
  8. ↑ Некоторые российские банки уже тестируют платежи между физлицами с цифровым рублем (рус.). ТАСС. tass.ru (19 тӧвшӧр тӧлысь 2022). Шыӧдчан кадпас: 25 моз тӧлысь 2025.
  9. ↑ Цифровой рубль: старт тестирования Банк России. cbr.ru. Шыӧдчан кадпас: 25 моз тӧлысь 2025.
  10. ↑ Ксения Чемоданова, Владислав Иванов. В пилотном режиме: в России начались первые испытания цифрового рубля (рус.). Автономная некоммерческая организация «ТВ-Новости». russian.rt.com (15 урасьӧм тӧлысь 2022). Шыӧдчан кадпас: 25 моз тӧлысь 2025.
  11. ↑ С 2023 года в России планируют начать расчёты в цифровых рублях (рус.). ИА REGNUM. Шыӧдчан кадпас: 25 моз тӧлысь 2025.
  12. ↑ Госдума приняла в первом чтении законопроект о цифровом рубле (рус.). РБК. Шыӧдчан кадпас: 25 моз тӧлысь 2025.
  13. ↑ Анастасия Кузмичева. Госдума одобрила законопроект о наследовании цифрового рубля. РБК (21 лӧддза-номъя тӧлысь 2023). Шыӧдчан кадпас: 25 моз тӧлысь 2025.
  14. ↑ Госдума приняла закон о внедрении цифрового рубля. ТАСС (11 сора тӧлысь 2023). Шыӧдчан кадпас: 25 моз тӧлысь 2025.
  15. ↑ Путин подписал закон о внедрении цифрового рубля. ТАСС (24 сора тӧлысь 2023). Шыӧдчан кадпас: 20 моз тӧлысь 2025.
  16. ↑ ЦБ РФ начнет пилот с реальными цифровыми рублями после появления законодательной базы (рус.). Interfax (22 рака тӧлысь 2023). Шыӧдчан кадпас: 25 моз тӧлысь 2025.
  17. ↑ ЦБ утвердил логотип цифрового рубля. ТАСС (3 моз тӧлысь 2023). Шыӧдчан кадпас: 25 моз тӧлысь 2025.
  18. ↑ 1 2 Банк России. У цифрового рубля появился логотип. rutube.ru (3 моз тӧлысь 2023). Шыӧдчан кадпас: 25 моз тӧлысь 2025.
  19. ↑ ЦБ РФ: о появлении цифрового рубля не знают более 30% опрошенных россиян. Эксперт (19 лӧддза-номъя тӧлысь 2024). Шыӧдчан кадпас: 25 моз тӧлысь 2025.
  20. ↑ Путин поручил перейти к широкому внедрению цифрового рубля. РИА Новости (17 сора тӧлысь 2024). Шыӧдчан кадпас: 25 моз тӧлысь 2025.
  21. ↑ ЦБ и Минфин провели первые тесты цифрового рубля в бюджетном процессе, РБК. Шыӧдчан кадпас: 25 моз тӧлысь 2025.
  22. ↑ ЦБ зафиксировал всплеск мифов о цифровом рубле в мессенджерах и соцсетях, РБК. Шыӧдчан кадпас: 25 моз тӧлысь 2025.
  23. ↑ ЦБ отложил массовое внедрение цифрового рубля, РБК (27 урасьӧм тӧлысь 2025). Шыӧдчан кадпас: 25 моз тӧлысь 2025.
  24. ↑ ЦБ предупредил о схеме похищения денег через ложные инвестиции в цифровой рубль, Известия (11 косму тӧлысь 2025). Шыӧдчан кадпас: 25 моз тӧлысь 2025.
  25. ↑ Банк России подвел первые итоги пилотирования цифрового рубля, Ведомости. Шыӧдчан кадпас: 25 моз тӧлысь 2025.
  26. ↑ Госдума утвердила внедрение цифрового рубля, Коммерсантъ (15 сора тӧлысь 2025). Шыӧдчан кадпас: 25 моз тӧлысь 2025.
  27. ↑ Фирменный стиль | Банк России. www.cbr.ru. Шыӧдчан кадпас: 25 моз тӧлысь 2025.
  28. ↑ ЦБ утвердил логотип цифрового рубля (рус.). Ведомости (3 моз тӧлысь 2023). Шыӧдчан кадпас: 25 моз тӧлысь 2025.
  29. ↑ Каменская К. В. К вопросу введения Цифрового рубля как инструмента противодействия экономическим и финансовым нарушениям // Инновации. Наука. Образование. № 25, 2021. С. 77—84.
  30. ↑ Александра Юшкявичюте. Министр финансов России Силуанов назвал создание цифрового рубля перспективным (рус.). газета.ru. www.gazeta.ru (6 урасьӧм тӧлысь 2023). Шыӧдчан кадпас: 25 моз тӧлысь 2025.
  31. ↑ Инновационный кошелек. Эксперт (14 урасьӧм тӧлысь 2024). Шыӧдчан кадпас: 25 моз тӧлысь 2025.
  32. ↑ Что не так с цифровым рублем: Сбер предупредил о рисках новой валюты (рус.). Что не так с цифровым рублем: Сбер предупредил о рисках новой валюты. www.vesti.ru (15 ӧшым тӧлысь 2020). Шыӧдчан кадпас: 25 моз тӧлысь 2025.
  33. ↑ Сбербанк оценил, во сколько обойдется устойчивость цифрового рубля (рус.). РБК. www.rbc.ru (03 дек 2020). Шыӧдчан кадпас: 25 моз тӧлысь 2025.
  34. ↑ 1 2 Анна Громова. «Полный цикл операций». В России испытали цифровой рубль (рус.). газета.ru. www.gazeta.ru (15 урасьӧм тӧлысь 2022). Шыӧдчан кадпас: 25 моз тӧлысь 2025.
  35. ↑ Максим Стулов. Четыре главные опасности цифрового рубля, Ведомости (25 моз тӧлысь 2025).

Литература

  • Вершинина О. В., Лабушева Я. Г., Султаниев И. С. Анализ возможностей и рисков введения в обращение цифровых валют центральных банков на примере «цифрового рубля» // Вестник Российского нового университета. Серия: Человек и общество. № 1, 2021. С. 51—60.
  • Каменская К. В. К вопросу введения Цифрового рубля как инструмента противодействия экономическим и финансовым нарушениям // Инновации. Наука. Образование. № 25, 2021. С. 77—84.
  • Кисаров И. В. О переходе к цифровому рублю // Вестник Тверского государственного университета. Серия: Экономика и управление. № 1 (53), 2021. С. 198—208.

Ыстӧгъяс

Босьтӧма "https://kv.ruwiki.ru/w/index.php?title=Цифрӧвӧй_шайт&oldid=482494"-ысь