Шог да паметь лун

Дмитрий Медведев да Александр Лукашенко пуктӧны венокъяс Брест крепость дорйысьяслы сиӧм мемориал вылӧ, 2008 вося лӧддза-номъя тӧлысь 22-ӧд лун

Шог да паметь лун — тӧдчана кадпас, сиӧма 1941 вося лӧддза-номъя тӧлысь 22-ӧд лунӧ Айму вӧсна Ыджыд тыш заводитчӧмлы. Пасйӧны быд во Рочмуын лӧддза-номъя тӧлысь 22-ӧд лунӧ^[1], Украинаын ("Войнаын усьӧмаясӧс казьтылан да шогалӧм лун") да Беларусияын ("Великӧй Отечественнӧй войнаын усьӧмаясӧс став йӧзӧн казьтылан лун") СССР вылӧ нацистскӧй Германиялӧн уськӧдчан лунӧ.

Рочму

Рочму Федерацияса Президент Борис Ельцинлӧн 1996 во лӧддза-номъя тӧлысь 8-ӧд лунся 857 №-а Индӧдӧн Рочмуын лӧддза-номъя тӧлысь 22-ӧд лун шуӧма «Шог да паметь лунӧн».

Тайӧ лунӧ канму учреждениеяслӧн зданиеяс вылын лэдзӧны дӧрапасъяс, ВМФ-лӧн корабльяс вылын - Андреевскӧй дӧрапас, олан керкаяс вылын ӧшлӧны траурнӧй лентаяса дӧрапасъяс. Культура учреждениеясын, телевидениеын да радиоын лунтыр кежлӧ дугӧдӧны гажӧдчан мероприятиеяс да передачаяс ^[2].

Страна пасьтала мунӧны казьтылан мероприятиеяс, пуктӧны Айму вӧсна Ыджыд тышдырся паметникъяс дорӧ дзоридзьяс да венокъяс, нуӧдӧны Казьтылан сись акция. Торйӧн тайӧ лунсӧ пасйӧны Вооружённӧй вынъяслӧн воинскӧй частьясын.

Рочмуса Президент, Веськӧдлан котырӧн Юрнуӧдысь, Федерация Сӧветӧн Юрнуӧдысь, Каналан Думаӧн Юрнуӧдысь, Веськӧдлан котырӧ пырысьяс, Каналан Думаса депутатъяс, сенаторъяс, ветеран котыръясӧс петкӧдлысьяс пуктӧны Александровскӧй садйын Тӧдтӧм Салдат гу дорӧ венокъяс.

Украина

Украинаын вӧйнаын усьӧмаясӧс казьтылан да шогсян лун (укр. День скорботи і вшанування пам’яті жертв війни) вӧлі лӧсьӧдӧма президент Леонид Кучмалӧн 2000 вося вӧльгым тӧлысь 17-ӧд лунся индӧдӧн "украинаса войтырлӧн 1941-1945 воясся Айму вӧсна Ыджыд тыш дырйи усьӧм пиянлысь да нывъяслысь паметьсӧ, налысь подвигсӧ да жертваяссӧ став йӧзӧн нимӧдӧм могысь"^[3].

Беларусь

Белоруссияын пасйӧны кыдзи "Айму вӧсна Ыджыд тышса жертваясӧс став йӧзӧн казьтылан лун" (белар. Дзень усенароднай памяці ахвяр Вялікай Айчыннай вайны)^[4]. Бӧрынджык вӧлі нимтӧма "Айму вӧсна Ыджыд тыш вылын усьӧмаясӧс да геноцид улӧ сюрӧм беларусъясӧс став йӧзӧн казьтылан лунӧн".

Пасйӧдъяс

↑ Федеральный закон от 13 марта 1995 г. № 32-ФЗ «О днях воинской славы и памятных датах России» (рус.). Kremlin.ru. Шыӧдчан кадпас: 9 урасьӧм тӧлысь 2022. Архивируйтӧма 26 вӧльгым тӧлысь 2021.
↑ Указ Президента России от 8 июня 1996 года № 857 (неопр.). Предпринимательское право (8 лӧддза-номъя тӧлысь 1996). Шыӧдчан кадпас: 22 лӧддза-номъя тӧлысь 2009. Архивируйтӧма 18 сора тӧлысь 2012.
↑ Указ Президента України «Про День скорботи і вшанування пам'яті жертв війни в Україні» (укр.). zakon.rada.gov.ua (17 вӧльгым тӧлысь 2000). Шыӧдчан кадпас: 10 ода-кора тӧлысь 2021. Архивируйтӧма 11 ода-кора тӧлысь 2021.
↑ День всенародной памяти жертв Великой Отечественной войны в Беларуси (рус.). Министерство обороны Республики Беларусь. Шыӧдчан кадпас: 12 урасьӧм тӧлысь 2022. Архивируйтӧма 21 ода-кора тӧлысь 2021.

Ыстӧгъяс

[1] Федеральный закон от 13 марта 1995 г. № 32-ФЗ «О днях воинской славы и памятных датах России» (рус.). Kremlin.ru. Шыӧдчан кадпас: 9 урасьӧм тӧлысь 2022. Архивируйтӧма 26 вӧльгым тӧлысь 2021.

[2] Указ Президента России от 8 июня 1996 года № 857 (неопр.). Предпринимательское право (8 лӧддза-номъя тӧлысь 1996). Шыӧдчан кадпас: 22 лӧддза-номъя тӧлысь 2009. Архивируйтӧма 18 сора тӧлысь 2012.

[3] Указ Президента України «Про День скорботи і вшанування пам'яті жертв війни в Україні» (укр.). zakon.rada.gov.ua (17 вӧльгым тӧлысь 2000). Шыӧдчан кадпас: 10 ода-кора тӧлысь 2021. Архивируйтӧма 11 ода-кора тӧлысь 2021.

[4] День всенародной памяти жертв Великой Отечественной войны в Беларуси (рус.). Министерство обороны Республики Беларусь. Шыӧдчан кадпас: 12 урасьӧм тӧлысь 2022. Архивируйтӧма 21 ода-кора тӧлысь 2021.

[1]

[2]

[3]

[4]