Шрейдер Юрий Антонович
| Шрейдер Юрий Антонович | |||
|---|---|---|---|
 | |||
| Канму |
 Россия |
||
| Звание | старшӧй лейтенант | ||
| Тышъяс/вӧйнаяс | Украинаын тыш (2022 восянь) | ||
| Наградаяс да премияяс |
|
||
Шрейдер Юрий Антонович (Сыктывкар, Коми Республика) — старшӧй лейтенант, полкса разведка начальник, Коми Республикаса Герой (2024).
Олантуй
Помаліс армияса генерал В. Ф. Маргелов нима Рязаньса вылыс гвардейскӧй воздушно-десантнӧй команднӧй училище[1].
Кык сюрсӧд воясын своднӧй отрядӧ пырысьяс лыдын участвуйтіс Войвыв Кавказын контртеррористическӧй операцияын. Сэтчӧ сійӧ мӧдӧдчӧма УФСИН-ысь, кӧні служитӧма торъя мога подразделениеын. Сійӧ операцияас участвуйтӧмысь наградитӧма «За воинскую доблесть» медальӧн[2].
Украинаын тышын участвуйтӧ мобилизация юӧртӧмсянь. Участвуйтіс Бахмут да Харьков направлениеын чорыд тышъясын. Сійӧ участвуйтіс Берховка, Клещеевка, Подгорнӧй сиктъяс мездӧмын, кутісны прӧтивникӧс контрнаступлениеысь. Берховкаса водохранилище районын ӧти тышын ранитчӧма, но водзӧ кольччӧма стройын да бӧрыньтӧдӧма прӧтивниклысь атакаяссӧ, мыйысь сійӧс наградитӧмаӧсь Повтӧмлун орденӧн[1].
Ю. А. Шрейдер лӧсьӧдіс разведка нуӧдан аслыспӧлӧс метод. Сылӧн вӧзйӧмъясыс сетісны позянлун бурмӧдны Россияса армиялысь воюйтны верманлунсӧ[1].
Служитіс ӧтлаын Анатолий Хлобыстовкӧд, медводдза Коми Республикаса Геройкӧд[3].
«Воинскӧй мог олӧмӧ пӧртігӧн повтӧмлунысь да йӧз вӧсна тӧждысьӧмысь» 2024 вося косму тӧлысь 11-ӧд лунӧ Юрий Антонович Шрейдерлы сетӧма Коми Республикаса Герой медвылыс почёт ним[4].
Наградаяс
• Коми Республикаса Герой медвылыс почёт ним (2024);
• Повтӧмлун орден;
• «За воинскую доблесть» медаль.
Пасйӧдъяс
- ↑ 1 2 3 Герои Республики Коми. Шрейдер Юрий Антонович, Молодёжная библиотека Республики Коми. Шыӧдчан кадпас: 28 урасьӧм тӧлысь 2025.
- ↑ Юрий Шрейдер: "В разведку можно идти только с тем, кому доверяешь как самому себе", Komiinform. Шыӧдчан кадпас: 28 урасьӧм тӧлысь 2025.
- ↑ Герой Республики Коми Юрий Шрейдер встретился с воспитанниками детского дома в Сыктывкаре, Bnkomi. Шыӧдчан кадпас: 28 урасьӧм тӧлысь 2025.
- ↑ Владимир Уйба вручил жителям Коми государственные награды, syktyvkar.1istochnik.ru. Шыӧдчан кадпас: 28 урасьӧм тӧлысь 2025.