Элиас Лённрот

Элиас Лённрот
Элиас Лённрот
	финн Elias Lönnrot
	; Элиас Лённротлӧн портрет,; авторыс Б. Райнхольд (1872)
Чужан лун	1802-ӧд вося косму тӧлысь 9-ӧд лун[…]
Чужанін	Самматти, Суоми Му, Швеция
Кулан лун	1884-ӧд вося рака тӧлысь 19-ӧд лун[…] (81 ар)
Куланін	Самматти[d], Уусимаа[d], Нюланд губерня[d], Суомиса ыджыд княжество[d], Россияса империя[d];
Канму	Швеция; Суомиса ыджыд княжество[d];
Наука юкӧн	лингвистика, этнография, ботаника
Уджаланін	Александровскӧй Императорскӧй университет
Велӧдчӧм	Хельсинки университет[d]; Або Королевскӧй академия[d]; Александровскӧй университет[d]; Турку университет[d];
Тӧдса кыдз	«Калевала» карел-суоми эпослӧн автор
	Произведения в Викитеке
	Медиафайлы на РУВИКИ.Медиа

Лённрот Элиас (суомиӧн Elias Lönnrot) (1802 вося косму тӧлысь 9-ӧд лун, Самматти сикт, Суоми Му — 1884 вося рака тӧлысь 19-ӧд лун, Самматти сикт, Суоми Му) — суоми кыв да фольклор туялысь, велӧдчӧм серти бурдӧдысь. Гельсингфорса университетын суоми кывйысь да литератураысь профессор. Став мир пасьтала тӧдса кыдзи «Калевала» карел-суоми эпослӧн автор.

Олантуй

Элиас Лённрот чужӧма 1802-ӧд вося косму тӧлысь 9-ӧд лунӧ Самматти сиктын (Суоми Му) сиктса вурсьысьлӧн гӧль семьяын. 1822—1827 воясын велӧдчӧма Або университетын. 1827—1832 воясӧ велӧдчӧма бурдӧдысьӧ Гёльсингфорс университетын. Сійӧс помалӧм бӧрын 1833 восянь уджалӧма бурдӧдысьӧн Каяни карын.

1853—1862 воясын уджалӧма суоми кыв да литератураысь профессорӧн Гельсингфорса университетын. 1862 воын помалӧма уджсӧ профессорӧн да бӧр локтӧма чужан Самматти сиктӧ.

Кулӧма 1884 вося рака тӧлысь 19-ӧд лунӧ Самматти сиктын (Суоми му).

Туясьӧм

1827 воын дорйӧма «Вяйнямёйнен — важъя суомилӧн ен» диссертация.

1828—1842 воясӧ ветлӧдлӧма Асыввыв Каръялаті рунояс чукӧртӧм могысь. Ветлӧдлӧма подӧн, кывтӧма пыжӧн, пищальӧн да нопйӧн. Кывзӧма рунаяс сьылысьясӧс, гижалӧма важ рунаяс. Дасьтӧма луннебӧгсӧ, кытчӧ пасъялӧма йӧз олӧм, вӧр-ва, кыв йылысь.

1835 воын медводдзаысь йӧзӧдӧма «Калевала» небӧг, мӧдысьсӧ — 1849 воын.

1836 воын Лённротлӧн веськӧдлӧм улын петӧма медводдзаысь Суоми литература серти «Mehiläinen» (Малямуш) журнал.

Сідзжӧ сійӧ нӧшта дасьтӧма да гижӧма фольклорысь куим небӧг: «Кантелетар» (1840—1841) лирикаа рунояс ӧктӧд, «Суоми войтырлӧн шусьӧгъяс» (1842) да «Суоми войтырлӧн нӧдкывъяс» (1844).

Видзӧдӧй тшӧтш

Пасйӧдъяс

↑ ¹ ² Elias Lonnrot // Encyclopædia Britannica (англ.)
↑ ¹ ² Elias Lönnrot // Internet Speculative Fiction Database (англ.) — 1995.
↑ ¹ ² Mathematics Genealogy Project (англ.) — 1997.

Ыстӧгъяс

Элиас Лённрот [1]

[_787be517b72b4413-1] ¹ ² Elias Lonnrot // Encyclopædia Britannica (англ.)

[_825c1c436ed9dde8-2] ¹ ² Elias Lönnrot // Internet Speculative Fiction Database (англ.) — 1995.

[_750ff25a732689e2-3] ¹ ² Mathematics Genealogy Project (англ.) — 1997.

[1]

[2]

[3]