Ӧтувтчӧм Войтыръяс Котырлӧн Лунвыв-Лунвыв уджъёртасьӧмлӧн лун

Ӧтувтчӧм Войтыръяс Котырлӧн Лунвыв-Лунвыв уджъёртасьӧмлӧн лун ( ООН-лӧн официал кывъяс вылын: англичан United Nations Day for South-South Cooperation, испан Día de las Naciones Unidas para la Cooperación Sur-Sur, рочӧн День сотрудничества Юг-Юг Организации Объединённых Наций) — пасйӧны 2004-ӧд вося ӧшым тӧлысь 19-ӧд лунсянь ООН-са Генеральнӧй Ассамблеялӧн шуӧм серти (A/RES/58/220 №-а резолюция) быд во. 1978-ӧд воын тайӧ лунӧ ООН-лӧн Генеральнӧй Ассамблея вынсьӧдіс Буэнос-Айресса уджалан план, медым сӧвмӧдны сӧвмысь странаяс костын техническӧй уджъёртасьӧм. 2011-ӧд вося ӧшым тӧлысь 22-ӧд лунӧ Генеральнӧй Ассамблея 66/550 решениеӧн шуис, мый 2012-ӧд восянь тайӧ лунсӧ вуджӧдӧны ӧшым тӧлысь 19-ӧд лунысь кӧч тӧлысь 12-ӧд лунӧ, медым казьтыштны 1978-ӧд воын ООН-лӧн сӧвмысь странаяс костын техническӧй уджъёртасьӧм кузя конференцияӧн Буэнос-Айресын сӧвмысь странаяс костын техническӧй уджъёртасьӧм сӧвмӧдӧм да олӧмӧ пӧртӧм кузя план примитӧм.

Лунвыв-Лунвыв уджъёртасьӧм улын гӧгӧрвосьӧ сӧвмысь странаяс костын уджъёртасьӧм. Генеральнӧй Ассамблеялӧн резолюцияын шуӧма, мый сӧвмысь странаяслӧн медшӧр кывкутӧмыс Лунвыв-Лунвыв уджъёртасьӧм вӧсна, но ӧттшӧтш индӧма, мый став мирлы колӧ отсавны сӧвмысь странаяслы паськӧдны ёртасьӧмсӧ. Лунвыв-Лунвыв уджъёртасьӧм некыдз оз вермы вежны Войвыв-Лунвыв уджъёртасьӧм.

2005-ӧд воын Лунвыв-Лунвыв уджъёртасьӧмлы сиӧм лунлы сиӧм посланиеын ООН-са Генеральнӧй секретар пасйис сӧвмысь странаясса уджъёртасьӧмын тӧдчана вермӧмъяс, тӧдчӧдіс, мый ёртасьӧмлӧн позянлуныс абу на бырӧма.

Быдвося темаяс

• 2016 во — «Лунвыв странаяслы климат кузя партнёрство инкубатор»
• 2006 во — «Лунвыв-Лунвыв йитӧдъяслӧн выль динамика да сӧвмӧм могысь куимладорса парнёрство»
• 2005 во — «Лунвыв странаяслӧн озырлун: унапӧлӧслун да творческӧй позянлунъяс»
• 2004 во — «Лунвыв-Лунвыв уджъёртасьӧмӧн сӧвмӧм кузя могъяс шедӧдӧм»

Ыстӧгъяс

• Резолюция Генеральной Ассамблеи № A/RES/58/220
• Послание Генерального секретаря ООН в 2005 году