«Менам муза» (гаж)
«Менам муза» - Коми Республикаын коми литературнӧй кывлы подув пуктысьлы, поэт-патриот И. А. Куратовлы сиӧм литературнӧй гаж. Нуӧдӧны поэтлӧн чужанінын Сыктыв районса Куратов сиктын[1].
История
Гажсӧ вӧлі медводдзаысь нуӧдӧма И. А. Куратовлы сиӧм лыддьысьӧмъяс дырйи 1978 вося ода-кора тӧлысь 28-ӧд лунӧ поэтлӧн чужанінын Сыктыв районса Куратов сиктын. Сэк жӧ вӧлі шуӧма пуктыны И. А. Куратовлы паметник 140 во тыригкежлӧ и вӧлі пуктӧма «Тані лоас коми литература подув пуктысьлы И. А. Куратовлы паметник» гижӧда из.
Гаж дырйи сёрнитісны Коми АССР-са гижысь котырӧн веськӧдлысьӧс вежысь Г. А. Юшков, медводдза нывбаба-прозаик Н. Н. Куратова, «Войвыв кодзув» журналса кывкутысь редактор П.Ф.Шахов да поэтъяс Альберт Ванеев, Валерий Вьюхин, Владимир Попов.
Литературнӧй праздник, кыдзи республикаса культурнӧй традиция, чукӧртӧ И. А. Куратовлысь творчествосӧ пыдди пуктысьясӧс.
1985 вося сора тӧлысь 28-ӧд лунӧ вӧлі официальнӧя восьтӧма И.А. Куратовлӧн литературнӧй геройяслӧн музей.
2003 воын гаж дырйи вӧлі петкӧдлӧма Г.В. Стодольскаялысь «Менам муза» - праздник на родине Ивана Куратова» небӧг[2][3][4].
Ӧтуввезйын лист бок
«Менам муза» гажлӧн эм Контактын торъя группа: https://vk.com/club183850187