И.А. Куратовлӧн литературнӧй геройяслӧн музей

Босьтӧма Рувикиысь

Министерство культуры РФ

Gerb-big.png

Статьяын вӧдитчӧма материалъясӧн Россия Федерацияса Музей фондса канму каталогысь

    
Паськыдджыка
Gerb-icon.png

РФ-са культура министерство

Arrow-Right.png
Gerb-big.png
Статьяын вӧдитчӧма материалъясӧн Россия Федерацияса  Музей фондса канму каталогысь
Паськыдджыка
Музей литературных героев И.А. Куратова «Кöч Закар керка» (Дом печника Захара)
Дом-печника-Захара-фото.jpg
Лӧсьӧдан кадпас 1985
Восьтан кадпас 1985 во
Инпас Коми Республика, Сыкиыв район, Куратов с., Габовчи 14 «б» керка
Директор Парначева Диана Александровна
Сайт музей.культура-сысолы.рф/…

И.А. Куратовлӧн литературнӧй геройяслӧн музей (рочӧн Музей литературных героев И. А. Куратова «Кöч Закар керка» (Дом печника Захара)) — медводдза коми поэт Иван Алексеевич Куратовлы сиӧм 1985 воын лӧсьӧдӧм сиктса литературнӧй музей. Музейын петкӧдлӧма пуысь, сюмӧдысь вӧчӧм уна интереснӧй экспонат, мыйӧн комияс вӧдитчылісны овмӧс нуӧдігӧн. Музейыс — сиктса керка. Сэні 4 зал: посводз, олан жыръяс, карта; И. А. Куратовлы сиӧм стендъяс, бюст да гижӧдъяс. Литературнӧй геройяслӧн музей меститчӧ поэтлӧн чужан сиктын — Коми Республикалӧн Сыктыв районса Куратов сиктын[1].

История

1985 воын вӧлі восьтӧма «Кӧч Закар керка» — И. А. Куратовлӧн литературнӧй геройяслысь музей, кыдзи Сыктыв районса история да культура музейлӧн филиал поэт Иван Алексеевич Куратовлӧн чужан сиктын. 2009 воын вӧлі нуӧдӧма выльмӧдӧм, мый бӧрын лои лӧсьӧдӧма музейлысь комплекс — йӧр, пывсян, амбаръяс, юкмӧс, беседка да уна сикас арт-объект. Гӧсьтъясӧс вочаалӧны керка «кӧзяева» — Захарлӧн да Мариналӧн пуысь вӧчӧм скульптураяс[2]

Экспозицияяс

Музейлӧн экспозицияясыс петкӧдлӧны Коми Республикаса лунвыв юкӧнын олысьяслысь олӧм-вылӧмсӧ. Иван Куратовлӧн «Закар ордын» кывбурыс лоис экспозиция лӧсьӧдӧмлы подулӧн, сэні петкӧдлӧма пач тэчысь Закарлысь керкасӧ, кытчӧ волывлӧны гӧститны сылӧн дас нёль сиктса олысь: вӧралысь, плӧтник, тӧдысь, вичкоын служитысь, чери кыйысь да мукӧд.

Залъяс


• Медводдза зал «Литературнӧй гӧсьт жыр» Сэні меститчӧны пач тэчысь Закарлӧн гӧсьтъясыс. Литературнӧй геройяслысь пуысь скульптураяссӧ вӧчис Визин сиктысь мастер-самоучка Михаил Серенков.


• Мӧд зал. Поэтлӧн кабинет. Залын эм збыль мебель, сійӧ вӧлі Куратовъяслӧн семьяса ылысса рӧдвуж Мария Александровна Гориновалӧн мамсяньыс. Пызан вылын — ӧчки, бумага, перӧ, чернильница, ичӧтик сундук, пызанвывса карасин лампа. Стенъясас ӧшалӧны Куратов рӧдысь йӧзлӧн фотография копияяс да И. А. Куратовлӧн портрет (авторыс — Россияса нимйӧза серпасалысь Торлопов Станислав Анфимович, Сыктывкар). Уджсӧ Коми Республикаса культура министерство козьналіс И. А. Куратовлӧн чужан лунсянь 175 во тыригкежлӧ, йӧзкостса творчестволӧн «Менам муза» поэзия гаж дырйи (2014 вося сора тӧлысь 7-ӧд лунӧ)[2][3].

Экспозициялӧн мӧд юкӧнын петкӧдлӧма Визинысь мастеръяс Николай Петрович Брыляковлысь (пу обработайтӧм кузя мастер) да Маргарита Александровна Ермолиналысь (йӧзкостса акань кузя мастер) И. А. Куратовлӧн «Коми бал» кывбур дорӧ ӧтувъя удж.
• Коймӧд зал Залсӧ сиӧма Иван Куратовлӧн олӧмлы да творчестволы, а сідзжӧ куратоведъяслы. Экспозициялӧн шӧр местаын — поэт И. А. Куратовлӧн бюст (авторыс — Владислав Мамченко), сэні жӧ ӧнія носительяс вылын поэт йылысь юӧр.

Экспозициялысь мӧд юкӧнсӧ босьтӧ «Менам муза» гажлӧн (Куратов сиктын поэзия да йӧзкост творчество гаж) история йылысь юӧр.


• Нёльӧд зал Тані петкӧдлӧма 100-150 во сайся кресьтяна керкалӧн олан жыр. Сэні петкӧдлӧма гӧрд пельӧс, ӧбразъяс, пач, сунлабич — пӧсуда видзан шкап, пӧлать, зыбка, либӧ мӧд ногӧн кӧ, люлька, пуысь вӧчӧм кысян станок.


• Витӧд зал. Посводз Экспозицияын петкӧдлӧма вӧралысьлӧн да чери кыйысьлӧн, пӧжасьысьлӧн да плӧтниклӧн уджалан кӧлуй, уджалан кӧлуй, коді колӧ вурун пӧрӧдігӧн, му вӧчигӧн, турун заптігӧн, а сідзжӧ кӧлуй, кодтӧг он вермы овны быд лун. Мӧд ногӧн кӧ, тайӧ И. А. Куратовлӧн литературнӧй геройяслӧн уджалан инструмент[3].

Петасъяс

• «"Кӧч Закарлӧн керка" Иван Куратовлӧн литературнӧй геройяслӧн музей» буклет, сійӧс лэдзис Коми Республикаса национальнӧй политика министерство Сыктыв районса история да культура музейкӧд (2009);
• «Закар ордын» И. А. Куратовлӧн гижӧд серти мультфильм Коми Республикаса национальнӧй политика министерстволӧн заказ серти (2012)[4].

Пасйӧдъяс

  1. ↑ Музей литературных героев И.А. Куратова «Кöч Закар керка» (Дом печника Захара) | Национальный музей Республики Коми, Национальный музей Республики Коми | (21 рака тӧлысь 2016). Шыӧдчан кадпас: 26 моз тӧлысь 2024.
  2. ↑ 1 2 Музей литературных героев И.А. Куратова «Кöч Закар керка» («Дом печника Захара») — Сысольский район, с. Куратово, м. Габовцы, д. 14Б. Подробная информация о музее: расписание, фото, адрес и т. д. на официальном сайте Культура.РФ (рус.). Культура.РФ. Шыӧдчан кадпас: 26 моз тӧлысь 2024.
  3. ↑ 1 2 Музей литературных героев И.А. Куратова «Кöч Закар керка». Музей истории и культуры Сысольского района. Шыӧдчан кадпас: 26 моз тӧлысь 2024.
  4. ↑ 35 лет назад в Сысольском районе открылся музей литературных героев И.А. Куратова «Кöч Закар керка» (Дом печника Захара). Шыӧдчан кадпас: 28 сора тӧлысь 2025.

Литература

• Лимеров Павел Федорович. И. А. Куратов первый поэт коми народа: очерк жизни и творчества // Вестник Удмуртского университета. Серия «История и филология». — 2014. — № 4.
• Лимеров Павел Федорович. Классовый подход в изучении творчества И. А. Куратова: историография и методологии исследований // Вестник Удмуртского университета. Серия «История и филология». — 2018. — № 2.
• Сурнина Л.Е. И. Куратов Кывбуръясын серпасалана ногъяслöн тöдчанлун // Вестник Сыктывкарского университета. Серия гуманитарных наук. — 2018. — № 7.
• Крашенинникова Ю. А. II Всероссийская научная конференция«Филологические исследования 2014:источники, их анализ и интерпретация в филологических науках» (обзор) // Известия Коми научного центра УРО РАН. — 2014. — № 4 (20).
• Сурнина Лидия Егоровна. Поэтический мир И. А. Куратова // Ежегодник финно-угорских исследований. — 2019. — № 4.

Ыстӧгъяс

Босьтӧма "https://kv.ruwiki.ru/w/index.php?title=И.А._Куратовлӧн_литературнӧй_геройяслӧн_музей&oldid=482665"-ысь