Агамиров Гога Григорьевич

Босьтӧма Рувикиысь
Агамиров Гога Григорьевич
Агамиров, Гога Григорьевич.jpg
Чужан лун 1916 вося моз тӧлысь 18-ӧд лун
Чужанін  Грозный, Тер обласьт, Россия империя[1]
Кулан лун 1997 вося косму тӧлысь 12-ӧд лун
Куланін  Воронеж, Россия
Войска сикас Ылӧдз лэбалан авиация
Звание Полковник
Тышъяс/вӧйнаяс Айму вӧсна Ыджыд тыш
Наградаяс да премияяс

Суйӧрсайса наградаяс:

Отставкаын 1972 восянь
Логотип РУВИКИ.Медиа Медиафайлы на РУВИКИ.Медиа

Агамиров Гога (Георгий) Григорьевич (1916 вося моз тӧлысь 18-ӧд лун, Грозный — 1997 вося косму тӧлысь 12-ӧд лун, Воронеж) — Сӧветскӧй Союзса Герой, Айму вӧсна Ыджыд тышса участник, 4-ӧд гвардейскӧй ылӧдз лэбалан авиация корпуслӧн 5-ӧд гвардейскӧй авиация дивизияса 337-ӧд авиация полкса эскадрильяса командир, полковник.

Олантуй

• Чужис 1916 вося моз тӧлысь 18-ӧд лунӧ, Грозный карын армяна уджалысьлӧн семьяын[2].
• 9 класс помалӧм бӧрын уджаліс слесарӧн (токарӧн) «Грознефть» организацияын.
• 1937 воын помаліс Гражданскӧй воздушнӧй флотлысь (ГВФ) Балашовскӧй лётнӧй школа.
• Вӧлі гражданскӧй авиацияса лётчикӧн.
• 1940 восянь ВКП (б)/КПСС-ӧ пырысь.
• Гӧрд Армияӧ босьтӧма Чечено-Ингушскӧй АССР-са Грозненскӧй райвоенкоматсянь.
• 1942 вося лӧддза-номъя тӧлыссянь Г. Г. Агамиров — 1-й воздушнӧй армия бердын Рытыввывса торъя группаса авиация полклӧн отрядса командир (Рытыввыв фронт), участвуйтіс боевӧй действиеясын.
• 337-ӧд ылӧдз лэбалан авиация полклӧн эскадрильяӧн командуйтігӧн (5-ӧд ылӧдз лэбалан гвардейскӧй авиация дивизия, 4-ӧд ылӧдз лэбалан гвардейскӧй авиация корпус) капитан Гога Агамиров 1944 вося йирым тӧлысь кежлӧ вӧчис 218 успешнӧй боевӧй лэбзьӧм[2][3][4]. Бомбитіс прӧтивник тылын военнӧй объектъяс, нуис партизанъяслы боеприпасъяс, сёян-юан да торъя грузъяс.
• Вӧчис Югославияса Народнӧй-освободительнӧй армиялы торъя тӧдчана заданиеясӧн 44 рейс[3][4][5].

СССР-са Верховнӧй Сӧвет Президиумлӧн 1944 во вӧльгым тӧлысь 5-ӧд лунся Индӧдӧн немецко-фашистскӧй захватчикъяскӧд тыш нуӧдан фронт вылын командованиелӧн боевӧй заданиеяс образцӧвӧя олӧмӧ пӧртӧмысь да та дырйи мужество да героизм петкӧдлӧмысь капитан Агамиров Гога Григорьевичлы сетӧма Сӧветскӧй Союзса Герой ним, Ленин орден да «Зарни Кодзув» медаль сетӧмӧн (No 4529)[2].

Паметь пас Грозный карын


• Война бӧрын повтӧм лётчик водзӧ служитіс СССР-са ВВС-ын. 1953 восянь 1957 воӧдз командуйтіс Новгород обласьтса Сольцы кар дорын сулалысь 840-ӧд сьӧкыд бомбардировочнӧй авиация полкӧн.
• 1957 воын помаліс Военно-воздушнӧй академия бердын офицерскӧй состав бурмӧдан курсъяс. Служитӧма Вӧркута карын, кӧні вӧлӧма полкса командирӧн, Вӧркута гарнизонса начальникӧн.
• 1972 восянь полковник Г. Г. Агамиров — запасын, оліс Воронеж карын.
• Кувсис 1997 вося косму тӧлысь 12-ӧд лунӧ. Дзебӧмаӧсь сійӧс Воронежын Вӧрса шойна вылын[2].

Паметь

2010 вося ода-кора тӧлысь 8-ӧд лунӧ Грозный карын восьтӧмаӧсь «Слава Аллея» мемориал комплекс, кӧні сувтӧдӧмаӧсь Геройлы барельеф да казьтылан пӧв.

Наградаяс

• Сӧветскӧй Союзса Герой (05.11.1944)
• Ленин орден
• Гӧрд Дӧрапас орден (3) (1942,1943)
• Александр Невскӧй орден
• Айму вӧсна Ыджыд тышса I тшупӧда орден (2) (1944)
• Гӧрд Кодзув орден (3)
• «Айму вӧсна Ыджыд тышса партизанлы» медаль (1943)
• «Ленинград дорйӧмысь» медаль
• СССР-са медальяс

Суйӧрсайса наградаяс

• Партизанскӧй звезда 1 тшупӧда орден[6]

Пасйӧдъяс

  1. ↑ ӧні Чечня, Россия
  2. ↑ 1 2 3 4 герои советского союза
  3. ↑ 1 2 биографическая энциклопедия
  4. ↑ 1 2 ВВС РФ. Кто есть кто
  5. ↑ Агамиров, Гога Григорьевич // Большая русская биографическая энциклопедия (электронное издание). — Версия 3.0. — М.: Бизнессофт, ИДДК, 2007.
  6. ↑ Дальняя бомбардировочная. 1944. Помощь югославским партизанам

Литература

  1. Амирханян М. Д. Армяне — Герои Советского Союза. — Ер., 2005. — 202 с.: ISBN 99930-4-342-7
  2. Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
  3. Авиаторы 2-й мировой
  4. Книга Памяти Республики Коми

Ӧшмӧсъяс

  • Агамиров Гога Григорьевич (рус.). Сайт «Герои страны». (Дата обращения: 3 тӧвшӧр тӧлысь 2010)
  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Босьтӧма "https://kv.ruwiki.ru/w/index.php?title=Агамиров_Гога_Григорьевич&oldid=471234"-ысь