Артемьев Анатолий Иванович

Анатолий Артемьев
Анатолий Артемьев
Чужан лун	1945-ӧд вося ӧшым тӧлысь 14-ӧд лун (80 арӧс)
Чужанін	Вӧркута, Коми Автономнӧй Сӧветскӧй Социалистическӧй Республика, РСФСР, Сӧветскӧй Социалистическӧй Республикаяслӧн Союз;
Гражданство	Сӧветскӧй Социалистическӧй Республикаяслӧн Союз; Россия;
Мыйся уджыс	Россия Федерациялӧн Каналан Думаса депутат
Велӧдчӧм	Московский государственный горный университет[d];
Партия	КПРФ

Анато́лий Ива́нович Арте́мьев (1945-ӧд вося ӧшым тӧлысь 14-ӧд лун, Вӧркута, Коми Автономнӧй Сӧветскӧй Социалистическӧй Республика) — 1997—1999 да 2005—2009 воясӧ Тула обласьтса губернаторӧс вежысь, 2004 восянь 2005 воӧдз Тула обласьтса Думаын депутат, коймӧдысь бӧръян Каналан Думаса депутат.

Олантуй

Чужис 1945 вося ӧшым тӧлысь 14-ӧд лунӧ Вӧркутаын (Коми Республика) шахтёр семьяын. 1968 воын помаліс Москваса горнӧй институт (рус.) (коми (ӧні — «МИСиС» национальнӧй туялан технологическӧй университетлӧн (рус.) (коми Горнӧй институт) да 1981 воын — КПСС-лӧн шӧр комитет бердын Общественнӧй наукаяс академия.

Политика да канму удж

Уджаліс электрослесарӧн, горнӧй мастерӧн. 1970 восянь — комсомольскӧй да партийнӧй удж вылын: вӧлі Богородицкӧй, Донскӧй да Новомосковскӧй горкомъясса медводдза секретарӧн, а сідзжӧ Тула обкомса секретарӧн. Водзӧ вылӧ веськӧдліс Тула обласьтса эмбур фондӧн.

1997 восянь — Тула обласьтса администрациялӧн эмбурӧн веськӧдлан комитетӧн веськӧдлысь, Тула обласьтса губернаторӧс вежысь. Тайӧ чинын отсаліс кыскыны регионӧ гырысь инвесторъясӧс, на лыдын Knauf, Procter & Gamble да «ЕвроХим».

1999 вося ӧшым тӧлысьын сійӧс бӧрйисны Россия Федерацияса коймӧдысь бӧръян Каналан Думаӧ Тула обласьтса 175 №-а Новомосковскӧй бӧрйысян кытш серти (вӧзйӧма КПРФ бӧрйысян котырӧн). Каналан Думаын пырис депутатъяслӧн Аграрно-промышленнӧй группаӧ, вӧлі Эмбур серти комитетӧн веськӧдлысьӧс вежысьӧн.

2004—2005 воясӧ вӧлі Тула обласьтса Думаын депутатӧн. 2005 восянь 2009 воӧдз бара уджаліс Тула обласьтса губернаторӧс вежысьӧн. 2009—2011 воясӧ уджаліс губернаторлӧн отсасьысь-консультантӧн, сы бӧрын 2011 воын петіс пенсия вылӧ.

Общественнӧй удж

Пенсия вылӧ петӧм бӧрын водзӧ зільӧ общественнӧй уджын. Лоӧ Тула обласьтса ветеранъяслӧн ӧтйӧза организациялӧн Сӧветса бюроӧ пырысьӧн да пырӧ Тула обласьтса Дума бердын Ӧтйӧза сӧветӧ.

Наградаяс да званиеяс

«Новомосковск карса почёта гражданин ним» (2021 вося ода-кора тӧлысь 1 лун)
Тула обласьтса Думалӧн Почёт грамота (2025 вося ӧшым тӧлысь 19-ӧд лун)^[1]

Семья

Гӧтыра, эм кык пи да куим внук.

Пасйӧдъяс

↑ Награждение Почетной грамотой (неопр.). veterani-tula.ru. Шыӧдчан кадпас: 23 косму тӧлысь 2026.

Ыстӧгъяс

Артемьев А. И. (неопр.) Муниципальное бюджетное учреждение культуры «Новомосковская библиотечная система».

[Gramota2025-1] Награждение Почетной грамотой (неопр.). veterani-tula.ru. Шыӧдчан кадпас: 23 косму тӧлысь 2026.

[1]