Арт (журнал)

Видлалӧм гижӧд

"Арт" журнал (2024 во)

«Арт» — Коми Республикаын петысь литературно-публицистическӧй, историко-культурологическӧй, художественнӧй, серпасъяса журнал. Петӧ 1997 восянь вонас нёльысь кык кыв вылын: комиӧн да рочӧн.

Ним

«АРТ» кывлӧн ӧнія вежӧртасыс «пӧрадок», «лад», но сійӧ артмӧма перым кадӧдз на и петкӧдлӧма «гӧгӧрвоны», «мӧвпавны». Татшӧм вежӧртасын ӧткодь кывъяс ӧніӧдз паныдасьлӧны мукӧд фин-угор кывъясын^[1].

История

Журнал лӧсьӧдны вӧзйис Павел Лимеров 1994 воын.
1996 воын вӧлі дасьтӧма журналлӧн медводдза номер, сійӧ вӧлі сиӧма Перым Степан кувсьӧмсянь 600 во пасйӧмлы^[2].
1997 воын петіс журналлӧн медводдза номерыс, и тайӧ вонас вӧлі сӧмын ӧти петас.
Журнал подув пуктысьясӧн вӧліны фольклор да литература туялысь Павел Лимеров да этнограф этнограф Дмитрий Несанелис^[3]. Журнал артмӧмлӧн медводдза лунсяньыс медшӧр редакторӧн вӧлі коми поэт Галина Бутырева, редакторӧс вежысьӧн фольклор да литература туялысь Павел Лимеров. 2015 вося рака тӧлысь 12-ӧд лунсянь медшӧр редакторыс П.Ф. Лимеров^[4].

Наградаяс

«Арт» журнал лоис «Победа — 60» конкурсын лауреатӧн (Санкт-Петербург, 2005 во).
2006 да 2007 воясын сылы сетісны «Золотой фонд прессы» отличе пас^[5].
2016 воын «Ловъя кыв» проект збыльмӧдӧмысь редакция лоис журналистика юкӧнын Коми Республикаса Веськӧдлан котырлӧн премияа лауреатӧн.
2018 воын журнал вермис «Алӧй лента»-лӧн зарни джадж» республикаса конкурсын «Медбур литературно-художественнӧй издание» нимпасын^[6].

Инпас

Редакциалӧн инпас: 167982, Коми Республика, Сыктывкар, Карл Маркс улича, 229 керка.
Телепон / факс: 8(8212) 201-499; E-пошта: artkomi@mail.ru
Веб-сайт: http://www.artlad.ru
Контактын группа: https://vk.com/zhurnalart
Веськӧдлысь - Логинова Татьяна Ивановна.
Шӧр редактор: Павел Лимеров.

Ыстӧдъяс

↑ В.И.Лыткин, Е.С.Гуляев. Краткий этимологический словарь коми языка. — Сыктывкар: Коми книжное издательство, 1999. — 430 с. — ISBN 5-7555-0669-8.
↑ Журнал "Арт" (Лад) 13 лет издательской деятельности: итоги и перспективы
↑ Журналу «Арт» − четверть века
↑ Галина Бутырева покинула пост главного редактора журнала «Арт» // «Комиинформ» сайт (2015.03.12; рочӧн)
↑ Журналу «Арт» исполнилось 20 лет
↑ «Арт» журнал йылысь

[1] В.И.Лыткин, Е.С.Гуляев. Краткий этимологический словарь коми языка. — Сыктывкар: Коми книжное издательство, 1999. — 430 с. — ISBN 5-7555-0669-8.

[2] Журнал "Арт" (Лад) 13 лет издательской деятельности: итоги и перспективы

[3] Журналу «Арт» − четверть века

[4] Галина Бутырева покинула пост главного редактора журнала «Арт» // «Комиинформ» сайт (2015.03.12; рочӧн)

[5] Журналу «Арт» исполнилось 20 лет

[6] «Арт» журнал йылысь

[1]

[2]

[3]

[4]

[5]

[6]