Лимеров Павел Фёдорович
| Лимеров Павел Фёдорович | |
|---|---|
 | |
| Чужан лун | 1958-ӧд вося урасьӧм тӧлысь 11-ӧд лун (68 арӧс) |
| Чужанін | |
| Страна | |
| Мыйся уджыс | литературовед, фольклор чукӧртысь, гижысь, вуджӧдчысь, редактор |
Лимеров Павел Фёдорович (1958-ӧд вося урасьӧм тӧлысь 11-ӧд лун, Лешуконскӧй[d], Кардор обласьт) — коми фольклор да литература туялысь, филология наукаяс доктор. Россияса гижысь котырӧ пырысь (2019).
Олантуй
Павел Лимеров чужӧма 1958 вося урасьӧм тӧлысь 11-ӧд лунӧ Кардор обласьтса Лешуконское сиктын[1]. Челядьдырйыс кольӧма Удора районса Мукты грездын, медводдза кык восӧ велӧдчӧма Ыджыдъяг посёлокса школаын. 1969—1973 воясӧ велӧдчӧма Ичӧт Пераса шӧр школаын. 1977 воын помалӧма Печораса ювыв училище, босьтӧма штурман-механик специальносьт, уджалӧма Улыс Печораса техучастокын «Сапсан» теплоход вылын. 1977—1980 воясӧ служитӧма Лӧнь океанын ПЛ Б-139 ваувса пыжын (Дунай пос.).
1987 воын помалӧма Сыктывкарса канму университетын филология факультетысь коми юкӧн. 1987—1989 воясӧ велӧдӧма Укваса 9-ӧд №-а школаын роч кыв да литература.
1992 воын помалӧма Кыв, литература да история институтса очнӧй аспирантура. 1996 воын Роч литература институтын (Пушкин керка) дорйӧма филология наукаяс кандидат ним вылӧ диссертация «Генезис и динамика мифологических образов (по материалам несказочной прозы народов Европейского северо-востока)» тема серти.
1992 восянь уджалӧ Коми наука шӧринса Кыв, литература да история институтын: медводз — младшӧй научнӧй сотрудник, сэсся — научный сотрудник (1994), старшӧй научнӧй сотрудник (1996), ведушӧй научнӧй сотрудник (1997). 1997—2007 воясӧ вӧлі пырӧ Кыв, литература да история институтса Туялысьяслӧн котырӧ, 2001—2007 воясӧ веськӧдлӧма фольклор юкӧдӧн.
1996 восянь вӧлӧма «Арт» журналса медшӧр редактор вежысьӧн, 2016 восянь — медшӧр редакторӧн[2].
Доктор ним вылӧ диссертация темаыс — «Нарративы христианизации в формировании коми литературной традиции в контексте русской словесности (XIV — нач. XX вв.)», дорйӧма Ставмирса литература институтын 2022-ӧд воын.
Туялан удж
Туясян нырвизьяс: фольклор, йӧзкостса оласног, абу мойдана прозалӧн поэтика да жанръяслӧн аслыспӧлӧслун, фольклор да литература костын йитӧдъяс да мытшӧдъяс, демонология, коми войтырлӧн религиозносьт.
Йӧзӧдіс 200-ысь унджык удж. На лыдын «Коми несказочная проза» велӧдан пособие (1998), «Мифология загробного мира» (1998) да «Образ св. Стефана Пермского в письменной традиции и в фольклоре народа коми» монографияяс (2009), «My пуксьӧм — Сотворение мира» (2005), «Войдӧр. Когда-то. Мифы, легенды, предания коми» (2012) да «Коми войтырлӧн шусьӧгъяс да кывйӧзъяс. Пословицы и поговорки коми народа» (2014) фольклор текст чукӧръяс.
Просветительскӧй удж
• 1995—2000 воясӧ лыддис лекцияяс Сыктывкарса канму университетын финн-йӧгра факультетын, 1990—1994 воясӧ нуӧдіс урокъяс Коми Республикаса Юралысь бердын культура колледж да искусствояс гимназияын;
• 1993—1996 воясӧ «Коми Гор» радиоын дасьтіс коми традиционнӧй культура да мифология йылысь передачаяс;
• В. Е. Шараповкӧд ӧтув гижис «Параскева» документальнӧй фильмлысь сценарий (1995 во);
• вӧлі научнӧй консультантӧн «Самосожжение воды» документальнӧй фильмын (1998 во);
• снимайтчис «Неизвестный И. А. Куратов» телевизионнӧй фильмын (2009 во)[3].
Небӧгъяс
• Лимеров П. Ф. Коми несказочная проза: Учебное пособие по спецкурсу. — Сыктывкар, 1998. — 96 с.
• Лимеров П. Ф. Мифология загробного мира. — Сыктывкар, 1999. — 125 с.
• Му пуксьӧм — Сотворение мира / Сост., предисл., примеч. и перевод П. Ф. Лимерова. — Сыктывкар: Коми кн. изд-во, 2005. — 624 с.
• Лимеров П. Ф. Образ св. Стефан Пермского в письменной традиции и в фольклоре народа коми. — М.: Наука, 2008. — 256 с.
• Войдӧр. Когда-то. Мифы, легенды, предания коми / Сост. П. Ф. Лимеров. — Сыктывкар, 2012. — 160 с.
• Коми войтырлӧн шусьӧгъяс да кывйӧзъяс. Пословицы и поговорки коми народа / Сост. П. Ф. Лимеров. — Сыктывкар: ООО «Коми республиканская типография», 2014. — 208 с.
• Лимеров П. Ф. Иван Алексеевич Куратов. — Сыктывкар: Изд-во «Эском», 2018. — 272 с. — (Серия «Республика Коми: люди и время»). (тираж 1 тыс. экз.)
• Лимеров П. Ф. Каллистрат Фалалеевич Жаков. — Сыктывкар: Изд-во «Эском», 2021. — 296 с. — (Серия «Республика Коми: люди и время»).
• Лимеров П. Ф. Нарративы христианизации в формировании коми литературной традиции (XIV — начало XX вв.). — Тарту: Науч. изд-во «ЭЛМ», 2022. — 296 с.
Наградаяс
• Наука юкӧнын П. А. Сорокин нима Коми Республикаса канму премия (2007);
• Коми Республикаса Почёт грамота (2008);
• Журналистика юкӧнын Коми Республикаса канму премия (2012);
• Коми Республикаса нимӧдана уджалысь (2018)[4];
• И. А. Куратов нима Коми Республикасаканму премия литература юкӧнын (2022)[5].
Пасйӧдъяс
- ↑ Лимеров Павел Фёдорович (рус.). НБРК. Шыӧдчан кадпас: 11 вӧльгым тӧлысь 2025.
- ↑ Главный редактор (рус.). Арт. Шыӧдчан кадпас: 11 вӧльгым тӧлысь 2025.
- ↑ Лимеров Павел Фёдорович (рус.). Союз писателей Республики Коми. Шыӧдчан кадпас: 11 вӧльгым тӧлысь 2025.
- ↑ Поздравляем нашего коллегу П. Ф. Лимерова с заслуженной наградой! // Кыв, литература да история институтлӧн сайт (2018.02.16 лун)
- ↑ Лимеров Павел Фёдорович (рус.). ИЯЛИ. Шыӧдчан кадпас: 11 вӧльгым тӧлысь 2025.
Литература
• П. Ф. Лимеров йылысь Финугор сайтын
• П. Ф. Лимеровлӧн туясян удж йылысь Кыв, литература да история институт сайтын (рочӧн)