Безумов Виктор Ананьевич
| Виктор Ананьевич Безумов | |
|---|---|
 | |
| Чужан лун | 1950-ӧд вося лӧддза-номъя тӧлысь 18-ӧд лун (76 арӧс) |
| Чужанін | |
| Страна | |
| Велӧдчӧм | Ярославльса художественнӧй училище |
| Звания | Коми Республикаса культураын нимӧдана уджалысь (2005) |
| Премияяс | Коми Республикаса канму премияа лауреат (1994) |
Безумов Виктор Ананьевич (1950-ӧд вося лӧддза-номъя тӧлысь 18-ӧд лун, Наръяна-Мар) — скульптор, Коми Республикаса канму премияа лауреат (1994), Россияса серпасалысьяслӧн котырӧ пырысь (1985).
Олантуй
Виктор Безумов чужлӧма 1950 вося лӧддза-номъя тӧлысь 18-ӧд лунӧ Кардор обласьтса Наръяна-Мар карын серпасалысьяслӧн семьяын[1].
1969 воын пырис велӧдчыны Ярославльса художественнӧй училищеӧ живопись отделение вылӧ. Помаліс сійӧс 1973 воын «живопись» специальносьт серти[2].
1974 воын локтӧма Сыктывкарӧ да босьтчӧма вӧчны скульптураяс.
1986 воын ветліс Финляндияӧ, кӧні тӧдмасис войвыв странаясса ӧнія искусствоӧн[3].
1985 восянь пырӧ Россияса серпасалысьяслӧн котырӧ.
Выставкаяс
• 1974 восянь петкӧдчӧ республикаса выставкаяс вылын Сыктывкарын,
• Ставсоюзса выставкаяс «Россияса том йӧз» (Москва, 1976), «Коми АССР-лы 60 во» (Москва, 1981), РСФСР-са автономнӧй республикаясса, обласьтъясса да национальнӧй кытшъясса художникъяслӧн выставка (Москва, 1989).
• «Сӧветскӧй Войвыв» (Вӧлӧгда, 1974; Сыктывкар, 1979; Новгород, 1984), «Войвывса художникъяс» (Мурманск, 1989)[4];
• Безумовлысь уджъяссӧ видзӧны Коми Республикаса национальнӧй галереяын, Россия Федерацияса художественнӧй фондлӧн выставкаяс дирекцияын.
• 2025 вося сора тӧлысь 25-ӧд лунсянь моз тӧлысь 25-ӧд лунӧдз Коми Республикаса национальнӧй галереяын вӧлі скульпторлӧн 75 арӧс тырӧмлы сиӧм «Скульптор В. А. Безумов» персональнӧй выставка[5].
Наградаяс
• Поэт Виктор Савинлы памятник лӧсьӧдӧмысь Коми Республикаса канму премияа лауреат (1994);
• Коми Республикаса культураын нимӧдана уджалысь (2005).
Пасйӧдъяс
- ↑ Романова П. Виктор Безумов. Художник малых форм (рус.). Регион (10 йирым тӧлысь 2024). Шыӧдчан кадпас: 15 йирым тӧлысь 2025.
- ↑ Безумов Виктор Ананьевич (рус.). Культурная карта Республики Коми. Шыӧдчан кадпас: 15 йирым тӧлысь 2025.
- ↑ Виктор Безумов (рус.). artmajeur.com. Шыӧдчан кадпас: 15 йирым тӧлысь 2025.
- ↑ Виктор Ананьевич Безумов (рус.). Артхив. Шыӧдчан кадпас: 15 йирым тӧлысь 2025.
- ↑ Выставка «Скульптор В.А. Безумов» (рус.). Национальная галерая Республики Коми. Шыӧдчан кадпас: 15 йирым тӧлысь 2025.
