Бобракова Ия Петровна
| Бобракова Ия Петровна | |
|---|---|
| Чужан лун | 1927-ӧд вося ӧшым тӧлысь 28-ӧд лун |
| Чужанін | |
| Кулан лун | 2012-ӧд вося рака тӧлысь 31-ӧд лун (84 арӧс) |
| Куланін | |
| Страна | |
| Мыйся уджыс | драматург-режиссёр, театральный режиссёр |
| Ошканпасъяс да премияяс |
  |
Q5Бобракова Ия Петровна
Бобракова Ия Петровна (1927–2012) – Россияса да Коми АССР-са культура да искусствоын нимӧдана уджалысь, Россияын нимйӧза артистка, театрса режиссёр, Коми Республикаса канму премия кыкысь босьтысь.
Олан туй
Ия Бобракова чужӧма 1927-ӧд вося ӧшым тӧлысь 28-ӧд лунӧ Коми АССР-ысь Сыктывдін районса Паджга сиктын. 1947-ӧд воын помалӧма Сыктывкарса шылада училишӧын дирижерско-хорӧвӧй юкӧн, 1950-ӧд воын – вокальнӧй юкӧн. 1963–1966-ӧд воясын – Опера да балет театрын уджалӧма режиссёр-постановщикӧн, 1976–1980-ӧд воясын – театрын медшӧр режиссёрӧн. 1990-ӧд восянь 2011-ӧд воӧдз Ия Бобракова вӧлӧма Коми Республикаса опера да балет канмуса театрын художественнӧй веськӧдлысьӧн.
Кулӧма 2012-ӧд вося рака тӧлысь 31-ӧд лунӧ Сыктывкарын.
Театрын ворсӧм
Ия Петровна радейтлӧма казьтывлыны роч гижысь А.А. Фетлысь «К зырянам Тютчев не придёт» кывъяссӧ. Но аслас уджӧн Ия Бобракова петкӧдлӧма, кыдзи роч классик пӧрйӧдчис.
Ия Бобраковалӧн водзмӧстчӧмӧн театрын вӧлі пуктӧма татшӧм ставмирса шедевръяс, кыдзи «Пиковая дама», «Евгений Онегин», «Риголетто», «Тоска», «Царская невеста», «Севильский цирюльник», «Русалку», «Отелло», «Кармен», «Иван Куратов» коми опера. Ставнас сійӧ дасьтӧма 30 сайӧ спектакль, лӧсьӧдӧма 100 сайӧ концерт.
Сылӧн зільӧмӧн Сыктывкарын быд во нуӧдӧны опера да балет искусстволӧн «Сыктывкарса тулыс» войтыркостса фестиваль.
Наградаяс
- Коми АССР-са литература да искусствоын нимӧдана уджалысь (1971)
- Россияса искусствоын нимӧдана уджалысь (1982)
- Россияын нимйӧза артистка (1994)
- Коми Республикаса канму премия кыкысь босьтысь (1997, 2011)
Паметь
- 2018-ӧд вося моз тӧлысь 27-ӧд лунӧ Сыктывкарын Интернациональнӧй уличаса 113-ӧд керка стенмын восьтӧма казьтылана пӧв.[1]