Валей Лукерия Александровна
| Валей Лукерия Александровна | |
|---|---|
 | |
| Чужан лун | 1953-ӧд вося ӧшым тӧлысь 20-ӧд лун (72 арӧс) |
| Чужанін | |
| Гражданство (подданство) | |
| Уджсикас | поэт, гижысь |
Валей Лукерия Александровна (1953-ӧд вося ӧшым тӧлысь 20-ӧд лун, Ыджыд тундра[d]) — коми, роч да яран кывъяс вылын гижысь.
Олантуй
Лукерия Валей чужӧма 1953-ӧд вося ӧшым тӧлысь 20-ӧд лунӧ Ыджыдмуса тундраын Урал из дорын колва-яран семьяын. Батьыс — Валей Александр Дмитриевич (Няравэй), мамыс — Мария Симоновна (Тайбарей). Быдмӧма Яран асвеськӧдлан кытш Каравом посёлокын, велӧдчӧма Каравомын да Амдермаса шӧр школаын[1].
Помалӧма И. П. Выучейский нима Нарьян-Марса педагогика училишӧ, А. И. Герцен нима Ленинградса педагогика институт, М. Горький нима литературнӧй институт Москваын да Сыктывкарса канму университетса филология факультетысь коми юкӧн.
Уджавлӧма Яран кытшса «Заполярье» телерадиовещательнӧй компанияын корреспондентӧн, кӧні дасьтӧма яран да роч кывъяс вылын уджтасъяс, редакторалӧма «Чужан му вылын» коми кывъя уджтасын. Методисталіс Яран асвеськӧдлан кытшса Этнокультурнӧй шӧринлӧн литература юкӧнын.
2007 восянь — «Заполярье» йӧзкостса литературнӧй котырӧ пырысь[2].
Гижан удж
Гижӧ коми, роч да яран кывъяс вылын. Комиӧн кывбуръясыс да висьтъясыс петавлісны «Войвыв кодзув» журналын.
Медводдза кывбуръясыс петӧмаӧсь «Дружба народов» журналын 1977-ӧд воын (3 №).
Йӧзӧдлӧма гижӧдъяссӧ «Дружба народов», «Север», «Литературная учёба» да «Полярная звезда» журналъясын, «Заполярье» литература альманахын (4-9 №), челядьлы «Пунушка» журналын, «Здесь добром земля согрета» (2008) да «Литературная карта НАО» (2009) чукӧръясын. Редактируйтӧма челядьлы да томуловлы «Молодые голоса тундры» да мукӧд небӧг.
Сылӧн петавлӧмаӧсь «Золотое солнце» (2002), «Голос кочевий» (2003), «Улыбка белолицей ночи» (2005), «Большое кочевье» (2006), «На ладонях тундровых просторов» (2007) да «Прочен остов чума» (2012) небӧгъяс.
2002-ӧд восянь веськӧдлӧ челядьлы «Суюкоця» (Кӧрпи) литература котырӧн. Дасьтӧма литератураысь «Суюкоця» методическӧй вӧзйӧмъяс (2004).
Небӧгъяс
- Золотое солнце (2002);
- Голос кочевий (2003);
- Улыбка белолицей ночи (2005);
- Большое кочевье (2006);
- На ладонях тундровых просторов (2007);
- Прочен остов чума: поэзия, проза (2012).
Пасйӧдъяс
- ↑ Валей Лукерия Александровна (рус.). Этнокультурный центр НАО. Шыӧдчан кадпас: 8 йирым тӧлысь 2025.
- ↑ С благодарностью к родной земле (рус.). Наръяна вындер (11 тӧвшӧр тӧлысь 2024). Шыӧдчан кадпас: 8 йирым тӧлысь 2025.
Литература
- Этнокультурнӧй шӧрин сайтын Л. А. Валей йылысь
- Валей Лукерья Александровна // Огрызко В. В. Ненецкая литература. — М., 2003. — С. 311.