Войвыв кодзув (журнал)
| «Войвыв кодзув» | |
|---|---|
| Оригинальнӧй ним |
Войвыв кодзув |
| Сикас | журнал[d] |
| Кутысь | Коми Республикаса Юралысьлӧн Администрация, «Коми Республикаса гижысь котыр» — «Россияса гижысь котыр» ставроссияса ӧтйӧза организациялӧн регионса юкӧн |
| Шӧр редактор | Обрезкова Нина Александровна |
| Лӧсьӧдан кадпас | 1926 во |
| Кыв | Коми кыв |
| Шӧр офис | Сыктывкар, Карл Маркс улича, 229 |
| Тираж | 325 экз. (2024 во) |
| Наградаяс |
 |
| Веб-сайт | komikerka.ru |
«Войвыв кодзув» (рочӧн Северная звезда) — коми кыв вылын тӧлысьнас ӧтчыдысь петысь литературно-художественнӧй журнал[1]. Сӧвет кадӧ - РСФСР-са гижысь котырлӧн печать органъясысь ӧти [2].
История
Журнал петӧ Сыктывкарын: 1926-ӧд восянь – «Ордым» ним улын, 1931-ӧд восянь – «Ударник», 1946-ӧд восянь – «Войвыв кодзув».
Журнал котыртысьяс лыдас вöлiны Илля Вась, Тима Вень, Нёбдінса Виттор; найö сёрöнджык лоины и тшöтш журналса авторъясöн, Коми му пасьта нималана гижысьясöн.
Коми журнал лӧсьӧдӧм вӧлі ыджыд лоöмторйӧн республика олöмын, öд «Ордым» нима выль петасыс öтувтiс ас бердас енбиа гижысь коми войтырöс, и литератураыс пырысьтöм-пыр жö кыпöдчис выль тшупöд вылö.
Муртса сёрöнджык журнал пыр литератураö локтiсны Геннадий Федоров, медводдза народнöй гижысь, Василий Юхнин, Яков Рочев, Серафим Попов — медводдза народнöй поэт, Иван Изъюров, Иван Вавилин, Николай Дьяконов, кодлöн «Свадьба приданнöйöныс» юрöбтiс СССР пасьта да вайис авторыслы СССР-са Государственнöй премияа лауреатлысь ним.
Айму вӧсна ыджыд тыш дырйи журналыс эз пет, сы вӧсна мый унджык гижысьыс мунісны фронт вылӧ[3].
Вӧйна бӧрын выль нимъяс югзисны журналлöн лист бокъясын: Иван Торопов, Геннадий Юшков, Нина Куратова, Александр Лыюров, Пётр Шахов, Борис Шахов, Василий Леканов, Владимир Попов, Александр Ларев, Альберт Ванеев.
70 воясö литератураö воськовтiс — бара жö «Войвыв кодзув» пыр — гижысьяслöн выль кöлена. Асшöр енбиа гижöдъясöн бур ногöн чуймöдiсны лыддьысьысьясöс В.Безносиков, Ю.Васютов, В.Напалков, А.Некрасов, А.Мишарина, Е.Рочев, А.Попов, Е.Афанасьев.
Журналын йӧзӧдӧны гижан удж донъялысьяслысь, критикъяслысь — Г.Беляевлысь, Т.Кузнецовалысь, В.Латышевалысь гижӧдъяс.
Журналса редакторъясöн ас кадö вöлiны Александр Николаевич Надеев (Чард), Н.П. Попов (Жугыль), Виктор Алексеевич Савин, Илья Иванович Пыстин, Доронин Михаил Павлович (Шыладорса Миш), Минин Михаил Петрович, Иван Иванович Оботуров, Николай Александрович Шахов (Сандрик Микол), Улитин Н.А., Степан Афанасьевич Мезенцев, Василий Васильевич Юхнин, И. Доронин, Вежев А.А., Торлопов Г.И., Рочев М.Я., Попов С.А., Торопов И.Г., Шахов П.Ф., Попов В.А., Рочев Е.В., Тимин В.В., Елькин М.А..
2012 вося косму тӧлысьсянь артмӧдӧма «"Коми" йӧзӧдчан керка», кытчӧ сідзжӧ ӧтувтісны «Войвыв кодзув» журнал.
Журналлӧн медыджыд тиражыс вӧлі 1971-ӧд воын — 5 сюрс, 2024-ӧд воын — 325.
Шӧр редакторъяс
• Н.П. Попов (1926–1930)
• Нёбдінса Виттор (1928)
• Мезенцев С.А. (—1949.03)
• Вежев А.А. (1949.04—1951.03)
• Пыстин И.И. (1951.04—1951.11)
• Торлопов Г.И. (1952.01—1953.08)
• Рочев М.Я. (1953.09—1969.12)
• Попов С.А. (1970.01—1973.05)
• Торопов И.Г. (1973.06—1977.02)
• Шахов П.Ф. (1977.03—1988.01)
• Попов В.А. (1988.02—1990.11)
• Рочев Е.В. (1990.12—1992.07)
• Тимин В.В. (1992.08—1996.01)
• Елькин М.А. (1996.02—2014.01)
• Полугрудов А.В. (2014.02—2024.07)[4].
• Обрезкова Н.А. (2024.08)
Наградаяс
• «Почёт пас» орден (1976)[5].;
• Коми Республикаса Правительстволöн И.А.Куратов нима премияа лауреат (2007);
• «Золотой фонд прессы» пас (2008-2009);
• Мукӧд сикас почёт грамотаясöн да дипломъяс
Адрес
167982, Коми Республика, Сыктывкар, Карл Маркс ул., 229 керка («Печать керка»).
Телепон: (8212) 24-47-52. Электрон пошта: kodzuv@mail.ru
Шӧр редактор: Обрезкова Н.А.
Журналлӧн ыдждаыс: 7,5 усл. печ. л. Формат 70х108 1/16. ISSN 0134-4323.
«Войвыв кодзув» журнал йылысь Коми йӧзӧдчан керка сайтын: http://komikerka.ru/smi/kodzuv;
Контактын «Войвыв кодзув» редакциялӧн лист бок: https://vk.com/kodzuv
Ӧшмӧсъяс
• «Финноугория» сайт
• «Ордым» журналлӧн юриндалысь
• «Ударник» журналлӧн юриндалысь
•«Войвыв кодзув» журналлӧн юриндалысь (1946-2017)
• Справочник Союза писателей СССР / ред. М. В. Горбачев, сост. Н. В. Боровская. — М.: Советский писатель, 1970. — 792 с. — 6000 экз.
Ыстӧдъяс
- ↑ "Войвыв кодзув" журнал
- ↑ Справочник СП СССР, 1970, с. 776.
- ↑ Мартынов В. «Войвыв кодзув» // Республика Коми. Энциклопедия. Том I. — Сыктывкар: Коми книжное издательство, 1997. — С. 313.
- ↑ В «Войвыв кодзув» сменился главред // «Финноугр» сайт (2014.01.24, рочӧн)
- ↑ Ведомости Верховного Совета СССР. – М.: Издание Верховного Совета СССР, 1976. – № 43 (27 октября). – 685 – 708 с. – [Статьи 601 – 617.]