Власенков Александр Александрович
| Александр Александрович Власенков | |||
|---|---|---|---|
 | |||
| Чужан лун | 1998 вося рака тӧлысь 12-ӧд лун | ||
| Чужанін |
Визин сикт, Сыктыв район, Коми Республика , Россия Федерация |
||
| Кулан лун | 2022 вося кӧч тӧлысь 2-ӧд лун | ||
| Куланін | Украина | ||
| Канму |
 Россия |
||
| Войска сикас |
 Россияса ВМФ-лӧн брегдорса войска |
||
| Звание |
 ефрейтор |
||
| Часьт | 200-ӧд торъя мотострелковӧй бригада | ||
| Чин | разведчик-снайпер | ||
| Тышъяс/вӧйнаяс | Украинаын тыш (2022) | ||
| Наградаяс да премияяс |
|
||
Власенков Александр Александрович (1998 вося рака тӧлысь 12-ӧд лун, Визин сикт, Сыктыв район, Коми Республика − 2022 вося кӧч тӧлысь 2-ӧд лун, Украина) — россияса военнослужащӧй, Войвыв флотса берегдорса войскалӧн 14-ӧд армейскӧй корпусса 200-ӧд торъя мотострелкӧвӧй бригадаысь разведчик-снайпер, ефрейтор. Юниоръяс пӧвстын рукопашнӧй бой кузя Россияса да мирса чемпион, рукопашнӧй бой кузя войтыркостса класса спорт мастер. Комиысь Россия Федерацияса Герой (2022, кувсьӧм бӧрас)[1].
Олантуй
Чужис 1998 вося рака тӧлысь 12-ӧд лунӧ Коми Республикалӧн Сыктыв районса Визин сиктын. Оліс Удора районса Чим посёлокын. Быдмис бать-мамтӧг, быдтіс бабыс. Чимса шӧр школаын 9 класс бӧрын пырӧма Благоевса шӧр школаӧ (Удора районса Благоев посёлок), помалӧма сійӧс 2015 воын. Медводдза классын велӧдчигӧн на кутіс занимайтчыны вӧльнӧй вермасьӧмӧн, а 10 арӧссянь — киӧн вермасьӧмӧн (рукопашнӧй бойӧн)[2]. Шедӧдіс гырысь вермӧмъяс, шуам, 2015 вося вӧльгым тӧлысь 13-ӧд лунӧ лоис вермысьӧн 46 килограммӧдз сьӧкта категорияын киӧн вермасьӧм кузя том йӧзлӧн (17 арӧсӧдз) мирса первенствоын, а некымын лун мысти — и том йӧзлӧн Россияса первенствоын (50 килограммӧдз). Эз ӧтчыдысь петкӧдчыв уна сикас тшупӧда ордйысьӧмъясын, кӧні шедӧдліс приз местаяс. Вӧлі рукопашнӧй бой кузя войтыркостса класса спорт мастерӧн[3][4][5][6].
Школа помалӧм бӧрын пырис велӧдчыны Россия Федерацияса пытшкӧс делӧяс министерстволӧн Петыркарса университетлӧн Ленинград обласьтса филиалӧ (7 номера факультет, вӧвлӧм Петыркарса милициялӧн шӧр специальнӧй школа). Кык во мысти лои эновтчыны велӧдчӧмсьыс.
2018 воын босьтӧмаӧсь Россияса армияӧ срочнӧй служба вылӧ, прӧйдитӧма Рытыввыв военнӧй кытшса (Москва обласьт) противовоздушнӧй оборона войскаын. 2019 воын запасӧ мунӧм бӧрын мыйкӧ дыра уджаліс Иркутск карын спорт тренерӧн, сэсся бӧр локтіс Чим посёлокӧ. Кадысь кадӧ нуӧдліс вермасьӧм кузя тренировкаяс, мастер-классъяс Благоев посёлокса спорт комплексын[2].
2022 во заводитчигӧн ас кӧсйӧм серти кырымаліс оборона министерствокӧд контракт. Сійӧс босьтісны Войвыв флотлӧн Берегдорса войскалӧн 14-ӧд армейскӧй корпусса 200-ӧд торъя мотострелкӧвӧй бригадаӧ разведчик-снайперӧн. Россия Федерацияса оборона министерстволӧн юӧр серти, бура петкӧдлӧма асьсӧ тышъясын моз тӧлысь 23-ӧд лунӧ Харьков обласьтса Дементиевка посёлок гӧгӧрын да моз тӧлысь 8-ӧд лунӧ Уда сикт дорын (Богодуховскӧй район). Кӧч тӧлысь 2-ӧд лунӧ Уда сикт дорын командуйтіс штурмӧвӧй группаӧн, коді пырис противник траншеяӧ да, би визь вылӧ веськалӧм бӧрын, ефрейтор Власенков тупкис аснас сы бӧрся локтысь военнослужащӧйясӧс, мыйӧн спаситіс найӧс. Ачыс ранаясысь кувсис[2][7].
2022 вося йирым тӧлысь 11-ӧд лунӧ Россия Федерацияса Президентлӧн («пӧдса») Индӧдӧн ефрейтор Александр Александрович Власенковлы повтӧмлунысь сетӧма Россияса Герой ним (кувсьӧм бӧрас). Вӧльгым тӧлысь 9-ӧд лунӧ Сыктывкарын Власенковъяслы сетісны Россия Федерацияса Геройлысь [[ «Зарни Кодзув» медаль (Россия)|«Зарни кодзув» медаль]][8][7].
Паметь
2023 воын Власенковлысь бюстсӧ сувтӧдӧма Удора районса Благоев посёлокын[1].
Пасйӧдъяс
- ↑ 1 2 Власенков Александр Александрович
- ↑ 1 2 3 Уроженцы Коми - Герои России: кто они. Александр Александрович Власенков (12.03.1998 – 02.09.2022). ИА Комиинформ (9 ӧшым тӧлысь 2022). Шыӧдчан кадпас: 12 ӧшым тӧлысь 2022.
- ↑ Спортсмен из Коми Александр Власенков — победитель Первенства мира по рукопашному бою. Информационное агентство «Север-Медиа» (13 вӧльгым тӧлысь 2015). Шыӧдчан кадпас: 12 ӧшым тӧлысь 2022.
- ↑ Борис Петиев. Одним махом выиграл и первенство мира, и всероссийский турнир. Газета «Выль туйод» (4 ӧшым тӧлысь 2015). Шыӧдчан кадпас: 12 ӧшым тӧлысь 2022.
- ↑ Первенство России по рукопашному бою среди юниоров и юниорок 18-20 лет. 01 — 05 ноября 2017 года. Общероссийская федерация рукопашного боя. Шыӧдчан кадпас: 12 ӧшым тӧлысь 2022.
- ↑ Константин Кякинен. В ходе спецоперации в Украине погиб чемпион мира по рукопашному бою из Коми. АиФ Коми (6 кӧч тӧлысь 2022). Шыӧдчан кадпас: 12 ӧшым тӧлысь 2022.
- ↑ 1 2 Удорцу Александру Власенкову присвоено звание Героя России. udora.info (8 вӧльгым тӧлысь 2022). Шыӧдчан кадпас: 12 ӧшым тӧлысь 2022.
- ↑ Сергей Ширяев. Звезду Героя России и Орден Мужества передали родственникам Александра Власенкова и Артема Тимушева. ГТРК «Мурман» (9 вӧльгым тӧлысь 2022). Шыӧдчан кадпас: 12 ӧшым тӧлысь 2022.