В.В. Поляковлӧн портрет (скульптура)

Министерство культуры РФ

Статьяын вӧдитчӧма материалъясӧн Россия Федерацияса Музей фондса канму каталогысь

    
Паськыдджыка

РФ-са культура министерство

Статьяын вӧдитчӧма материалъясӧн Россия Федерацияса  Музей фондса канму каталогысь

Паськыдджыка

Борисов Юрий Григорьевич

В.В. Поляковлӧн портрет. 1964

Номенклатура серти: Скульптура "Портрет Заслуженного художника РСФСР В.В.Полякова"

кисьтӧм[d]

Коми Республикаса национальнӧй галерея

высота: 37см,ширина: 21,5см,глубина: 28см

(инв.№ 46)

«В. В. Поляковлӧн портрет» (рочӧн «Портрет В. В. Полякова») — 1964 воын алюминийысь вӧчӧм скульптура. Авторыс — скульптор Юрий Борисов. Номенклатура серти объектыслӧн нимыс роч кыв вылын: Скульптура «Портрет Заслуженного художника РСФСР В. В. Полякова».

Гӧгӧрвоӧдӧм

Скульптураыс петкӧдлӧ олӧма мужичӧйлысь портрет. Чужӧмыс кузьмӧс формаа. Чужӧм вылас тӧдчӧны джуджыд чукыръяс, кодъяс мунӧны ныр бордъяссянь тшӧкаӧдзыс. Ныр розьяса ыджыд да ёсь нырыс — композициялӧн яръюгыд атрибут. Синъяссӧ паськыда восьтӧма, видзӧдлассӧ веськӧдӧма водзӧ. Ӧчкиыслӧн оправаыс мегыр кодь, улыс креплениеыс абу. Вом пельӧсъясас тӧдчӧ кокньыдик ироническӧй нюм. Вылыс парйыс тӧдчымӧн ыджыдджык улыссьыс. Ичӧтик тшӧкаыс содтӧ портретлысь аслыспӧлӧслунсӧ. Плешкыс паськыд, бокъясас кушмӧминъяс, юр шӧрас лӧсьыда чукӧртӧма юрсисӧ. Портретсӧ вӧчӧма чётно-фронтальнӧй композицияын. Петкӧдлӧма паськӧмлысь детальяс: галстук да бобув кӧртӧд элементъяса дӧрӧм воротниксӧ. Вундан визьыс мунӧ сьыліысь неуна улынджык.

Материал да техника

Портретсӧ вӧчӧма алюминийысь. Уджсӧ вӧчӧма формовка да кисьтан техникаӧн. Алюминий формовкаыс сетӧ позянлун петкӧдлыны мимикаын став посниторсӧ. Тайӧ материалыс сетӧ скульптура конструкциялы крепыдлун да кокньыдлун.

Ин

Экспонатсӧ видзӧны Коми Республикаса национальнӧй галереяын. 1943 воын восьтӧм галереяыс — Коми Республикаын дзик ӧти художественнӧй музей. Сылӧн коллекцияын 10 сюрсысь унджык экспонат, на лыдын рытыввыв Европаса, роч да коми серпасалысьяслӧн уджъяс. Музейыс меститчӧма Сыктывкарлӧн историческӧй шӧрын да сы гӧгӧрын эм скульптура сад, кӧні сідзжӧ нуӧдӧны культурнӧй мероприятиеяс.

Пасйӧдъяс