Борисов Юрий Григорьевич
| Борисов Юрий Григорьевич | |
|---|---|
 | |
| Чужан лун | 1928 вося сора тӧлысь 15-ӧд лун |
| Чужанін | Туръя сикт, Княжпогост район, Коми АССР |
| Кулан лун | 1977 вося вӧльгым тӧлысь 16-ӧд лун |
| Куланін | Ленинград обласьтса Тихвин районса Ефимовская посёлок |
| Гражданство |
 СССР |
| Жанр | график, скульптор |
| Велӧдчӧм | В. И. Мухина нима Ленинградса вылыс художественно-промышленнӧй училище |
Борисов Юрий Григорьевич (1928 вося сора тӧлысь 15-ӧд лун, Туръя сикт, Княжпогост район, Коми АССР — 1977 вося вӧльгым тӧлысь 16-ӧд лун, Ленинград обласьтса Тихвин районса Ефимовская посёлок) — нималана коми серпасалысь-скульптор, СССР-са художникъяслӧн котырӧ пырысь (1958), Коми АССР-са канму премияа лауреат (1972).
Олантуй
Юрий Григорьевич Борисов чужлӧма 1928 вося сора тӧлысь 15-ӧд лунӧ Княжпогост районса Туръя сиктын.
1946—1951 воясын велӧдчӧма В. И. Мухина нима Ленинградса вылыс художественно-промышленнӧй училищеса кӧрт художественнӧя обработайтан отделениеын[1]. Велӧдчӧмсӧ помалӧм бӧрын Борисов воис Сыктывкарӧ да 1952 восянь 1957 воӧдз уджаліс шӧр школаясын серпасасян да чертитчан велӧдысьӧн, сэк жӧ видліс асьсӧ скульптураын да петкӧдчыліс выставкаяс вылын. 1958 воын Борисов пырис СССР-са художникъяслӧн котырӧ[2].
Борисовлӧн нимкӧд йитчӧма Комиын изобразительнӧй искусствоын скульптура артмӧм. Сійӧ уджаліс станокӧвӧй да монументальнӧй формаясын[3].
Творческӧй уджсӧ заводитіс Сыктывкар монументально-декоративнӧя мичмӧдӧмсянь (В. Н. Мамченкокӧд ӧтвылысь), лои тӧдса аслас скульптура композицияясӧн: «Коми вӧралысьяс», «Кӧр видзысьяс», «Вуктылса газовикъяс», «Кер кылӧдысьяс».
Уна во Борисов уджаліс Сыктывкарын Воинскӧй слава паметник бала вылын, мый эштӧдіс сылӧн ёртыс — скульптор В. Мамченко, да 1980 воын сувтӧдісны карса изэрд вылӧ[3].
Скульптор вӧчис уна портрет: драматург В. Савинлысь, художникъяс В. Поляковлысь да М. Безносовлысь, композитор П. Чисталёвлысь да с.в.
Кувсис 1977 вося вӧльгым тӧлысь 16-ӧд лунӧ Сыктывкарын[1], мӧд ӧшмӧсъяс серти кувсис Ленинград обласьтса Тихвин районса Ефимовская посёлокын[4][5][6].
Выставкаяс
Петкӧдчис уна сикас выставка вылын Коми Республикаын 1953 восянь, зональнӧй выставкаяс вылын 1964 восянь[1]. На пиын:
• Ставсоюзса художественнӧй выставка. Москва, 1957 во;
• «Сӧветскӧй Россия» выставка. Москва, 1960 во;
• «Сӧветскӧй Войвыв» выставка. Архангельск, 1964 во;
• «Сӧветскӧй Россия» выставка. Москва, 1965 во;
• «Сӧветскӧй Войвыв» выставка. Киров, 1967 во;
• «Сӧветскӧй Войвыв» выставка. Петрозаводск, 1969 во;
• РСФСР-са автономнӧй республикаясысь художникъяслӧн выставка. Москва, 1971 во;
• «Сӧветскӧй Войвыв» выставка. Вӧлӧгда. 1974 во;
• «Сӧветскӧй Россия» выставка. Москва, 1975 во;
• Сӧветскӧй искусство выставка. Китай, 1958 во;
• Сӧветскӧй художникъяслӧн выставка. Монголия, 1972 во[3].
Литература
- Художники Коми АССР: биобиблиографический словарь. — Сыктывкар: Коми книжное издательство, 1979. — 120 с.
- Поповцева Э. К. Изобразительное искусство Республики Коми. 1943—2000 : [антология] / Э. К. Поповцева ; М-во культуры Респ. Коми, Нац. галерея Респ. Коми. — Сыктывкар : Национальная галерея Республики Коми, 2011. — 240 с. : цв.ил., портр.
Пасйӧдъяс
- ↑ 1 2 3 Беляева С. Борисов Юрий Григорьевич // Республика Коми. Энциклопедия. Том I. — Сыктывкар: Коми книжное издательство, 1997. — С. 271.
- ↑ Лица Победы. Юрий Григорьевич Борисов. Национальная галерея Республики Коми. Шыӧдчан кадпас: 17 лӧддза-номъя тӧлысь 2025.
- ↑ 1 2 3 Борисов Юрий Григорьевич. НБРК. Шыӧдчан кадпас: 17 лӧддза-номъя тӧлысь 2025.
- ↑ В Национальной галерее Коми откроется выставка к 90-летию со дня рождения скульптора Юрия Борисова. Регион (17 сора тӧлысь 2018). Шыӧдчан кадпас: 17 лӧддза-номъя тӧлысь 2025.
- ↑ Год героев Коми: Юрий Григорьевич Борисов, скульптор. Администрация МОГО "Сыктывкар" (13 ода-кора тӧлысь 2025). Шыӧдчан кадпас: 17 лӧддза-номъя тӧлысь 2025.
- ↑ Борисов Юрий Григорьевич. Национальная галерея Республики Коми. Шыӧдчан кадпас: 17 лӧддза-номъя тӧлысь 2025.
