Габов Николай Николаевич
| Габов Николай Николаевич | ||||
|---|---|---|---|---|
 | ||||
| Чужан лун | 1919 вося вӧльгым тӧлысь 28-ӧд лун | |||
| Чужанін | Усть-Сысольск, Вӧлӧгда губерня, РСФСР | |||
| Кулан лун | 1982 вося рака тӧлысь 15-ӧд лун | |||
| Куланін | Новочеркасск, Ростов обласьт, РСФСР, СССР | |||
| Канму |
 СССР |
|||
| Тышъяс/вӧйнаяс | Айму вӧсна Ыджыд тыш | |||
| Наградаяс да премияяс |
|
|||
| Отставкаын | Майор | |||
Габов Николай Николаевич (1919 вося вӧльгым тӧлысь 28-ӧд лун, Усть-Сысольск, Вӧлӧгда губерня, РСФСР — 1982 вося рака тӧлысь 15-ӧд лун, Новочеркасск) — Комиысь Сӧветскӧй Союзса Герой, Айму вӧсна Ыджыд тышын участвуйтысь, 2-ӧд Украинскӧй фронтса 40-ӧд гвардейскӧй воздушно-десантнӧй дивизияса медводдза гвардейскӧй артиллерийскӧй полклӧн штабнӧй батареяса разведчик, гвардияса рядӧвӧй (1944)[1].
Олантуй
• Николай Габов чужис Сыктывкарын 1919 вося вӧльгым тӧлысь 28-ӧд лунӧ. Помаліс 1 №-а шӧр школа [2].
• Школа помалӧм бӧрын пырис велӧдчыны Москва бердын Загорскса велӧдысьяслӧн институтӧ да 1940 воын сійӧс помалӧм бӧрын кутіс уджавны Рязань обласьтса Малый Сапожок сиктса шӧр школаын.
• 1941 воын босьтӧмаӧсь Гӧрд Армияӧ.
• 1943 вося урасьӧм тӧлыссянь Айму вӧсна Ыджыд тыш фронт вылын. Воюйтіс Рытыв-Войвыв, Шӧр, медводдза да 2-ӧд Украинскӧй фронтъяс вылын, участвуйтіс Курскса мегыр вылын косьын. Сійӧ вӧлі гвардейскӧй артполкса разведчикӧн да аддзис противниклысь би точкаяссӧ да ловъя вынсӧ. Медводдзаяс лыдын форсируйтіс Днепр. Рядӧвӧй Николай Габов сідзжӧ медводдзаяс лыдын форсируйтіс Днестр ю да повтӧг тышкасис плацдарм кутӧм вӧсна. Разведчикъяс группакӧд тышкасьӧма противниккӧд Лоточинцы грездын, кӧні ачыс бырӧдӧма дас кык фашистӧс. 1944 вося рака тӧлысь 27-ӧд лунӧ Винницкӧй областьса Бабино сикт дорын разведчикъяслӧн группа виччысьтӧг зурасис прӧтивниклӧн батальонкӧд. Николай Габов, враглысь расчёт бырӧдӧм бӧрын, кватитіс кипомса пулемёт да заводитіс тыш. 36 виӧма, 35 ранитчӧма да 6 пленнӧй — тадзи помасис тайӧ тышыс.
• 1945 воын Габов помалӧма артиллерийскӧй военнӧй училище да водзӧ служитӧма армияын команднӧй да политическӧй чинъясын.
• 1961 восянь — отставкаын майор.
• 1963 восянь КПСС-ӧ пырысь.
• Демобилизуйтчӧм бӧрас оліс да уджаліс Новочеркасск карын. Вӧлі 8 номера ремесленнӧй училищеын директорлы отсасьысьӧн.
• 1964 восянь уджаліс Новочеркасскса инженерно-мелиоративнӧй институтын велӧдысьӧн.
• 1966 воӧ помаліс заочнӧя Шахты карса пединститут.
• Куліс 1982 вося рака тӧлысь 15-ӧд лунӧ Новочеркасскын.
Наградаяс
• Сӧветскӧй Союзса Герой почёт ним (1944.09.13);
• Ленин орден (1944.09.13);
• «Зарни Кодзув» медаль (4268 №) (1944.09.13);
• «Москва дорйӧмысь» медаль (1942.12.22);
• «Отвагаысь» медаль (1944.07);
• «1941–1945 воясся Айму вӧсна Ыджыд тышын Германияӧс вермӧмысь» медаль (1945.09.05);
• «Тышын заслугаясысь» медаль (1951.11.19)[3].
Паметь
• Новочеркасскын керкаын, кӧні оліс Габов Н.Н., (Московская ул., 58) пуктӧма казьтылан пӧв[4].
• Сыктывкарын эм Габов нима изэрд[5].
• 2004 вося моз тӧлысь 22-ӧд лунӧ Сыктывкарын пуктӧма казьтылан пӧв[6].
• 2015 вося лӧддза-номъя тӧлысь 25-ӧд лунӧ Сыктывкарса аэропортын «Комиавиатранс» Let L-410 Turbolet (RA-67023) самолётлы сетісны Николай Габовлысь ним[7].
Ӧшмӧсъяс
Ыстӧгъяс
- ↑ Александров А. Габов Николай Николаевич // Республика Коми. Энциклопедия. Том I. — Сыктывкар: Коми книжное издательство, 1997. — С. 349.
- ↑ Владимиров Е. Ноябрь: Николай Габов. Разведчик-герой
- ↑ Я иду по улице героя...
- ↑ Ул. Московская 58, жил Герой Советского Союза Габов Николай Николаевич
- ↑ Там, где Ленин встречается с Горьким — Появилась площадь имени Габова
- ↑ Жители Сыктывкара почтили память земляка, Героя Советского Союза Николая Габова
- ↑ Самолеты "Комиавиатранса" получили имена героев Великой Отечественной войны из Коми. Шыӧдчан кадпас: 15 сора тӧлысь 2015. Архивируйтӧма 15 сора тӧлысь 2015.