Гагарин Юрий Васильевич

Видлалӧм гижӧд

Гагарин Юрий Васильевич
Чужан лун	1932-ӧд вося кӧч тӧлысь 15-ӧд лун(1932-09-15)
Чужанін	Воздвиженье[d], Кадников кар[d], Сокол район[d], Войвыв край, РСФСР, Сӧветскӧй Социалистическӧй Республикаяслӧн Союз
Кулан лун	1981-ӧд вося тӧвшӧр тӧлысь 17-ӧд лун(1981-01-17) (48 арӧс)
Страна	Сӧветскӧй Социалистическӧй Республикаяслӧн Союз
Мыйся уджыс	историк

Гагарин Юрий Васильевич (1932 вося кӧч тӧлысь 15-ӧд лун, Вӧлӧгда обласьтын Сокол районса Воздвиженье сикт–1981-ӧд вося тӧвшӧр тӧлысь 15-ӧд лун, Сыктывкар) – историк, коми войтырлысь оласног туялысь, история наукаяс доктор (1980).

Олантуй

Чужис 1932 вося кӧч тӧлысь 15-ӧд лунӧ Вӧлӧгда обласьтын Сокол районса Воздвиженье сиктын.
1955-ӧд воын помаліс А. А. Жданов нима Ленинградса канму университетысь история факультет.
1955-1956 воясӧ уджаліс Вӧлӧгдаса техникумын велӧдысьӧн.
1956-1961 воясӧ уджаліс «Знание» котырлӧн Коми Республикаса организация правлениеса референтӧн.
1961-ӧд воӧ пырис СССР-са Наукаяс Академиялӧн Коми филиалын аспирантураӧ, 1966-ӧд воын дорйис наукаяс кандидат ним вылӧ «Религиозные пережитки в Коми АССР и пути их преодоления» диссертация.
1964-ӧд воын Ю. В. Гагаринӧс босьтісны этнография да археология отделӧ младшӧй научнӧй сотрудникӧн, кӧні сійӧ пыр жӧ зіля босьтчис уджавны «Коми АССР-са сиктса олысьяслӧн культура да быт» тема вылын, кывкӧртӧдъяс серти 1968 воын Л. Н. Жеребцовкӧд ӧтвылысь йӧзӧдіс «Сиктса олӧм да культура» небӧг.
1971-ӧд воын Ю. В. Гагаринӧс бӧрйисны этнография да археология отделӧ старшӧй научнӧй сотрудникӧн.
1980-ӧд воын Ю. В. Гагарин лоис Коми наука шӧринын история юкӧнӧн веськӧдлысьӧн.
1980-ӧд воын дорйис наукаяс доктор ним вылӧ «История религии и атеизма народа коми» диссертация Н. Н. Миклухо-Маклай нима этнография институтын.

Кувсис 1981-ӧд вося тӧвшӧр тӧлысь 15-ӧд лунӧ Сыктывкарын.

Уджъяс

• «Религиозные пережитки в Коми АССР и их преодоление» (1971 во).
• Быт и культура села (1968 во).
• Старообрядцы. – Сыктывкар, 1973 во.
• История религии и атеизма народа коми. – Сыктывкар, 1978 во.

Общественнӧй удж

Ю. В. Гагаринӧс куимысь бӧрйылісны уджалысь йӧзлӧн депутатъяслӧн Сыктывкарса Сӧветӧ депутатӧн, кӧні сійӧ юрнуӧдіс горисполкомлы религиознӧй культъяс йылысь оланпастэчасӧ кутчысьӧм кузя отсӧг сетан комиссияӧн.
Ю. В. Гагарин вӧлі научнӧй атеизм кузя методическӧй сӧветӧн веськӧдлысьӧн да КПСС Сыктывкарса горком бердын атеизм школаын внештатнӧй преподавательӧн, «Знание» республиканскӧй общество бердын научнӧй атеизм кузя методическӧй сӧветӧн веськӧдлысьӧс вежысьӧн.

Наградаяс

• «За доблестный труд в ознаменование 100-летия со дня рождения В.И.Ленина» (1970 во);
• «Знание» котырлӧн пас;
• Мир дорйӧм кузя сӧветскӧй комитетлӧн Почёт грамота.

Литература

• Ученые Института языка, литературы и истории Коми научного центра УрО РАН: Биографический справочник / Сост. И.Л. Жеребцов. – Сыктывкар, 2000. – 212 с.

Ыстӧгъяс