Войвыв край

Босьтӧма Рувикиысь
край
Северный край
Войвыв край
64°32′ с. ш. 40°32′ в. д.GЯO
Страна Флаг СССР СССР
Адм. шӧрин Кардор
История да география
Артмӧдан кадпас 1929-ӧд вося йирым тӧлысь 1-ӧд лун
Бырӧдан кадпас 1936-ӧд вося ӧшым тӧлысь 5-ӧд лун
Ыджда 1 022 600 км²
Олысь лыд
Олысь лыд 2 680 300 морт (1931)
Олысь лыд (квадратнӧй километр му вылын) 2,4 морт/км²
Северный край на карте
Содтӧд пасйӧдъяс: Вуджӧм
Кардор губерня
Вӧлӧгда губерня
Войвыв Двина губерня
Коми (Зыряна) асвеськӧдлан обласьт
Войвыв обласьт
Коми АССР

Войвыв край (рочӧн Северный край) — РСФСР-лӧн рытыв-войвылын административно-территориальнӧй единица 1929 вося йирым тӧлысь 1 лунсянь 1936 вося ӧшым тӧлысь 5-ӧд лунӧдз.

Административнӧй шӧрин — Кардор.

Край, кытшъяс да районъяс лӧсьӧдӧм

[вежны | Вежны кодировкаын]

«РСФСР-ын краевӧй да областнӧй тӧдчанлуна административно-территориальнӧй объединениеяс артмӧдӧм йылысь» ВЦИК Президиумлӧн 1929 во тӧвшӧр тӧлысь 14-ӧд лунся Шуӧм серти вӧлі шуӧма 1929 вося йирым тӧлысь 1 лунсянь РСФСР-ын котыртны Кардорын шӧринӧн Войвыв край Кардор, Вӧлӧгда да Войвыв Двина губернияяс да Коми (Зыряна) асвеськӧдлан обласьт ӧтувтӧмӧн[1].

«РСФСР территория вылын краевӧй да областнӧй тӧдчанлуна административно-территориальнӧй объединениеяс котыртӧм йылысь» ВЦИК Президиумлӧн 1929 во тӧвшӧр тӧлысь 14-ӧд лунся да «Выльысь котыртӧм краевӧй да областнӧй объединениеяслысь территориальнӧй состав вежӧм йылысь» 1929 во сора тӧлысь 3-ӧд лунся Шуӧмъяс олӧмӧ пӧртӧм могысь Ставроссияса шӧр исполнительнӧй комитетлӧн Президиум 1929 во сора тӧлысь 15-ӧд лунӧ шуис вынсьӧдны Войвыв крайлысь (сы лыдӧ пырысь Коми (Зыряна) асвеськӧдлан обласьт да Еджыд саридзса да Войвыв океанса діяс кындзи: Вайгач, Франц Иосифлӧн му, Колгуев, Матвеев, Новая Земля да Соловецкӧй діяс) татшӧм вит кытш вылӧ юклӧмсӧ[2]:
• Кардор кытш Кардорын шӧринӧн;
• Вӧлӧгда кытш Вӧлӧгдаын шӧринӧн;
• Яран национальнӧй кытш Тельвиска сиктын шӧринӧн;
• Няндома кытш Няндома уджалан посёлокын шӧринӧн;
• Войвыв Двина кытш Югдінын шӧринӧн.

Войвыв крайса исполнительнӧй комитет веськыда веськӧдліс Войвыв океанса діясӧн: Вайгач, Франц Иосифлӧн му, Колгуев, Матвеев, Новая Земля, кодъясӧн веськӧдлісны РСФСР-са ВЦИК-лӧн да СНК-лӧн 1927 во рака тӧлысь 27-ӧд лунся торъя Положение серти, да Еджыд саридзса Соловецкӧй діясӧн.

1930 вося сора тӧлысьын кытшъяс вылӧ юклӧмсӧ вӧлі бырӧдӧма да лӧсьӧдӧма выль административно-территориальнӧй система: край - район - сельсӧвет, но национальнӧй юкӧнъяс Коми (Зыряна) асвеськӧдлан обласьт да Яран кытш крайын колины. 1930 вося моз тӧлысь пом кежлӧ край составын вӧліны:
Веськыда крайлӧн киподувса районъяс: Березниково район, Югдін район, Вельск район, Верхнетоемскӧй район, Верховажскӧй район, Вилегодскӧй район, Вожегодскӧй район, Вӧлӧгда район, Вохомскӧй район, Грязовецкӧй район, Емецкӧй район, Каргопольскӧй район, Карпогорскӧй район, Кичменгско-Городецкӧй район, Кокшеньгскӧй район, Коношскӧй район, Котлас район, Красноборск район, Кубено-Озёрскӧй район, Луза район, Леденга район, Ленскӧй район, Лешуконскӧй район, Мезенскӧй район, Никольскӧй район, Няндома район, Онежскӧй район, Опаринскӧй район, Пинежскӧй район, Плесецк район, Подосиновскӧй район, Приморскӧй район, Приозёрнӧй район, Ровдинскӧй район, Рослятинскӧй район, Свердловск район, Сухонскӧй район, Сямженскӧй район, Толшменскӧй район, Тотьма район, Усть-Кубинскӧй район, Устьянскӧй район, Харовскӧй район, Холмогор район, Чёбсар район, Чекуевскӧй район, Черевковскӧй район, Шенкурскӧй район и Шуйскӧй район;
• Кардор да Вӧлӧгда каръяс;
Коми (Зыряна) асвеськӧдлан обласьт: Изьва район, Луздор район, Шойнаты район, Сыктывкар район, Сыктыв район, Мылдін район, Удора район, Усвавом район, Емдін район, Кулӧмдін район и Чилимдін район.
Яран национальнӧй кытш: Большеземельскӧй район, Канино-Тиманса район и Пустозерск район.

1935 вося тӧвшӧр тӧлысьын да урасьӧм тӧлысьын вӧлі бӧр лӧсьӧдӧма Войвыв крайса 1931 воын бырӧдӧм районъяс: Коношскӧй, Красноборскӧй, Ровдинскӧй да котыртӧма Коми автономнӧй областьын выль Летка район.
1936 воын Коми мулӧн автономнӧй обласьтын вӧлі котыртӧма Печӧра кытш Усвавом сиктын шӧринӧн, кытчӧ пырӧны Усинск, Чилимдін да Изьва районъяс, а сідзжӧ Мылдін районса Войвыв сиктсӧвет. Сідзжӧ тайӧ воын крайын лоисны Вӧркутаса, Чибьюса да Шугӧрса промышленнӧй шӧринъяс.
1936 вося ӧшым тӧлысь 5-ӧд лунӧ СССР-са Сӧветъяслӧн VIII чрезвычайнӧй съездӧн СССР-лысь Оланподув примитӧм бӧрын Оланподувлӧн 22 статья серти Войвыв край вӧлі бырӧдӧма, а сылӧн мутасын котыртӧма Войвыв обласьт да Коми АССР.

1929 воын Войвыв крайлӧн 1 122,6 сюрс кв. км. ыдждаа мутасын 23 901 овмӧдчӧминъясын да 1 094 карса, посёлокса и сиктса сӧветъясын оліс 2 376,7 сюрс морт (1926 вося перепись серти)[3]

1931 вося тӧвшӧр тӧлысь 1 лун кежлӧ вӧлі 2 680 300 морт. Олысь лыд (квадратнӧй километр му вылын) — 2,4 морт/км². Карын олысь — 330 300 морт (12,3 %).

Войтыр сикас: рочьяс — 90,7 %, комияс — 8,2 %, мукӧд — 1,1 %.

Медыджыд овмӧдчӧминъяс: Кардор (128 647 морт), Вӧлӧгда (65 206 морт), Югдін (23 382 морт), Сокол (15 092 морт), Онега (12 475 морт), Сыктывкар (7694 морт).

Крайса/обласьтса веськӧдлысьяс

[вежны | Вежны кодировкаын]

Войвыв крайса-обласьтса Сӧветлӧн исполком[вежны | Вежны кодировкаын]

• 1929 — 10.1931 веськӧдлысь Комиссаров Сергей Иванович
• 10.1931 — 10.1935 веськӧдлысь Прядченко Григорий Кононович
• 10.1935 — 8.1937 веськӧдлысь Строганов Василий Андреевич

ВКП(б)-лӧн Войвыв крайса-обласьтса комитет[вежны | Вежны кодировкаын]

• 08.1929 — 03.1931 медводдза секретар Бергавинов Сергей Адамович
• 03.1931 — 05.02.1937 медводдза секретар Иванов Владимир Иванович
• 05.02.1937 — 09.1937 медводдза секретар Конторин Дмитрий Алексеевич

Литератураын

[вежны | Вежны кодировкаын]

Казьтывсьӧ «Поднятая целина» романын: ин, кытчӧ вӧлі ыстӧма и кытысь пышйис Тимофей Рваный.