Грибанов, Валерий Владимирович
| Грибанов Валерий Владимирович | |
|---|---|
| Чужан лун | 1948 вося рака тӧлысь 22 лун |
| Чужанін | Ленинград |
| Кулан лун | 2018 вося вӧльгым тӧлысь 8 лун |
| Мыйся уджыс | историк, политолог |
Грибанов Валерий Владимирович (2018) — политика наукаяс доктор, профессор, 2011 воясӧ Канму службаӧ да веськӧдлыны велӧдан Коми Республикаса академиялӧн ректор[1].
Олан туй
Чужис Ленинградын.
1970 воын помаліс А. Герцен нима Ленинградса канму педагогическӧй институт «История» специальность серти.
1970 вося кӧч тӧлыссянь 1971 вося ода-кора тӧлысьӧдз уджаліс история велӧдысьӧн Ленинград карса Мӧскуа районса 430 N-а школаын, а сэсся 1971 вося ода-кора тӧлыссянь 1972 вося моз тӧлысьӧдз служитіс Сӧветскӧй Армияын.
1972 восянь 1998 воӧдз уджаліс ассистентӧн, шӧр преподавательӧн, доцентӧн, кафедраӧн заведуйтысьӧн, А. Герцен ним Ленинградса канму педагогика институтын проректорӧн, а сідзжӧ Рытыв-Войвыв государственнӧй служба академияын да Санкт-Петербургса мукӧд вузъясын.
1998 восянь 2001 воӧдз уджаліс Рочмуса Федеральнӧй Собраниелӧн Федерация Сӧветӧ пырысьлы отсасьысьӧн.
2002 восянь 2011 вося урасьӧм тӧлысьӧдз уджаліс Коми Республикаса Юралысь бердын Канму службаӧ да веськӧдлыны велӧдан Коми Республикаса академияын ректорӧн.
2011 восянь оліс да уджаліс Санкт-Петербургын.
В. В. Грибанов кувсис 2018 вося вӧльгым тӧлысь 8 лунӧ[2].
1986 вося сора тӧлысь 23 лунӧ В. Грибановлы сетӧма философия наукаяс кандидатлысь учёнӧй степень, 1989 вося лӧддза-номъя тӧлысь 15 лунӧ сетӧма доцентлысь учёнӧй ним, 2002 вося косму тӧлысь 19 лунӧ сетӧма политика наукаяс докторлысь учёнӧй ним, 2003 вося вӧльгым тӧлысь 19 лунӧ сетӧма профессорлысь учёнӧй ним.
Наградаяс
«За трудовую доблесть» медаль;
«Рочму Федерацияса вылыс тшупӧда уджсикасӧ велӧдӧмын почёта уджалысь» морӧсвыв пас;
«Коми Республика водзын заслугаясысь» отличие пас;
«Коми Республикаса нимӧдана уджалысь» почёт ним.