Демократия войтыркостса лун
| Демократия войтыркостса лун | |
|---|---|
 | |
| Кадпас | кӧч тӧлысь 15-ӧд лун |
Демократия войтыркостса лун ( ООН-лӧн официал кывъяс вылын: англичан International Day of Democracy, араб اليوم الدولي للديمقراطية, испан Día Internacional de la Democracia, китай 国际民主日, француз la Journée internationale de la démocratie , рочӧн Международный день демократии) — йӧзӧдӧма ООН-са Генеральнӧй Ассамблеяӧн 2007-ӧд вося ӧшым тӧлысь 13-ӧд лунӧ правительствояслысь демократия сӧвмӧдӧм да ёнмӧдӧм кузя зільӧмъяслы отсӧг сетӧм йылысь резолюцияын (A/RES/62/7 №-а резолюция). Пасйӧны быд во кӧч тӧлысь 15-ӧд лунӧ 2008-ӧд восянь. Демократиялы сиӧм войтыркостса лун вӧлі лӧсьӧдӧма 1997-ӧд вося кӧч тӧлысьын Межпарламентскӧй союзӧн демократия йылысь ставмирса декларация примитӧмкӧд йитӧдын.
Резолюцияын вӧзйӧны ООН-ӧ пырысь канмуяслы, правительственнӧй да абу правительственнӧй организацияяслы, торъя йӧзлы пасйыны тайӧ лунсӧ йӧзӧс тӧдмӧдӧм могысь. Резолюцияын корӧны ООН-са Генеральнӧй секретарӧс примитны мераяс сы могысь, медым ООН пасйис демократиялысь войтыркостса лун.
ООН-са Генеральнӧй секретар Пан Ги Мун аслас 2009-ӧд вося кӧч тӧлысь 15-ӧд лунся посланиеын пасйис [1]:
«Демократия тӧдчана абу сӧмын ачыс — сійӧ сідзжӧ вына фактор, мый ышӧдӧ социальнӧй да экономика боксянь водзӧ мунӧм, войтыркостса мир да безопасносьт кутӧм да медшӧр инӧдъяс да вӧля пыдди пуктӧм».
Быдвося темаяс
• 2009 во — «Демократия — тайӧ...»
• 2010 во — «Демократия да сюрсвося сӧвман могъяс»
• 2011 во — «Мир да демократия: вӧчӧй сідз, медым тіянлысь гӧлӧстӧ кылісны»
• 2012 во — «Демократияӧ велӧдӧм»
• 2013 во — «Демократиялысь гӧлӧсъяс ёнмӧдӧм»
• 2014 во — «Том йӧзлӧн демократияӧ пырӧдчӧм»
• 2015 во — «Гражданскӧй обществолы пространство»
• 2016 во — «2030-ӧд воӧдз зумыда сӧвман юкӧнын сёрнитантор»
• 2017 во — «Демократия да конфликтъясысь видзчысьӧм»
• 2018 во — «Стресс кадӧ демократия: вежсьысь мирын решениеяс»
• 2019 во — «Участие»
• 2020 во — «COVID-19 пандемия дырйи демократиялы служитӧм»
• 2021 во — «Аскиа кризисъяс водзын демократиялысь зумыдлун кыпӧдӧм»