Зубенко Павел Васильевич

Павел Васильевич Зубенко
Павел Васильевич Зубенко
Чужан лун	1921-ӧд вося рака тӧлысь 27-ӧд лун
Чужанін	Кировск[d], Изюмский уезд[d], Харьковская губерния[d], Украина ССР[d];
Кулан лун	1972-ӧд вося йирым тӧлысь 18-ӧд лун (51 ар)
Куланін	Липецк[d], РСФСР, Сӧветскӧй Социалистическӧй Республикаяслӧн Союз;
Канму	СССР
Войска сикас	артиллерия
Служитан вояс	1940—1951
Звание	гвардияса старшӧй лейтенант
Часьт	220-ӧд гвардейскӧй стрелковӧй полк, 79-ӧд гвардейскӧй стрелковӧй дивизия, 28-ӧд гвардейскӧй стрелковӧй корпус, 8-ӧд гвардейскӧй армия, медводдза Белорусскӧй фронт
Чин	миномётнӧй взводса командир
Тышъяс/вӧйнаяс	Айму вӧсна Ыджыд тыш

Зубенко Павел Васильевич (1921 вося рака тӧлысь 27-ӧд лун, Поповка посёлок — 1972 вося йирым тӧлысь 18-ӧд лун, Липецк) — гвардияса старшӧй лейтенант, Айму вӧсна Ыджыд тышын участвуйтысь, Комиысь Сӧветскӧй Союзса Герой (1945)^[1].

Олантуй

Павел Зубенко чужлӧма 1921 вося рака тӧлысь 27-ӧд лунӧ Поповка посёлокын (Украина ССР). Школаын помаліс 7 класс.

1940 воын Зубенкоӧс босьтісны служитны Гӧрд Армияӧ. 1942 вося кӧч тӧлыссянь Айму вӧсна Ыджыд тыш вылын. 1943 воын сійӧ помаліс Ленинградса военно-политическӧй училище бердын курсъяс. 1945 вося тӧвшӧр тӧлысь кежлӧ гвардияса младшӧй лейтенант Павел Зубенко командуйтіс миномётнӧй взводӧн 220-ӧд гвардейскӧй стрелкӧвӧй полкын, 79-ӧд гвардейскӧй стрелкӧвӧй дивизияын, 28-ӧд гвардейскӧй стрелкӧвӧй корпусын, 8-ӧд гвардейскӧй армияын, медводдза Белорусскӧй фронтын. Петкӧдліс асьсӧ геройӧн Польша мездігӧн^[2].

1945 вося лӧддза-номъя тӧлысь 14-15 лунъясӧ Зубенколӧн взвод участвуйтіс Висла рытыввыв берег вылын Магнушевса плацдарм вывсянь немецкӧй дорйысьӧм венӧмын. Взводлысь бисӧ корректируйтӧмӧн Зубенко бырӧдіс 8 пулемёт да пӧдтіс противниклысь миномёт батареялысь бисӧ. 1945 вося тӧвшӧр тӧлысь 25-ӧд лунӧ Зубенко аслас взводкӧд медводдзаяс лыдын вуджис Варта вомӧн Познань районын да бӧрыньтӧдіс немечьяслысь контратакаяссӧ^[2].

СССР-са Медвылыс Сӧвет Президиумлӧн 1945 во рака тӧлысь 24-ӧд лунся Индӧдӧн гвардияса младшӧй лейтенант Павел Зубенколы вӧлі сетӧма Сӧветскӧй Союзса Геройлысь ним Ленин орденӧн да «Зарни Кодзув» медальӧн^[2].

1949 воын Зубенко помаліс офицерскӧй состав бурмӧдан курсъяс.

1951 воын гвардияса старшӧй лейтенант званиеӧн сійӧс уволитӧмаӧсь запасӧ.

1956 восянь 1962 воӧдз оліс Промышленнӧй посёлокын (пырліс Вӧркута кар кытшӧ, ӧні посёлокыс абу). Вӧркутаӧ локтіс семьянас: Евдокия Александровна гӧтырыскӧд да вит арӧса Лариса нывкӧд^[3]. Уджаліс 32 №-а шахтаын комбайнса машинистӧн, весалан забойын горнорабочӧйӧн. Уджалігас кыкысь ёна доймыліс, и 1962 воын сійӧс ыстісны инвалидносьт вылӧ. И сійӧ семьянас бӧр муніс Липецкӧ^[1].

Кувсис 1972 вося йирым тӧлысь 18-ӧд лунӧ Липецкын.

Наградаяс

• «Зарни Кодзув» медаль (5856 №) (1945);
• Сӧветскӧй Союзса Герой ним (1945);
• Ленин орден (1945);
• Гӧрд Кодзув орден;
• СССР-са медальяс.

Паметь

Липецкын Геройяслӧн изэрд вылын мрамор стела вылын гижӧма П.В. Губенковлысь нимсӧ ^[1].

Пасйӧдъяс

↑ ¹ ² ³ Герой репортажа №18 – гвардии старший лейтенант Зубенко Павел Васильевич
↑ ¹ ² ³ Зубенко Павел Васильевич (рус.). AZ Library. Шыӧдчан кадпас: 15 косму тӧлысь 2013.
↑ Герой СССР Павел Зубенко

Литература

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
• Огрызков, К. Т. В памяти и в сердце навсегда. – Липецк, 2005.
• Липецкая энциклопедия. В 3 т. / ред.–сост. Шальнев, Б. М., Шахов, В. В.. – Липецк, 2000. – Т. 2: Ж–О.
• Трокаев, А.А. Герои пламенных лет. – Донецк, 1985
• Чуйков, В. И. Конец Третьего рейха. – М., 1973.
• Книга памяти Республики Коми. — Сыктывкар, 2006. — Т. 12.

Ыстӧгъяс

[:1-1] ¹ ² ³ Герой репортажа №18 – гвардии старший лейтенант Зубенко Павел Васильевич

[зпв-2] ¹ ² ³ Зубенко Павел Васильевич (рус.). AZ Library. Шыӧдчан кадпас: 15 косму тӧлысь 2013.

[3] Герой СССР Павел Зубенко

[1]

[2]

[3]