И. П. Морозовлӧн керка-музей

И. П. Морозовлӧн керка-музей
И. П. Морозовлӧн керка-музей
Лӧсьӧдан кадпас	2004
Инпас	Сыктывкар, Киров ул., 32
Директор	Бандура Светлана Владимировна
Сайт	museumkomi.ru

И. П. Морозовлӧн керка-музей — И. П. Морозовлы сиӧм музей, Коми Республикаса национальнӧй музейлӧн юкӧн.

Тайӧ пӧшти дзик ӧти XXI нэмын лӧсьӧдӧм россияса музей, мый сиӧма Россияса нималана политическӧй деятельлы, Коммунистическӧй партиялӧн областнӧй комитетса вӧвлӧм медводдза секретарлы^[1].

История

Иван Павлович Морозов (1924-1987) нимкӧд йитчӧма республикалӧн историяын быдса кадколаст. Сылӧн юрнуӧдӧм улын Коми АССР 1960-1980 воясӧ лои Сӧветскӧй Союзса медся ёна сӧвмысь регионъясысь ӧтиӧн.

Музейсӧ волі восьтӧма 2004-ӧд воын И. П. Морозовлы 80 арӧс тыран лунӧ, кӧч тӧлысь 30-ӧд лунӧ ^[2].

Керка срубсӧ вӧлі вӧчӧма Койгорт районын. Сійӧс вайисны Сыктывкарӧ музей воссьытӧдз гоз-мӧд тӧлысьӧн водзджык ^[3].

Экспозиция

И. П. Морозов: республикалӧн историяын мортлӧн олӧм

«И. П. Морозов (1924-1987): республикалӧн историяын мортлӧн олӧм» экспозиция тӧдмӧдӧ И. П. Морозовлӧн, Коми Республикаса канму, политическӧй да общественнӧй деятельлӧн, олӧмкӧд.

Тайӧ музейыс — Межадор сиктын Морозовъяс семьялӧн керкалӧн стӧч копия, кӧні чужис-быдмис Иван Павлович.
Музейыс артмӧма сиктса керка моз: посводз, овмӧс юкӧн да оланін: кухня да шӧр жыр.
И. П. Морозовлӧн семьялы (челядьдыр, томдыр, велӧдчӧм, Айму вӧсна Ыджыд тышын участвуйтӧм) сиӧм юкӧнын петкӧдлӧма фото- да документальнӧй материалъяс, этнографическӧй предметъяс^[4].

Керкалӧн мӧд юкӧнын восьтӧма «Важ школа» экспозиция, кӧні петкӧдлӧма, кыдзи велӧдчисны важӧнджык коми челядь.