Караванщиклӧн войтыркостса лун
| Караванщиклӧн войтыркостса лун | |
|---|---|
 | |
| Сикас | Уджсикас гаж |
| Мӧд ногӧн | Караванщиклӧн лун |
| Пасйӧны | Быд во |
| Кадпас | кӧч тӧлысь 24-ӧд лун |
Караванщиклӧн войтыркостса лун (рочӧн Международный день караванщика, англ. International Day of Caravan[1]) — караванӧн новлӧдлысьяслӧн да транспорт колоннаясын да судно караванъясын мукӧд участвуйтысьлӧн, дальнобойщикъяслӧн, тӧргӧвӧй судно командаяслӧн да эскортнӧй корабль экипажъяслӧн абу официальнӧй уджсикас гаж, мый пасйӧны быд во кӧч тӧлысь 24-ӧд лунӧ [2][3].
История
,_USS_William_H._Standley_(CG-32)_and_USS_Guadalcanal_(LPH-7)_escort_tanker_Gas_King_in_the_Persian_Gullf_on_21_October_1987_(6432283).jpg)
Ӧти версия серти, гажсӧ урчитӧма штурман Адамс Уильямлӧн чужан лунӧ, 1564 вося кӧч тӧлысь 24-ӧд лунӧ. Уильямс, кодӧс ёнджыка тӧдӧны Андзин Миура (яп. 三浦按針) япон ним улын, европеечьясысь медводдзаӧн вӧліс Японияын, кытчӧ и кольччис овны, босьтіс самурай статус, сӧвмӧдіс Япониялысь саридзвывса йитӧдъяс да ачыс веськӧдліс вузасян саридзвывса экспедицияясӧн[4]. Мӧд версия серти, кӧч тӧлысь 24-ӧд лун — Хиджра помасян лун, Мухаммед пророк юрнуӧдӧм улын мусульманалӧн Меккаысь Мединаӧ вуджан лун[5], тайӧ лунсяньыс сідзжӧ артавсьӧны воясыс ислам календарын[6]. Лыддьыссьӧ, мый Караванщиклысь войтыркостса лунсӧ пасйӧны 1995-ӧд восянь Транспортно-грузӧвӧй операцияяс рационализируйтан войтыркостса ассоциациялӧн (ICHCA) водзмӧстчӧм серти[1].
Паськалӧм
Караванщиклӧн войтыркостса лун пасйӧны уна странаын, тшӧтш и Россияын, Украинаын да Беларусьын[2], но колӧ пасйыны, мый тайӧ гажсӧ пасйысь йӧз ассьыныс веськыд служебнӧй могъяссӧ олӧмӧ пӧртігӧн вермӧны лоны тайӧ странаясысь ёна бокын. Тыдалӧ, медводзсӧ гаж йывсьыс вӧлі юӧртӧма шмонитӧмӧн, ӧд караванъяссӧ йӧз векджык гӧгӧрвоӧны кыдзи верзьӧмӧн сӧвтас кыскалан пемӧсъяса йӧз чукӧръяс, а тайӧ эз лӧсяв груз новлӧдлӧм котыртӧмлӧн ӧнія ноглы. Но бӧрынджык гажыс паськаліс сідзжӧ и автомашина да саридзвывса транспортын асланыс аналогъяс вылӧ - дальнобойщик-водительяс да вузасян судно экипажъяс вылӧ. Талун кежлӧ тайӧ гажсӧ пасйӧны ставӧн, кодъяслӧн уджыс йитчӧма груз да йӧз новлӧдлӧмкӧд[2].
Пасйӧдъяс
- ↑ 1 2 Международный день караванщика — 24 сентября. История и особенности праздника в проекте Календарь Праздников. Calend.ru.
- ↑ 1 2 3 Международный день караванщика — Праздники России. www.rusevents.ru.
- ↑ 24 сентября: Этот день в истории бизнеса | Forbes.ru. Forbes.ru. Архивируйтӧма 26 кӧч тӧлысь 2012.
- ↑ Письма с острова Зипангу: штурман Уильям Адамс о себе и о японцах. DrevLit.Ru - библиотека древних рукописей. www.drevlit.ru.
- ↑ Али-заде А. А. Исламский энциклопедический словарь. — Москва: Ансар, 2007. — С. 822—830. — 920 с. — ISBN 5984430258, 9785984430258.
- ↑ Исламский энциклопедический словарь/Хиджра — Викитека. ru.wikisource.org.